Бүген мәктәбебездә "Мәгариф" журналы хезмәткәрләре белән очрашу булып узды. Очрашуда "Мәгариф" журналының бүлек мөхәррире, мөгаллим Таһир Әюп улы Сабирҗанов; Ринат Нуруллин - балалар шагыйре, прозаик, Шәйхи Маннур исемендәге премия лауреаты, техник фәннәр кандидаты, доцент, Татарстан Республикасының атказанган уйлап табучысы; Тәэминә Әхмәт кызы Биктимерова - тарих фәннәре кандидаты, Татарстанның атказанган мәдәният хезмәткәре катнашты. Очрашу кызыклы һәм файдалы булды.

Бүген 9,11 нче сыйныф укучыларының әти-әниләр җыелышы булып узды.Көн тәртибендә ОГЭ,ЕГЭ мәсьәләләре каралды.

Бүген мәктәп күләмендә "Без бергә!"конкурсының "Нәфис сүз" номинациясе үткәрелде.Әлеге конкурста һәр сыйныфтан укучылар актив катнаштылар.Молодцы,укучылар!

Мәктәп күләмендәге гомуми линейкада ГТО нормаларын уңышлы тапшырган укучылар тәбрикләнде.Рәхмәт,укучылар! Алга таба да зур уңышлар телибез!

8 нче сыйныф укучысы Галлямова Динә КФУ үткәргән татар теле олимпиадасында катнашты.Уңышлар сиңа,Динә!

Башлангыч сыйныфлар атналыгы дәвам итә.Бүген Юмаева Г.М."Әкияттә кунакта" дип исемләнгән кичә үткәрде.Укучылар әкиятләр иле буйлап сәяхәт иттеләр.Әкият геройларын таныдылар,үзләре әкиятләр сөйләделәр,әкиятнең авторларын таптылар.

Бүген башлангыч сыйныф укучылары белән Габдрахманова Ә.Н."Зәкия Туфайлова-яраткан шагыйрәбез" темасына балалар иртәсе үткәрде.Кичәдә укучылар шагыйрәнең иҗаты белән таныштылар.

16-21 гыйнвар аралыгында мәктәбебездә башлангыч сыйныфлар атналыгы игьлан ителде.Бүген атналыкны ачу тантанасы,укучыларга индивидуаль эшләр,класс-коллектив белән эшләнәсе эшләр тәкьдим ителде.План нигезендә беренче көн "Әдәби әсәр геройлары" темасына рәсем ясау конкурсы оештырылды.Конкурста укучылар актив катнаштылар.

10 сыйныф укучылары белән "Киләчәгеңне бүгеннән уйла!"темасына түгәрәк өстәл артында сөйләшү оештырылды.Төп максат-һөнәр сайлауга дөрес юнәлеш бирү.Видеофильм карау һөнәр сайлауның биш принцибын  ачып бирде.Укучыларны күбрәк авыл хуҗалыгын өлкәсендәге һөнәрләр кызыксындыруы ачыкланды.