Ватаныбызны саклаган геройларның исемнәре халкыбызның хәтерендә мәңге сакланыр. Һәр өлкәннең бурычы – һәр буын ата-бабаларыбызны искә алсын өчен үсеп килүче буында ватанпәрвәрлек һәм үз илеңә мәхәббәт хисе тәрбияләү.
Традиция буенча безнең мәктәптә Ватанны саклаучылар көненә багышланган саф һәм җыр смотры узды. Мәктәп укучыларына үзләренең саф әзерлеген, командирның командаларының төгәллеген, дөрес башкарылуын, колоннада маршировканың төгәллеген һәм дөреслеген, рапорт тапшыруның төгәллеген һәм дөреслеген, җырның оста башкарылуын һәм сөйләмнең төгәллеген күрсәтергә туры килде. Һәм, әлбәттә инде, кием формасы бәяләүнең соңгы критерие түгел иде.
Урыннар түбәндәгечә билгеләнде. 6-7 сыйныфлар арасында:
1 урын – 6 “Б”;
2 урын – 6 “А”;
3 урын – 6 “В”.
7-8 сыйныфлар арасында:
1 урын – 7 “В”;
2 урын – 7 “А”;
3 урын – 8 “А”.
Әлеге чара бер сулышта сизелмичә дә узып китте. Командалар яхшы әзерлек күрсәттеләр.

23 февраль – Ватанны саклаучылар көне уңаеннан бездә 9-10 сыйныфлар арасында хәрби-гамәли спорт төрләре буенча эстафета үтте. Ул берничә этаптан торды: 1) автоматны сүтеп җыю; 2) азимутны билгеләү; 3) яраларны бәйләү һ.б. Иң активлары булып 9 “А” сыйныфы булып чыкты. Алар зур кызыксыну белән әлеге бәйгеләрдә катнаштылар. Урыннар түбәдәгечә куелды: 1 урын – 9 “А”, 2 урын – 9 “Б”, 3 урын – 10 “А”.

Рус теле һәм әдәбияты декадасы кысаларында китапханә белән берлектә 7 “В” сыйныфы өчен Б.Полевойның “Повесть о настоящем человеке” китабына багышланган дәрес үтте. Укучылар биредә Б.Н.Полевойның тормышы һәм иҗаты белән таныштылар, повестьнең төп герое характерын ачтылар; бурыч, җаваплылык, чыдамлык, кыенлыкларны җиңеп чыгу, кешеләрне аңлый һәм хөрмәт итә белү кебек әхлакый сыйфатларны үстерделәр.

Бүген гимназиябездә Халыкара Туган тел көненә багышланган әдәби - музыкаль кичә уздырылды. Ул татар теле укытучылары һәм 2 “Б”, 3 “Б”, 4 “А” сыйныфы укучылары катнашында үткәрелде. Алып баручылар туган телебез – татар теле – турында сөйләсәләр, башкалар сәхнәдә күренекле шагыйрьләребезнең шигырьләре белән таныштырып үттеләр. Шулай ук әсәрләрне сәхнәләштерү, музыкаль композицияләр белән бәйләү зур урын алып торды. Әлбәттә, кичәнең ахыры татар халкының бөек шагыйре Г.Тукайның “Туган тел” җыры белән тәмамланды. Әлеге җылы кичә беркемне дә битараф калдыра алмады. 

Бүген, 20 февраль көнне, гимназиядә чираттагы “Күңелле стартлар” ярышлары узды. Биредә 2 “А” һәм 2 “В” сйныфлары катнаштылар. 2 этаптан торган эстафетада 2 этапта да 2 “В” сыйныфы җиңү яулады. 

17 февраль көнне, «Мы сохраним тебя, русская речь, Великое русское слово» дип аталган рус теле һәм әдәбияты декадасы башланып китте. Ә бүген, 18 февраль көнне, 7 “В” сыйныфы укучылары «Строки, опаленные войной» радиокомпозициясе белән чыгыш ясадылар. Укучылар сугыш вакытындагы шигырьләрне, җырларны искә алдылар, аларның безгә мәңгелек кыйммәтләр: мәхәббәт, хәтер, югалтулар, кешенең билгеләнеше турында сөйләүләрен искә төшереп үттеләр. “Бу җырлар бик җанлы һәм бердәмлек хисе белән сугарылган: кешеләрне мәхәббәт, югалтулар, юл, табигать, Ватан берләштерә”, - дип ассызыклап үтелде радиоэфирда. Шулай ук укучылар дошманга каршы сугышта халыкларны берләштергән “Священная война” җыры турында мәгълүмат бирделәр, ә радиоэфир ахырында әлеге җыр да яңгырады. 

ТАССРның 100 еллыгына багышланган проектыбыз һәрдаим эшләп тора. Биредә һәр сыйныф та зур көч куя, үз өлешен кертә. 7 “Б” сыйныфы да бу эштә бик актив катнаша, мәсәлән, бүген алар сынлы сәнгать дәресләрендә проект эшчәнлеге кысаларында ТАССР белән бәйле торак комплексы, фәнни үзәк, шәһәр үзәге төркемнәре буенча макетлар ясадылар.
Укучыларыбызның зур кызыксыну белән Татарстан тарихын өйрәнүләре, ТАССРның 100-еллыгы проектында актив катнашулары аларның үзләре яшәгән төбәккә битараф булмаулары турында сөйли. Без бу укучыларыбызның киләчәктә республикабыз үсешенә үзләреннән күпмедер өлеш кертәчәкләренә ышанабыз һәм аларга бу өлкәдә уңышларга ирешүләрен телибез!

Гимназиябездә “Күңелле стартлар” эстафеталары дәвам итә. Бүген 4 “Б” һәм 4 “В” сыйныфлары көчләрен сынаштылар. 4 “Б” сыйныфы эстафетаның 1 өлешендә өстенлек күрсәтеп, җиңү яуласа, 2 өлешендә (аркан тарту) 4 “В” сыйныфы көчлерәк булып чыкты. Ярышларның нәтиҗәсе бертигез баллар белән тәмамланды. 

Иҗади эшчәнлек кечкенәдән үк иң продуктив эшчәнлекләрнең берсе булып санала. Балага иҗат белән шөгыльләнү аның барлык шәхси якларын үстерүгә ярдәм итә. Без дә балаларның укудан тыш иҗади эшчәнлеге аның тормышында зур роль уйный дип саныйбыз. Гимназиябез укучылары спорт белән дә, сәнгать, музыка һ.б. иҗади юнәлешләрдә дә шөгыльләнәләр. Мәсәлән, 3 “Б” сыйныфы укучылары Хәсәнова Азалия һәм Муллагалиева Зилә шигырьләр, әсәрләр язалар. Аларның уңышлары да бар: бик еш балалар өчен газета-журналларда кызларның иҗат җимешләре дә бастырыла. Җитәкчеләре Фасляхова Азалия Рависовна ярдәмендә, “Сабантуй” балалар журналының яңа санында да бу укучыларның шигырьләре янә басылып чыкты. Без әлеге иҗади укучыларыбыз белән горурланабыз һәм алга таба яңа үрләр яулауларын телибез. 

Бүген, 12 февраль көнне, гимназиябездә 3 сыйныфлар арасында “Күңелле стартлар” ярышлары узды. Укучылар төрле эстафеталарда, аркан тартуда катнаштылар. Эстафеталарда 1 урынны 3 “А”, 2 урынны 3 “В”, 3 урынны 3 “Б” сыйныфы яулады. Ә аркан тартуда 1 урында 3 “В”, 2 урында 3 “В”, 3 урында 3 “Б” сыйныфы калды. Ярышлар бик күңелле узды, балалар да актив булдылар.