"Пушкин картасы" белән сәяхәтләр дәвам итә. Проект кысаларында 10 нчы сыйныф укучылары кино карап кайттылар.

Бүген гимназиядә психология атналыгы башланып китте. Атна дәвамында укучылар кызыклы чараларда, акцияләрдә катнаша алачак. Укучыларны атналыкта актив катнашырга чакырып калабыз.

19 ноябрьдә бөтен Россия буйлап Халыкара географик диктант узды. Диктантта гимназия укучылары да катнашты. Диктантны язуның озынлыгы гади мәктәп дәресе кебек 45 минут тәшкил итте. Катнашучыларга, география һәм катнаш фәннәр буенча сорауларны да кертеп, 40 сорауга җавап бирергә тәкъдим ителде.

Гимназиябез укучылары ГТО нормаларын тапшыруга әзерлекне башлап җибәрделәр.

Укучыларның сәламәтлеге өчен ГТО нормативларын тапшыру зур әһәмияткә ия. Биредә тизлек, җитезлек, сыгылмалылык кебек сыйфатлар тикшерелә.

Нормативларны спорт белән даими шөгыльләнүче, шул исәптән мөстәкыйль, һәм медицина рөхсәте булган 6 яшьтән һәм аннан өлкәнрәкләр тапшыра ала. Нормативлар һәм сынаулар саны яшь үзенчәлекләренә карап үзгәрә.

Бүген гимназиядә башлангыч һәм урта сыйныфлар арасында “Татар халык җырларын иң оста башкаручы сыйныф” дип аталган бәйге үтте. Бәйгегә һәр сыйныф билгеле бер татар халык җырын әзерләгән иде. Чыгышлар бик үзенчәлекле һәм кызыклы булды.

Юл хәрәкәте иминлегенә багышланган чаралар дәвам итә. Башлангыч сыйныфларда әлеге теманы яктырткан дәресләр үтте. Укучыларга юл кагыйдәләрен искә төшереп кызыклы презентацияләр күрсәтелде. Соңыннан укучылар әлеге кагыйдәләрне рәсемнәрдә, кул эшләрендә сурәтләделәр.

Урам һәм юлларда балаларның куркынычсызлыгын тәэмин итү, балаларның юл-транспорт һәлакәтендә имгәнүен кисәтү кичектергесез хәл итүне таләп итә торган иң мөһим мәсьәләләрнең берсе булып тора. Күпчелек вакытта җәяүленең иминлеге аларның урамда үз-үзләрен тоту кагыйдәләрен үтәүгә бәйле, шуңа күрә балаларны дидактик, хәрәкәтчән уеннар һәм күнегүләр  аша юлларда үз-үзләрен хәвефсез тоту кагыйдәләренә өйрәтү бик мөһим. Шул уңайдан ЮИД түгәрәгенә йөрүче укучылар хәрәкәтчән уен элементлары белән КВН уздырдылар. КВН "Юлларда куркынычсызлык" темасына багышланган иде. Юлда һәм урамда балаларның үз-үзләрен тоту күнекмәләрен формалаштыру, юл хәрәкәте кагыйдәләре турындагы белемнәрне гомумиләштерү – әлеге КВНның төп максаты булды.

Бүген 7а сыйныф укучылары Казан шәһәренең искиткеч архитектура үзәге - Ушкова йортында булдылар. Ушкова йорты шәһәр үзәгенең якты истәлекле урыны, федераль әһәмияттәге мәдәни мирас объекты булып тора. Экскурсия үзенчәлекле һәм кызыклы булды. Экскурсия укучыларда җылы хисләр калдырды.

"Пушкин картасы" проекты кысаларында, бүген 9а сыйныф укучылары Е. А. Боратынский музеенда булдылар. Биредә алар 19 гасырның бөек шагыйре Е. А. Боратынскийның тормыш юлы һәм иҗаты белән таныштылар. Музейга бару укучыларга Россия тарихы һәм мәдәнияте өлкәсендә  белемнәрен тирәнәйтергә мөмкинлек бирде. Чара кызыклы булды һәм  укучыларда искиткеч тәэсирләр калдырды.

Бүген гимназиядә Толерантлык көненә багышланган радиоэфир узды. Эфир барышында бер-береңә ярдәм кулы сузу, дуслыкның кадерен белү, коллективта бердәм булу мөһим икәнлеге турында ассызыклап үтелде.