Халыкара кошлар көне - ел саен үткәрелә торган интернациональ экологик бәйрәм.  Мондый бәйрәм яз көне билгеләп үтелә, чөнки нәкъ менә шушы вакытта канатлы кошлар туган якларына карата бөек мәхәббәт хисләрен уяталар. Яз көне бөтен табигать җанлана, яңадан туа. Кояш яктырак һәм күңеллерәк карый башлый, йомшак җил иркәли, өлгереп җитмәгән чирәм өлгерә, агачларның бөреләре бүртә. Күчмә кошлар туган якларына әйләнеп кайталар.

Нәкъ тә әлеге матур мизгелдә укучыларыбыз сыйныфлары белән берләшеп, кошлар көненә видеолар төшерде, кул эшләре ясады, коллектив эш башкарды. Иң активлары булып 1 “Б”, 1 “В”, 4 “А”, 4 “Б”, 8 “А” сыйныфлары булды.

10 «А» сыйныфы укучылары бүген "Казан ярминкәсе" күргәзмәләр үзәгендә булып кайттылар. Биредә алар “XX век: От великих потрясений к Великой Победе” күргәзмәсе белән таныштылар. Экспозицияне аңлауда гомуми озынлыгы йөз метрдан артык булган мультимедиа инсталляциясе төп роль уйный. Контент белән контактсыз идарә итү системаларын гамәлгә кертү бу чорның иң масштаблы проектлары турында экспонатлар булдырырга мөмкинлек биргән. Совет чоры фәне һәм сәнгате коры архив мәгълүматларын җанландыручы ачык һәм күрсәтмә мультимедиа китапларында аерым игътибарга лаек. Хәзер фотоларда сакланмаган әйберләрне гәүдәләндерергә яки уйлап чыгарырга кирәкми - ул 3Dда яңадан төзелгән. Биредәге инновацион технологияләр аша укучылар бик күп яңа мәгълүмат алдылар, информациянең болай бирелеше аларда зур кызыксыну уятты, шуның белән бергә бу теманы аңлау да җиңелрәк булды.

7 нче апрель – Бөтендөнья сәламәтлек көне.  Бу көн уңаеннан безнең гимназия “Бөтендөнья сәламәтлек эстафетасы”на кушылырга булды һәм “Иртәнге зарядка” флешмобында катнашты. Күңелле музыка астында барлык гимназия укучылары, укытучылары күнегүләр ясадылар. Барыбыз да сәламәт булыйк!

6 нчы апрель көнне гимназиябездән 4 “А” һәм 4 “Б” сыйныфлары укучылары “Безопасное колесо” бәйгесендә катнаштылар. Алар биредә берничә тур аша үтте: медицина, тормыш иминлеге нигезләре , юл йөрү кагыйдәләре буенча белемнәрен сынадылар, велосипедта төрле күнегүләр эшләделәр, иҗади номер да күрсәттеләр.

Нәни укучыларыбызның гимназия музеена сәяхәтләре тукталмый. Бүген 1 “Б” сыйныфы  анда экскурсиядә булды, кызыклы һәм әле белмәгән мәгълүматларны ишетте. Күп экспозицияләр укучыларда сораулар уятты, аларга да җаваплар табылды. Бу – балаларның музейда соңгы булулары түгел, алар әле монда янәдән килеп, үзләренә яңадан-яңа ачышлар ясарлар.

5 “А” һәм 10 “А” сыйныфлары бүген 7 нче апрельдә үткәреләчәк Сәламәтлек көне уңаеннан сыйныф сәгатьләре үткәрделәр. Алар сәламәт яшәү рәвеше, ничек бүгенге  көндә сәламәтлегеңне сакларга кирәклеге, бу көн ничек һәм кайчаннан үткәрелеп килгәне турында презентацияләр карадылар, әңгәмә алып бардылар.

Һәр кеше үз хокукларын бозмауларын, үзен куркынычсызлыкта тоярга тели. Без дөньяда, илебездә, шәһәребездә күпчелек кешеләрнең әхлак принципларына таянучы, намус белән эшләүче, башка кешеләрнең фикерләрен исәпкә алучы, аларның хокукларын бозмаган, законны үтәүче тәртипле гражданнар булуына ышанасы килә. Әгәр һәр кеше болай яшәсә һәм үзен шулай тотса, полиция дә, судлар да, төрмәләр дә кирәк булмас иде. Тик, кызганычка каршы, бу күренеш чынбарлыктан ерак. Дөньяда даими рәвештә төрле җинаятьләр һәм хокук бозулар кылына.

Боларның барысын да без укучыларга аңлатырга тырышабыз, бу юнәлеш буенча эшләр алып барабыз, балалар өчен бу тема буенча әңгәмәләр, лекцияләр, сыйныф сәгатьләре оештырабыз. Шуларның берсе бүген 7-8 нче сыйныфларда үтте. “Балигъ булмаганнарның юридик җаваплылыгы” лекциясен КФУның юридик факультеты студенты, безнен укучыбыз Гараева Эльза алып барды. Укучыларга ул төгәл һәм аңлаешлы итеп бу проблемаларны җиткерде, шуңа да балаларга әлеге дәрес кызыклы һәм файдалы үтте.

Укучыларыбыз яңадан-яңа үрләр яулый! 8 нче сыйныф укучылары Ибушева Л. һәм Закирова И. Г.Ибраһимов исемендәге республикакүләм XI фәнни-гамәли конференциядә катнашып, 2 нче дәрәҗәдәге диплом белән бүләкләнделәр. Укучыларыбызны чын күңелдән котлыйбыз!

Гимназиябездә музей һәрдаим эшләп тора. Бүген дә 1 нче “А”, “Б” сыйныфлары биредә экскурсиядә булдылар. Аларга музейның кыскача тарихын, кайбер экспозицияләр һәм алар турында сөйләп үттеләр. Балалар бик кызыксыну белән барысын да күзәттеләр, сөйләүчене тыңладылар. Нәни укучыларның сораулары да күп булды, аларга да җавап таба алдылар.

Без әле дә кошларга ярдәм итәбез. Экология секторы укучылары бу эшне еш күзәтеп тора. Кошларга гимназиянең үзидарәчелек  төркеме генә түгел, ә гади укучылар да бик теләп җим сала.