8 ноябрь - Россия Федерациясе эчке эшләр органнары хезмәткәрләренең хезмәт бурычларын үтәгәндә һәлак булганнарны искә алу көне. Бу дата Россия геройларының аерым категориясенә полиция хезмәткәрләренә багышлана. Бу көнне бөтен ил буенча хокук саклау органнары хезмәткәрләренә хөрмәт күрсәтәләр, алар үз тормышлары бәрабәренә Россия гражданнарының иминлеген тәэмин иткәннәр. Шуңа бәйле рәвештә, гимназиядә "Буыннан-буынга, хәтерлибез" дигән мәгълүмат сәгате узды, аның барышында укучылар хезмәт бурычларын үтәгәндә һәлак булган Россия Эчке эшләр органнары хезмәткәрләрен искә алдылар.

Халыклар бердәмлеге көне алдыннан гимназиябез укучылары "Мәдәни үзенчәлек" онлайн-активлыгында катнашалар. Моның өчен алар үзләренең социаль челтәрләрдә туган ягыбызның милли үзенчәлеген(милли кием, милли ризык, истәлекле урыннар)  чагылдырган фотолар урнаштыралар.

1 нче ноябрь көнне 18 нче гимназиядә директорлар, тәрбия эшләре буенча директор урынбасарлары, киңәшчеләр һәм педагог-оештыручыларны “Алдынгылар хәрәкәтенә” кабул итү тантанасы узды.
Чарада Татарстанның “Алдынгылар хәрәкәте” балалар һәм яшьләр гомумроссия иҗтимагый-дәүләт хәрәкәтенең төбәк бүлеге Советы җитәкчесе Тимур Сөләйманов, хәрәкәтнең Казан бүлеге җитәкчесе Динар Бариев та катнаштылар.
Мөгаллимнәр тантаналы төстә ант бирделәр һәм “Алдынгылар хәрәкәтенең” тамгасы, беләзекләргә ия булдылар.

Бүген безнең гимназия укучылары һәм 187 нче лицей укучылары арасында иптәшләрчә матч узды. Матч дәвамында безнең гимназия командасы үз көндәшләреннән өстенлек алды һәм җиңеп чыкты. Йомгаклау исәбе безнең файдага - 62:36! Баскетболчыларыбызны яңа уку елында беренче җиңүләре белән котлыйбыз һәм киләчәктә дә уңышлар телибез!

“Көз сылуы Сөмбелә” шәһәр бәйгесенең район этабы нәтиҗәләре билгеле булды. Әлеге бәйгедә гимназиябез данын яклаган 6 нчы сыйныф укучысы Садыйкова Ралинә 1 нче урынга лаек булды. Хәзер ул шәһәр этабында Вахитов районы данын яклаячак. Ралинәне зур җиңүе белән котлыйбыз һәм иҗади уңышлар теләп калабыз.

30 нчы октябрь көне 5А сыйныфы укучылары «Бертуган Васильевлар остаханәсе» иҗат үзәгендә төнге яктырткыч ясау буенча мастер-класста булып кайттылар. Һәр бала күңелле атмосферада яктырткычның агач корпусын җыеп, аңа аккумулятор һәм светодиод тасма тоташтырды һәм әзер яктырткычны үзенә ошаган төсләргә буяп, үзе белән алып китте. Дуслар белән бергә яңа һөнәргә өйрәнү һәрвакыт рәхәт.

27 октябрьдә барлык сыйныфларда көзге каникуллар алдыннан укучылар белән инструктажлар үткәрелде. Балаларга юл хәрәкәте кагыйдәләрен үтәүнең мөһимлеге, Интернет челтәрендә куркынычсызлык турында, комендант сәгате, янгын куркынычсызлыгы турында, тимер юл инфраструктурасында, ачык сулыклар янында саграк йөрергә кирәклеген искәртеп үттеләр.  

27 нче октябрь көнне Вахитов районының гомуми белем бирү учреждениеләре арасында мини-футбол буенча ярышлар узды. Гимназиябез укучылары ике төркемдә ярышты. Нәтиҗәдә 2008-2009 елгы укучылар район буенча өченче урынга, ә 2012-2013 елгы укучылар икенче урынга лаек булдылар. Укучы егетләребезне җиңүләре белән котлыйбыз һәм уңышлар телибез!

Бүген барлык мәктәп һәм мәктәпкәчә белем бирү оешмаларында “Юл хәрәкәте иминлеге көне” билгеләп үтелә. Шул уңайдан гимназиябездә төрле чаралар үткәрелде. Башлангыч сыйныф укучылары әлеге темага рәсемнәр ясадылар, ә урта һәм югары сыйныфларда әлеге темага викториналар, сыйныф сәгатьләре  үтте. Хөрмәтле укучылар! Юл иминлеге кагыйдәләрен төгәл үтик, үз-үзебезне саклыйк!

Бүген Идел буе районының 73 номерлы урта белем бирү мәктәбендә “Көз сылуы Сөмбелә” шәһәр бәйгесенең район этабы узды. Әлеге бәйгедә гимназиябез данын 6 нчы сыйныф укучысы Садыйкова Ралинә яклады. Ул 4 бәйге: “Костюм көз сылуы Сөмбелә”, “Интеллектуаль бәйге”, “Бөтен җирне нурга күмә кояш кебек Сөмбелә”(визитка), “Алтын куллар” кул эшләре бәйгеләрендә чыгыш ясады. Ралинәгә иҗади уңышлар теләп калабыз.