Хәзерге чорда яшь буынның сәламәтлеген ныгыту мөһим мәсьәлә булып тора. Һәрбер кеше балачактан ук үзенең эчке халәтен яхшы сиземләргә һәм сәламәтлеге турында кайгырта белергә тиеш. Шул максаттан, бездә физкультура дәресләре мавыктыргыч һәм кызыклы итеп үткәрелә.

Бу атнада гимназиядә теннис дәресләре башланып китте. Теннис уйнарга өйрәнү балалар өчен бик файдалы. Ул физик активлыкны үстерүдән тыш, шәхси үсешкә дә ярдәм итә, дисциплина һәм характер тәрбияләргә мөмкинлек бирә. Безнең укучылар теннис дәресләренә бик теләп йөриләр.

Иминлек айлыгы кысаларында, укучыларның юл йөрү кагыйдәләре буенча белемнәрен тикшерү, светофордан һәм юл билгеләреннән дөрес итеп файдалана белү күнекмәсен ныгыту максаты белән, 3 нче В сыйныфында “Юл билгеләре иле” дип аталган уен-дәрес үтте. Дәрес барышында укучылар юл йөрү кагыйдәләрен, юл билгеләрен искә төшерделәр, кызыклы сорау-табышмакларга җавап эзләделәр. Соңыннан бергәләп кул эшләре эшләделәр. Дәрес бик кызыклы үтте.

11 нче сентябрь көне – Бөтендөнья аеклык көне билгеләп үтелә. Шул уңайдан, гимназиядә өлкән сыйныф укучылары белән әңгәмәләр үтте. Аларның төп максаты – укучыларны сәламәт яшәү рәвешенә өндәү һәм алкогольдән баш тартуга юнәлдерү, эчкечелек чиренең фаҗигасен аңлату. Әңгәмә барышында укучылар сәламәт тормыш алып баруның уңай якларын билгеләп үттеләр.

“Көзге  игелек атнасы” акциясе гимназиядә үткәрелгән “Хәйрия ярминкәсе” белән төгәлләнде. Әлеге чарада барлык укытучылар һәм укучылар актив катнашты. Ярминкәдә төрле сувенирлар, кул эшләнмәләре алырга мөмкин иде. Ярминкә оештыруда катнашкан һәркем мохтаҗларга ярдәм итүдә үз өлешен кертте.

“Игелек атнасы”нда үткәрелгән чаралар укучыларны игелекле, мәрхәмәтле булырга өйрәтүдә бер зур адым булып тора. Балалар мәктәп яшеннән үк әлеге төшенчәләрнең тормышта нинди мәгънәгә ия булуын белеп үсәргә тиеш.

Быел да, гимназия укучылары "Татарча диктант ЯЗ" дөньякүләм белем тикшерү акциясенә кушылдылар. Ел саен үткәрелә торган әлеге акция бөтен Җир шарында яшәүче катнашучыларны җыя. Аның максаты - татар телен һәм мәдәниятен үстерү, татар халкының гореф - гадәтләре белән танышу. Әлеге чарадан без дә читтә калмадык. Диктант Г. Бәшировның "Чишмә моңы ничек җыр булды?" публицистик язмасыннан иде.

Сәламәт яшәү рәвешен ачыклау максатыннан, бездә “Алкоголь, тәмәке, наркотиклар. Сырага бәйлелек.” дигән темага әңгәмә узды. Әңгәмә барышында, тормыштан алынган төрле мисаллар ярдәмендә, наркомания, эчкечелек һәм тәмәке тарту куркыныч авыруларны китереп чыгаручылар, гомерне кыскартучылар икәнлегенә басым ясалды. Шулай ук укучыларга файдалы мәгълүматлар язылган буклетлар тәкъдим ителде.

9 сентябрь көнне, Киокусинкай каратэ командасы составында, гимназиябезнең 2 в сыйныфы укучысы, Федагин Даниил «Россия спорт державасы» IX халыкара спорт форумында катнашты. Спортчылар алдынгы Бөтенроссия спорт федерациясе чаралары һәм мини–турнирлар уза торган физкультура–спорт паркында булдылар.  Моннан тыш, катнашучылар танылган спортчылар, аерым алганда, Олимпия чемпионнары А.Ягудин һәм Т. Татьмянина белән дә аралаша алдылар.

“Игелек атнасы” акциясе кысаларында, бүген гимназиядә “Күңелле стартлар” ярышлары узды. Биредә башлангыч сыйныф укучылары катнаштылар. Укытучылар тарафыннан оештырылган ярышларда һәр укучы бик теләп катнашты.

Укучыларда үз сәламәтлекләренә карата аңлы караш формалаштыру, аларны начар гадәтләргә бирешмәскә өйрәтү максатыннан, урта сыйныфларда “Алкоголь сине ничек үтерә?” дип аталган темага сыйныф сәгатьләре үтте. Укучылар әлеге темага карата үзләренең фикерләрен белдерделәр һәм сәламәтлекне саклау өчен начар гадәтләргә “Юк!” дияргә кирәк дигән уртак фикергә килделәр.

Гимназиядә башлангыч һәм урта сыйныф укучылары арасында “Мин сәламәт яшәү рәвешен сайлыйм” дип аталган темага рәсем бәйгесе үтте. Рәсемнәрдә сәламәтлекне ныгытучы һәм зыян салучы факторлар сурәтләнгән иде. Барлык укучылар да бәйгедә актив катнаштылар.