Белем көне... Инде күп гасырлар дәвамында нәкъ менә бу көнне укучылар иртән-иртүк мәктәпкә ашыгалар. Аларны инде тагын да иртәрәк мәктәпкә килгән укытучылар каршы ала. Яңа уку елы башлана...
Белем көне - укытучылар белән укучылар бәйрәме генә түгел. Белем көне әти-әниләр өчен дә, студентлар өчен дә, аң-белемнәрнең дөньяда иң зур байлык икәнен аңлаган кешеләр өчен дә зур бәйрәм!
Бездә дә бүген әлеге бәйрәмгә карата тантаналы линейка узды. Быел 76 бала гимназиябезнең ишеген беренче тапкыр укучы буларак атлады. Бу көн аларга аеруча истәлекле, чөнки бүгеннән тормышның яңа сәхифәсе, танып-белү, иҗади уңышлар чоры башлана.
Әлеге бәйрәм көнендә барлык укучыларга белем нигезләрен тырышып, кызыксынып үзләштерүләрен телибез. Ә укытучылар алга таба да үзләренең зирәклеге, тәҗрибәсе, талантына таянып, яшь буынны укыту һәм тәрбияләүдә барысын да эшләр дип ышанабыз. Быелгы уку елы яңа иҗади ачышлар, җиңүләр елы һәм һәрберебез өчен дә тыныч-имин һәм нәтиҗәле булсын! Бәйрәм белән! Хәерле сәгатьтә!
 

Барыбызның да дулкынланып көтә торган Белем көненә санаулы көннәр генә калып бара. Укучылар һәм укытучылар әлеге көнгә әзерлекләрен инде күптәннән башладылар. Безнең гимназиябездә дә бүген яңа уку елына юнәлеш бирелде. Укучылар әле яңа эшли башлаган укытучылары белән, ә 1 нче сыйныфлар гимназия, сыйныф җитәкчеләре белән таныштылар, әңгәмә үткәрделәр. Аларның һәрберсен гимназиябез шатланып каршы алды. Каникулларда күрешмәгән сыйныфташлар, дуслар да сагынышканнар; инде алар җәйге ялларда җыелган көчләрен туплап, ниһаять, яңа уку елына аяк басачаклар.

Бүген, 28 нче сентябрь көнне, гимназиядә укытучылар киңәшмәсе үтте. Җыелыш барышында үткән елда уку һәм тәрбия өлкәләрендә ирешелгән уңышлар саналды һәм анализланды, нәтиҗәләр чыгарып, алдагы яңа уку елына төгәл максат-бурычлар һәм аларны чишү юлы каралды. Шулай ук аерым укытучылар билгеле бер казанышлары өчен бүләкләп тә үтелде. Аларның һәрберсе яңа көчләр туплап балаларга янәдән белем ишекләрен ачырга әзерлекләрен белдерде.

Бүген, 24 нче август көнне, урта һәм югары сыйныф укучылары бөтендөнья WorldSkills эшче һөнәрләр чемпионаты ярышларында булып кайттылар. Бәйгеләр махсус төзелгән Халыкара күргәзмәләр үзәге “Казан Экспо”да үтә. Укучылар 22 компетенция ярышларын күзәттеләр. Үзләре өчен кызыклы мәгълүматлар һәм онытылмас кичерешләр тупладылар. Әле сәяхәт киләчәк һөнәр сайлау вакытында ярдәмгә килер, бүген күргән мизгелләр бер фикергә килергә ядәм итәр дип уйлыйбыз. 

Торжественная линейка, посвященная Дню знаний, состоится 2 сентября 2019г. в 9.00

22-27 нче август көннәрендә Казанда, “Ворлдскиллс” стандартлары нигезендә, һөнәри осталык буенча дөнья чемпионаты уза. Анда 63 илдән килгән катнашучылар 56 компетенция буенча көч сынашачаклар.
Ә бүген катнашучылар шәһәребезнең төрле мәктәпләрендә кунак булдылар. Безнең гимназиягә Белоруссия данын яклаучы катнашучылар килделәр.
Аларга бик бай программа тәкъдим ителде. Кунаклар укучылар башкаруында флеш-моб карадылар, Татарстан, Казан белән таныштылар. Татар халкының милли ризыгы - чәк-чәк пешерергә өйрәнделәр. “Ел укытучысы – 2018” конкурсы җиңүчесе, физика укытучысы Радик Рифович белән физика законнарына төшенделәр. Робототехника түгәрәгенә йөрүчеләрнең эшләнмәләре, уңышлары белән таныштылар. Гимназия музеенда Яңа Татар бистәсе, гимназия тарихы, һөнәрчеләр турында кызыклы мәгълүматлар тыңладылар. Ә кунаклар, үз чиратларында, Белоруссия турында кызыкы фактлар, үзләре сайлаган һөнәрләр турында сөйләделәр, җырладылар. Истәлек өчен гимназия укытучыларының яраткан рецептларын туплаган җыентыклар бүләк ителде. 

Иртә яздан көзге суыкларга кадәр гимназиябез бакчасы аллы-гөлле чәчәкләргә күмелеп утыра һәм бик күп еллардан бирле район  күләмендә уздырылган бәйгедә призлы урыннарны яулап килә. Ләкин әлеге матурлык аерым өлкәләрдән мактау сүзләре ишетү өчен генә тудырылмый. Гүзәллек барлык кешеләрне дә сокландырырга һәм шатландырырга тиеш.

1 август көнне гимназиябез иң яхшы мәктәп территориясе бәйгесенең шәһәр этабынды катнашты. Әлеге конкурста мәктәп территорияләрен бәяләүнең аерым критерийлары бар. Монда яктылык, җирләрнең коймалап алынган булуы, чисталык, эстетик зәвык һәм башкалар керә. Ә иң мөһиме, болар барысы да мәктәптә укыту-тәрбия процессына файдага булырга тиеш.

Вниманию родителей и учащихся!

Пробный день состоится 29 августа в 12.00

Бердәм дәүләт имтиханы (БДИ) – мәктәп тәмамлаучылар өчен дәүләт аттестациясенең төп формасы. Аның нәтиҗәләре югары һәм урта махсус уку йортларына укырга керү имтиханы да булып тора. Быел гимназиябезне 23 бала тәмамлады, алар нинди һөнәр иясе булачакларын алдан фаразлап, мәҗбүри һәм сайлау имтиханнарына бик тырышып әзерләнде. Гимназия идарәсе, укытучылар тарафыннан да имтиханнарга әзерлек барышында аеруча күп көч һәм хезмәт куелды. 
БДИ нәтиҗәләре буенча рус теленнән 19 укучы, математикадан 7 укучы, информатикадан 3 укучы, инглиз теленнән 2 укучы, җәмгыять белеменнән 4 укучы, тарихтан 2 укучы, рус әдәбиятыннан 1 укучы  аеручы зур уңышларга иреште. 
Чыгарылыш сыйныф укучыларына зур уңышлар һәм үзләре сайлаган югары уку йортларына керү бәхетенә ирешүләрен теләп калабыз.

Бүген гимназиядә 9 сыйныф укучыларына төп гомуми белем турында аттестатлар тапшыру тантанасы булды. Укучылар күп сынаулар аша уздылар. Рус теле, математика һәм тагын үзләре сайлаган ике фәннән имтиханнар, ниһаять, артта калды. Укучылар һәм аларның әти-әниләре дулкынланып көткән мизгел килеп җитте. Бәйрәм барышында гимназия директоры Гөлфия Гаязовна барлык укучыларга матур теләкләрен җиткерде, аттестатлар тапшырды. 53 чыгарылыш сыйныф укучысының өчесенә укуны “5”легә генә тәмамлаган өчен махсус аттестатлар бирелде. Чара әти-әниләрнең рәхмәт сүзләре, сыйныф җитәкчеләренең укучыларына булган изге теләкләре белән үрелеп барды. 
Укучыларны истәлекле көннәре белән котлыйбыз, алдагы тормышларында ак юллар телибез!