Безнең балалар бакчасының яшь педагогы Валиева Кадрия Илдар кызы "Безнең яңа тәрбияче" республика күләм грантына ия булды. Аны әлеге уңышы белән котлыйбыз һәм әлеге грант аның һөнәри эшенә  яңа этәргеч бирер, дип ышанабыз!

Бүген Биектау районының Ямаширмә авылының "Йолдыз" балалар бакчасында "Белем һәм тәрбия бирү Каюм Насыйри хезмәтләрендә" республика конкурсының йомгаклау конференциясе булды. Чара күренекле татар галиме һәм мәгърифәтчесенең 200 еллык юбилеена багышланды. Республика бәйгесе аның бай мирасын мәктәпкәчә яшьтәге балаларның тәрбиячеләре һәм ата-аналары арасында тарату максатыннан оештырылды. Әлеге конференция безнең балалар бакчасы тәрбиячесе Гайбадуллина М.Ф. катнашып, үзенең Каюм Насыйри иҗатына багышланган "Тамчы шоу" интеллектуаль уенын тәкъдим иттеп бәгесенең призеры булды. Аны әлеге уңышы белән котлыйбыз һәм алдагы һөнәри эшендә уңышлар телибез!

Бүген Теләченең беренче номерлы  балалар бакчасы базасында балалар юл- транспорт травматизмын профилактикалау буенча «Яшел ут» республика конкурсының район этабына йомгак ясалды. Катнашучылар ике өлештән торган сынау уздылар. Беренче этапта педагоглар балалар белән ачык шөгыль үткәрде, юл хәрәкәте кагыйдәләрен өйрәтү ысулларын күрсәттеләр. Икенче өлештә барлык катнашучылар да балалар, ата-аналар һәм җәмгыять белән юлларда куркынычсыз тәртип кагыйдәләрен өйрәтү буенча эш тәҗрибәсе тәкъдим иттеләр. Бәйге этапларының нәтиҗәләре буенча безнең балалар бакчасы тәрбиячесе Гайбадуллина М.Ф. өченче урын яулады.

Бүген Теләче муниципаль районында Теләче 3нче балалар бакчасы базасында «Россиянең ел тәрбиячесе» республика бәйгесенең муниципаль этабы узды. Безнең Теләче 2нче балалар бакчасын әлеге бәйгедә тәрбияче Вщлиева Кадрия Илдар кызы тәкъдим итте. Ул үзенең эш тәҗрибәсе белән уртаклашып, ата-аналар өчен агарту-белем бирү чарасы үткәрде.Кадрия Илдаровна бәйгенең барлык сынаулар нәтиҗәләре буенча "Ел тәрбиячесе" номинациясендә призер булды.

Бүген безнең Теләче 2нче балалар бакчасында аеруча шау-шулы, күңелле булды! Без "Мәктәптә футбол" Бөтенроссия фестивале проекты кысаларында "Без уенда!" беренче мини-фестивален уздырдык. Бу бәйрәм булачак чемпионнарыбыз — кызлар өчен махсус оештырылган иде! Фестиваль барышында Һәр кызчык уенның азартын, тупны төгәл тапшырудан шатлык һәм команда җиңүенең бәхетен тоя алды. Футболист-малайлар исә алар өчен җан атып тордылар. 

  Бүген балалар Алдыңгылар хәрәкәте остазлары белән “Яхшылык эшләргә ашык!” темасына аралаштылар !5нче декабрь- Волонтёрлар көнендә остазлар пилот төркеме өчен үзенчәлекле «Уенчыкка беренче ярдәм күрсәтү» иҗади остаханә оештырдылар. 

   Балалар аралашып кына калмадылар-волонтер булып карадылар! Педагоглар белән бергә балалар йомшак пациентларга "беренче ярдәм күрсәттеп" - кайгыртучанлыкка һәм сакчыл карашка өйрәнделәр. Хайваннарга, табигатькә һәм кешеләргә чын күңелдән ярдәм итүче супергеройлар-волонтерларның кемнәр икәнен белделәр. Һәркемнең, хәтта иң яшь ярдәмчеләрнең дә кулыннан килә торган игелекле эшләр турында сөйләделәр.

   Бу көн балалар өчен зур һәм мөһим изге гамәлләр дөньясына беренче адым булды. 

Тәүлекнең караңгы вакытында җәяүлеләр арасында яктылыкны кайтаручы элементлар куллануны популярлаштыру максатыннан бу атнада зурлар төркеме тәрбиячеләре Гайбадуллина М.Ф. һәм Валиева К.И. "Флике-балаларга яхшы дус" исемле мастер-класс уздырдылар. Мастер-класс барышында балалар фликер нәрсә, аны ничек кулланырга булуы турында белделәр. Ләкин төп вакыйга практик өлештә булды! Тәрбиячеләре җитәкчелегендә һәр бала үз куллары белән яктылыкны кире кайтара торган уникаль брелок ясады. Хәзер безнең тәрбияләнүчеләрнең мөһим аксессуары гына түгел, ә аларның өйгә кайту юлын куркынычсыз итә торган шәхси «дусты» да бар. Мондый шөгыльләр балачактан ук юлда үз-үзеңне җаваплы тоту культурасын формалаштырырга ярдәм итә.