20 нче декабрь көнне гимназиядә ата-аналар җыелышы узды. 2018-2019 нчы уку елының беренче яртыеллыгына нәтиҗәләр ясалды, алга таба планнар билгеләнде. Сыйныфта булган проблемалар һәм аларны чишү юллары каралды. 

Бүген, 20 нче декабрь көнне, 5 нче А сыйныфы укучылары “Пушечный двор” музеена сәяхәт кылдылар. Борынгы чорлардан килгән төрле туплар, коралларны күрү, аларның тарихын ишетү укучылар өчен бик кызыклы булды. Бу көнне алган кичерешләр бик озакка укучылар күңелендә сакланыр. 

Бүген, 19 нчы декабрь көнне, “Иң яхшы стена газетасы” бәйгесенә нәтиҗәләр ясалды.
“Иң үзенчәлекле стена газетасы” номинациясе:
1 нче урын – 6 нчы В һәм 5 нче Б сыйныфлары;
2 нче урын – 9 нчы А һәм 9 нчы Б сыйныфлары;
“Яңа елның сихри рухы” номинациясе:
1 нче урын – 6 нчы А һәм 10 нчы А сыйныфлары;
2 нче урын – 5 нче А һәм 5 нче В сыйныфлары;
“Исәнме, әкият!” номнациясе:
1 нче урын – 6 нчы Б һәм 7 нче Б сыйныфлары;
2 нче урын – 8 нче Б һәм 9 нчы В сыйныфлары.

Гимназиядә математика атналыгы дәвам итә. Шул сәбәпле бик күп дәрестән тыш чаралар, ачык дәресләр үтә. Укучыларны әлеге чараларга җәлеп итү йөзеннән, экранда һәр көнне укучылар өчен математик мәсьәләләр бирелә.
Кадерле укучылар! Математика иң кирәкле, иң төп фәннәрнең берсе. Шуңа күрә ял вакытында да үз белемнәрегезне сынарга чакырабыз!

“Күңелле стартлар” спорт ярышлары дәвам итә. Бүген, 18 нче декабрь көнне, 3 нче сыйныфлар арасында “Күңелле стартлар” ярыш-уены узды. Укучылар төрле уеннарда үзара көч сынаштылар. Нәтиҗәләр түбәндәгечә билгеләнде:
1 нче урын – 3 нче В сыйныфы;
2 нче урын – 3 нче Б сыйныфы;
3 нче урын – 3 нче А сыйныфы.

Бүген, 18 нче декабрь көнне, математика атналыгы кысаларында, 5 нче сыйныфлар арасында математика фәненнән викторина узды. Укучылар өч командага бүленеп көч сынаштылар. Математикадан төрле кызыклы биремнәр, мәсьәләләр, ребуслар чиштеләр. Әлеге мавыктыгыч, кызыклы викторина укучылар күңеленә хуш килде.
Нәтиҗәләр түбәндәгечә билгеләнде:
1 нче урын – 5 нче А сыйныфы;
2 нче урын – 5 нче В сыйныфы;
3 нче урын – 5 нче Б сыйныфы.

Балачак – иң күңелле, рәхәт чор. Һәр кешенең күңелендә башлангыч сыйныфта укыган мизгелләр аерым урын алып тора. Әлеге чор яңа белемнәр алу белән генә түгел, ә күңелле вакыйгалары белән дә истә кала.
Бүген, 17 нче декабрь көнне, 2 нче сыйныфлар арасында “Күңелле стартлар” ярыш-уены узды. Укучылар төрле уеннарда үзара көч сынаштылар. Нәтиҗәләр түбәндәгечә билгеләнде:
1 нче урын – 2 нче В сыйныфы;
2 нче урын – 2 нче А сыйныфы;
3 нче урын – 2 нче Б сыйныфы.

17 нче декабрь көнне, “Тылсымлы Яңа ел” бәйгесенә нәтиҗәләр ясалды.
“Иң үзенчәлекле кар бөртеге” номинациясе җиңүчеләре:
1 нче урын – Скворцова Таисия, 1 А, Мифтахов И., 1 Б
2 нче урын – Потапов Игорь, 1 А, Сибгатуллина С., 1 Б
3 нче урын – Миннебаева Э., 1 В
“Иң гүзәл чыршы” номинациясе җиңүчеләре:
1 нче урын – Валитова Д., 2 Б
2 нче урын – Салимова Я., 2 В
3 нче урын – Шакирова Р., 2 А
“Иң кызыклы уенчык” номинациясе җиңүчеләре:
1 нче урын – Валиев Г., 3 А, Дмитриев А., 3 В
2 нче урын – Хакимова С., 3 А
3 нче урын – Габдуллина К., 3 Б
“2019 нчы ел символы” номинациясе җиңүчеләре:
1 нче урын – Ахатов А., 4 А
2 нче урын – Загрутдинов Д., 4 А
3 нче урын – Овчинникова В., 4 А

Безнең гимназия мөгаллимнәре һәм башка мәктәп укытучылары арасында волейбол турнирлары дәвам итә. Бу юлы укытучыларыбыз 78 нче мәктәп мөгаллимнәре белән көч сынашты. Уен җиңү белән тәмамланды. Исәп: 3:0.
Гимназияне әлеге җиңү белән тәбрик итәбез!

2019 нчы ел, Россия Федерациясе Президенты Владимир Путин карары белән, театр елы дип игълан ителде. Ил субъектларында башкарма хөкүмәт органнарына Театр елы кысаларында чаралар уздыру тәкъдим ителде. Татарстан Республикасы театрлары әлеге тәкъдимне тормышка ашыру максатыннан белем бирү оешмаларына очрашуларга йөреп, чаралар оештыра башладылар.
Шушы уңайдан, 13 нче декабрь көнне К. Тинчурин исемендәге татар дәүләт драма һәм комедия театры артистлары безнең гимназиягә очрашуга килделәр. Артистлар (Татарстанның атказанган артисты - Хәсәнова Әлфия Якуповна, театр актёрлары - Фәттахова Диләрә Ришадовна һәм Байназаров Илнур Иршатович) мастер-класслар, спектакльләрдән өзекләр күрсәттеләр.