Гимназиядә янгын куркынычсызлыгына багышланган рәсем бәйгесе үтте. Бала кечкенәдән шырпы уенчык түгеллеген, хәтта кечкенә очкын да ялкын уятырга мөмкин икәнлеген белергә тиеш. Шуңа күрә әлеге бәйге “Шырпы, янгын, ут һәм учаклар – рәсемнәрдә генә булсын алар...” девизы астында үтте.

Берләшкән Милләтләр Оешмасы  Генераль Ассамблеясе карары нигезендә, 21 сентябрь Халыкара тынычлык көне буларак билгеләп  үтелә. Шул уңайдан, бүген 2Б сыйныфында тынычлык дәресе булып узды. Дәрес барышында укучылар “тынычлык” төшенчәсенең мәгънәсенә төшенделәр һәм “Без тынычлык яклы” дигән презентация карадылар. Тынычлык дәресе азагында үз куллары белән тынычлык символы булган ак күгәрчен ясадылар һәм бер-берсенә матур теләкләр теләделәр.

21 сентябрьдән башлап, “Казан Экспо” күргәзмә үзәгендә, DigitalSkills мәгълүмати технологияләр өлкәсендә Ворлдскилс стандартлары буенча өченче тармак чемпионаты үтә. Чараның максаты – цифрлы икътисадны кадрлар белән тәэмин итү мәсьәләләрен хәл итү, массакүләм һөнәри юнәлеш бирү. Чемпионат вакытында, өлкән сыйныф укучылары өчен, һөнәри юнәлеш бирү буенча экскурсияләр оештырыла. Безнең гимназия укучылары да бүген “Казан Экспо” күргәзмә үзәгендә экскурсиядә булып кайттылар. Алар биредә оештырылган интерактив стендлар һәм «try-a-skill» (үзеңнең күнекмәләреңне тикшер) зоналарында булдылар.

Гимназиядә эшләп килүче “Яшь янгын сүндерүчеләр” отряды катнашучылары 2 нче сыйныфларда “Көнкүрештә куркынычсызлык кагыйдәләре” темасы буенча чыгыш ясадылар. Алар укучыларга көнкүрештә бәла-каза китереп чыгармас өчен ниләр эшләргә, ә килеп чыккан очракта беренче чиратта  нәрсә эшләргә, үзеңне ничек тотарга икәнлеген аңлаттылар.

Бүген 9 нчы сыйныфта гимназия психологы “Имтиханнарга ничек әзерләнергә?” дип аталган темага әңгәмә үткәрде. Укучыларга әлеге чара бик ошады.

Бүген 2 нче сыйныфта “Юл йөрү кагыйдәләре” темасы буенча “Своя игра” уен-презентациясе үтте. Укучылар экранда бирелгән сорау-биремнәргә җавап биреп, юл йөрү кагыйдәләрен иң яхшы белүче укучыны ачыкладылар. Укучыларга уен бик ошады.

Дөньяда ике бертөсле кеше юклыгы берәүгә дә сер түгел. Без бер-беребездән тышкы кыяфәт, характер, үз-үзеңне тоту манерасы, башка кешеләргә карата мөнәсәбәтебез белән аерылып торабыз. Безнең гимназиядә «Без барыбыз да төрле – бу безнең байлыгыбыз» дип исемләнгән иншалар бәйгесе үтте. Укучылар иншаларында «толерантлык» төшенчәсенә карата үз карашлары турында сөйләделәр.

Юл йөрү кагыйдәләрен 1 нче сыйныф укучылары да искә төшерделәр. Алар бүген викторинада көч сынаштылар. Нәни укучылар, төркемнәргә бүленеп, төрле бәйгеләрдә катнаштылар. Викторина бик кызыклы үтте. Әле нәни булсалар да, укучылар сынатмадылар, барлык бәйгеләрдә дә актив катнаштылар.

Бүген 5 нче сыйныфта гимназия психологы катнашында сыйныф сәгате үтте. Чарада психолог укучыларга “Үзеңне ничек ышанычлы тотарга?” дигән темага мәгълүмат бирде.

Бүген башлангыч сыйныфларда “Юл йөрү кагыйдәләре турында без нәрсә беләбез?” дип аталган дидактик уен үтте. Укучылар, вариантларга бүленеп, кызыклы биремнәр үтәделәр, табышмаклар ярдәмендә транспорт төрләре белән таныштылар. Кызыклы уен укучыларга светофорның әһәмиятен аңларга ярдәм итте һәм алар бик теләп светофорны рәсем дәфтәрләрендә дә ясадылар.