"Язгы изгелек атнасы-яхшы эшләр эстафетасы" акциясе кысаларында,"Ветераннар яныбызда" баш астында 4 нче сыйныф укучылары  тыл һәм хезмәт ветераннары Садыкова Т.С.,Галиева Б.Г.,Насибуллина Х.Н.янында булып,хәлләрен белеп кайттылар.

3 апрельдән 12 майга кадәр район күләмендә "Эковесна-2017"конкурсы игьлан ителде.Безнең мәктәп укучылары элеге конкурсны флешмоб белән ачып җибәрделәр.

12 апрель- Космонавтика көне.Шушы уңайдан мәктәбебездә рәсемнәр күргәзмәсе оештырылды һәм видеофильм карау оештырылды.

1 нче апрель-Бөтендөнья кошлар көне.Шушы уңайдан мәктәп күләмендә "Сайрагыз сез кошкайлар,безнең якын дускайлар!" кичәсе булып үтте.Кичә барышында кошларның тормышы,авыл хуҗалыгына китергән файдалары турында кызыклы мәгьлумат бирелде.Табышмакларга җаваплар табылды,шигырьләр тыңланды,презентация каралды.

Бүген мәктәп күләмендә "Нәрсә ул ГТО?" темасына укучылардан сораштыру оештырылды һәм аларның фикерләрен яктырткан стенд эшләнде. Башлангыч сыйныф укучылары арасында мини -футбол уены оештырылды.5-8 нче сыйныф укучылары катнашында рәсемнәр конкурсы оештырылды.

Экология елы буларак,укучылар арасында кошларга,табигатькә аеруча игьтибарлы булырга чакырган эшләр башкарыла.Бүген 5 нче сыйныф укучылары катнашында "Канатлы дусларыбыз" темасына кичә оештырылды.

27 нче март көнне "Мин- мастер!" конкурсында 5 нче сыйныф укучылары Габделхакова А. һәм Марданов З.катнашып уңышлы чыгыш ясадылар.

25 нче март көнне Лесхоз бистәсендә Атказанган урманчы Нургали Миннеханов истәлегенә үткәрелгән шахмат турнирында 4 нче сыйныф укучысы Солтанов И., 5 нче сыйныф укучысы Исмәгыйлева А. катнашып уңышлы чыгыш ясап кайттылар.

Бүген 9,10 нчы сыйныф укучылары консультацияләрдән соң "Нарат" боз сараенда ,"Урман" музеенда булып кайттылар.Укучылар көнне бик күңелле үткәрделәр.

Каникуллар күңелле үтә.Бүген мәдәният йорты хезмәткәрләре белән берлектә "Хуш киләсең,Нәүрүз!" бәйрәме оештырылды.Укучылар сәхнәләштерелгән тамаша күрсәттеләр,коймак белән чәй эчтеләр һәм Нәүрүз боткасы белән сыйландылар.Бәйрәм җырлы-биюле уеннар белән дәвам итте.