Бүген 8В сыйныфы укучылары Евгений Абрамович Баратынский музеенда булдылар. Укучылар шагыйрьнең тормыш юлы, иҗаты, рухи эзләнүләре һәм аның нәсел дәвамчылары турында күп мәгълүмат алдылар. Экскурсия укучыларда җылы хисләр калдырды.

6 нчы сыйныф укучылары бүген Ушкова йортында экскурсиядә булдылар. Әлеге йортның архитектура стиле укучыларны сокландырды. Экскурсия укучыларда җылы хисләр калдырды.

Бүген, психология атналыгы кысаларында, 3б сыйныфында "Әни - тәүге сүзебез" дип аталган уен-дәрес үтте. Дәрес кызыклы сынаулардан торган уен рәвешендә барды. Укучылар бик теләп әзерләнгән сорауларга җавап бирделәр, әниләр турында мәкальләр, шигырьләр  тыңладылар.

Әни - безнең һәрберебез өчен иң җылы, иң назлы сүз. Әни елмаюы - бездә булган иң кыйммәтле әйбер! Гимназиядә «Әнием елмаюы» дип аталган рәсемнәр бәйгесе узды. Балалар зур дулкынлану белән әниләрен сурәтләделәр, шуңа күрә аларның рәсемнәре якты һәм төсле булып чыкты. Һәрбер рәсемдә дөньядагы иң кадерле кеше - әнигә мәхәббәт сизелә!

Бүген гимназиядә әниләргә багышланган җырлар яңгырады, чөнки бездә бүген "Әниләр турында җырны иң матур башкаручы сыйныф" бәйгесе үтте. Әниләргә хөрмәт, ярату хисе белән сугарылган җырлар беркемне дә битараф калдырмады. Һәр сыйныфның чыгышы үзенчәлекле булды.

Наркоманияне профилактикалау һәм сәламәт яшәү күнекмәләрен формалаштыру айлыгы кысаларында “Сәламәт яшәү рәвеше наркотикларга каршы!” девизы астында эстафета үтте. Укучылар төрле спорт уеннарында көч сынаштылар.

Психология атналыгы дәвам итә. Бүген 3А сыйныфында "Кәефең ничек, дускаем?" акциясе үтте. Укучылар махсус әзерләнгән почмакта смайллар ярдәмендә көн дәвамында кәефләре ничек үзгәрүен билгеләделәр.

X Халыкара бәйсез әдәби "Глаголица" премиясе бәйгесендә гимназиябезнең 8 нче сыйныф укучысы Яруллин Рәмзил “Татар телендә проза” номинациясендә диплом белән бүләкләнде. Әлеге бәйге  үз көчен зур әдәбиятта сынап карарга, туган телне, рус яки татар телен камилләштерергә, фикердәшләрен табарга теләгән яшь язучылар өчен үткәрелә.

Психология атналыгына багышланган чаралар дәвам итә. Бүген 4 нче В сыйныфында “Әниләр турында сөйләшик” дип аталган сыйныф сәгате үтте. Сыйныф сәгате укучыларга тормышта әниләрнең роле, әниләрне ничек бәхетле итү, хөрмәтләү турында сөйләделәр.

Бүген «Мөһим әйберләр турында сөйләшүләр» дәресләре «Гаиләдә үзара мөнәсәбәтләр турында» дигән темага узды. Бүген укучылар “гаилә” төшенчәсен ничек күзаллаулары белән уртаклаштылар, гаилә тормышы турында фикер алыштылар, гаилә нигезләре - бер-берсе өчен җаваплылык, үзара ярдәм, ихтирам, мәхәббәт, үзара аңлашу хисләре турында сөйләштеләр. Традицион гаилә кыйммәтләре, гаилә традицияләре турында сөйләделәр, гаилә турында мәкальләр һәм әйтемнәр искә төшерделәр.