Бөтенроссия аеклык көне 1913 нче елның 11 сентябреннән башлап билгеләп үтелә. Әлеге бәйрәм безнең мәктәпне дә читләтеп үтмәде. 1-4 класслар белән рәсем бәйгесе, 5-9 класслар белән плакатлар ясау, 10-11 класслар белән анкета сорауларына җавап бирү оештырылды.

2017-2018 уку елы башланып китте. Уку белән беррәттән укучыларның туклануы да оешкан төстә оештырылып җибәрелде. Күп балалы гаиләләрдән булган укучылар бушка туклану хокукына ия икәнне исегезгә төшерәбез. Моның өчен гаилә хәле турында справка (авыл советыннан бирелә), баланың туу турында таныклыгы яисә паспорт копиясе, гариза (класс җитәкчесеннән алына) белән мәктәпкә мөрәҗәгать итәргә кирәк.

Җомга көн- тәрбия сәгатьләре көне дип игълан ителде. Шул уңайдан бүген юл йөрү кагыйдәләренә багышланган тәрбия сәгатьләре булып узды. Рәсемдә өметле, яшь укытучыбыз Диана Александровна 5 сыйныфлар белән викторина уздырганны күрәсез.

Бүген Ш.З. Зиннуров исемендәге Сатыш урта мәктәбендә әти-әниләр җыелышы булып үтте. Җыелышта укучыларның әти-әниләре, укытучылар коллективы, Сатыш җирле үзидарә советы рәисе Шафигуллин Ф.Ф. һәм фельдшер Зарипова И.Р. катнашты. 

Түгәрәкләр эшчәнлеге уңышлы гына дәвам итә. Бүген дәресләрдән соң "Умартачылыкта оста куллар" һәм "Лыжная подготовка" түгәрәкләре эшләрен башлап җибәрде. 

Мәктәбебездә яңа уку елы белән бергә түгәрәкләр эшчәнлеге дә киң җәелде. Укучылар "Лыжная подгатовка", "Мини- футбол", "Умелые ручки", "Умелые руки в пчеловодстве", "Хореография" түгәрәкләренә язылып йөри башладылар. Фотода сез түгәрәк җитәкчесе Солтанов Азат Нәкыйп улының эшчәнлекне башлап җибәргән вакытын күрә аласыз. Уңышлар сезгә!

Бүген мәктәбебездә Корбан гаете уңаеннан корбан ашы үткәрелде. Чарада Фидаил хәзрәт Нуриев катнашып укучыларга Корбан бәйрәменең килеп чыгышы, әһәмияте турында вәгазь сөйләде. Соңыннан укучылар һәм укытучылар корбан ашыннан авыз иттеләр.

3 сентябрь- терроризмга каршы көрәш көне. Шул уңайдан мәктәбебездә "Терроризмга- юк!", "Без тынычлык яклы", "Терроризм- 21 гасыр афәте" исемле класс сәгатьләре үткәрелде, презентацияләр каралды һәм тынычлык күгәрченнәре ясалды.

Бүген Ш.З. Зиннуров исемендәге Сатыш урта мәктәбендә Белем бәйрәме үткәрелде. Чарада районыбыз кунаклары, укытучылар, укучылар, әти-әниләр, ветеран укытучылар һәм башка кунаклар катнашты. Мәктәбебезгә беренче сыйныфка 9 укучы кабул итеп алынды. Бәйрәм Корбан гаете уңаеннан ашханәдә коймак белән чәй эчү белән тәмамланды.

30 август көнне сәг. 11:00 барлык әти-әниләр һәм педагоглар өчен IV Бөтенроссия әти-әниләр җыелышы үткәрелә. Чара Россия Федерациясе фән һәм мәгариф министры катнашында уздырыла. Фән һәм мәгариф министрлыгы сайтында видеоконференцияне карап үзегезне борчыган сорауларга җавап таба аласыз.