Балаларның юл йөрү кагыйдәләре турындагы белемнәрен киңәйтү, яңа терминнар өйрәтү,балаларда урамда, юлда үз-үзләрен дөрес тоту, бер-берсенә игътибарлы булу, сабырлык кебек күркәм сыйфатлар тәрбияләү максатыннан бүген, тәрбияче Хайриева Гөләрия Тагировна 2 кечкенәләр төркеме балалары белән эшчәнлек үткәрде. Балалар янына кунакка Куянкай килде. Бергәләшеп презентация карадылар, уеннар уйнадылар. Яңа шигырь белән таныштылар. Эшчәнлек бик кызыклы һәм эчтәлекле булды. Тәрбияченең һәм Куянкайның киңәшләре балаларга юлда йөргәндә ярдәм итәр дип ышанып калабыз.

Бүген уртанчылар төркеме балалары тәрбияче апалары Шакурова Рузилә Мидхатовна белән сөйләм үстерү эшчәнлегендә Казан шәһәренә сәяхәт кылдылар.Балалар Казанга "поездга" утырып бардылар. Шәһәр юлларында йөрергә өйрәнергә үзләре белән дус песи баласы Мырауны да алдылар. Шәһәрдә транспорт төрләре белән танышуны дәвам иттеләр, белемнәрен ныгыттылар, шәһәрдә йөрү кагыйдәләрен кабатладылар.Мырау да  куп кагыйдәрәрне исендә калдырды, балаларга үзенең рәхмәтен белдерде һәм аларга үзенең бүләк-уенчыкларын тапшырды. Сәяхәт балаларга бик ошады, үзебезнең бистәбезгә алар "автобуска" утырып кайттылар.

Юл йөрү кагыйдәләре, транспорт төрләре турында белемнәрне ныгыту, урамда йөргәндә игътибарлы булырга, машина йөртүче һөнэренэ кызыксыну тәрбияләу максатыннан буген зурлар төркеме балалары белән тәрбияче Ганиева Фәния Фаттаховна интегральләштерелгән эшчәнлек үткәрде.

 Балаларның урам hәм анын өлешлэре, светофор турында белемнәре системалаштырылды. Транспорт төрләрен аера белу кунекмәләре ныгытылды. Уйлау, фикерләү, урамда үз – үзеңне дөрес тоту кунекмәләре тәрбияләнде.Эшчәнлек ахырында балалар кайбер транспорт төрләрен сүрәтләргә өйрәнделәр.Аларның төп өлешләренең формаларын, зурлыкларын дөрес бирү күнекмәләре үстерелде.Балаларның иҗадилыклары тәрбияләнде.

Неделя, посвященная безопасности на дорогах в средней, старшей и подготовительной  группах  началась с веселого путешествия в страну "Светофорию". Музыкальный руководитель Галимуллина А.Р. используя смарт доску подготовила для детей увлекательную презентацию. В путешествие дети отправились на автобусе, в дороге их поджидали интересные остановки, такие как "Загадкино", "Танцевальная", "Дорожные знаки", "Песенная", "Игровая".  Дети с удовольствием отгадывали загадки про дорожные знаки, показывали свои знания, пели, танцевали и играли. Путешествие прошло очень увлекательно. 

Балалар юл-транспорт  һәлакәтләренә очрамасыннар, юлда үзләрен дөрес тота белсеннәр, төрле кыен ситуацияләрдән чыгу юлларын тиз һәм дөрес таба белсеннәр өчен балалар бакчасында махсус эш алып барыла. Бу атнада “Юлларда иминлек кирәк!” темасына эшчәнлекләр башланды Алар барышында балаларга төрле ситуацияләрдән  чыга белү юлларын аңлатырга, өйрәтергә тырышабыз, юлларда үз-үзләренә ышаныч тәрбиялибез.

Берничә принципка таянып эш итәбез:

– Иң мөһиме, кагыйдәләрне ныклы гадәткә әверелдерү.

– Юлда үзеңне дөрес тота белү кагыйдәләренә өйрәтү.

– Барлык эшләрне дә гаилә белән тыгыз бәйләнештә алып бару.

Шәхесне социальләштерүдә халыкны тәрбияләүнең мөһим чарасы буларак, уен рәвешендә оештырылган йолалар үзенчәлекле урын алып торалар. Тормышта кешеләрне, нинди яшьтә булуларына да карамастан, уеннарга тарту – халык педагогикасының  зур казанышы. Халык уеннары, гореф – гадәтләре, бәйрәмнәре, буыннан буынга яңарып, халыкның гасырлар буена сыналган барлык рухи хәзинәләрен үзләрендә саклап киләләр, кешенең гармонияле үсешен тәэмин итүдә табигый юнәлеш бирүче мөһим рольне үтиләр. Йола һәм гореф - гадәтләрнең күп кенә очракларда алыштыргысыз тәрбияви чара булуын да истән чыгармыйк.

    Безнең балалар бакчасында, бу атна дәвамында, элекеге һәм хәзерге кыш уеннарының төрләре белән таныштыру, уйнап карау эшчәнлекләре алып барылды.Бүген йомгаклау чарасы итеп – урамда уеннар оештырылды. Балалар уеннарда бик теләп  катнаштылар. Уеннар вакытында дустанә мөнәсәбәт, бер-берсенә юл куя белү сыйфатлары тәрбияләнде, кышкы уеннар турында белемнәре тирәнәйтелде.

Мәктәпкә әзерлек һәм зурлар төркеме балалары ,тәрбияче Гараева Әлфия Мубаракшовна җитәкчелегендә, төркемнәргә бүленеп, көндә чаңгы шуалар.

Минем дә бит бар чаңгым –

Сыңар түгел, пар чаңгым.

Рәхәт карда атларга –

Каешлы ул, таяклы.

Таудан төшкән чакларда

Үзе йөртә аякны.

Ләкин абыйлар кебек

Йөри белмим оста мин...

Булыр иде дә йөреп –

Чаңгыларым кыска, дим.

   Тәрбиянең  кайсы гына өлкәсен алып карасаң да, ул хезмәт белән тыгыз бәйләнгән . Әйтик, аң-белем алу, үзеңдә әхлаклылык һәм эститек тәрбия нормаларын булдыру, ихтыяр көче тәрбияләү- болар барысы да кешенең тырыш хезмәт нәтиҗәсе.

    Үз-үзенә хезмәт күрсәтү эше бала өчен шулкадәр әһәмиятле, моны бүтән бернинди хезмәт белән дә алыштырып булмый. Шуңа күрә  без балаларга кечкенәдән  хезмәт тәрбиясе бирергә тырышабыз. 

    Бу атнада кыш безне үзенең карлы бураннары белән сөендерде. Тәрбиячеләр балалар белән бергә уеннар оештыру  өчен үз участокларына керү юлларын кардан чистарттылар.

   Хезмәт  эшчәнлеге ярдәмендә  балаларның гомуми үсеш дәрәҗәсе арта , төрле нәрсәләр белән кызыксыну даирәләре киңәя,  кечкенә генә булса да хезмәттәшлек формалары  һәм  эш ярату, тапшырылган эшкә җаваплы карау кебек сыйфатлар өстенлек  ала. Алар белән бергәләшеп эшләү,кирәк вакытта киңәш белән ярдәм итү, балаларның кечкенә генә уңышларына да сөенү, мактау, бала шәхесендә иң яхшы сыйфатларны тәрбияләргә ярдәм итә.

"Кышкы уеннар" атналыгы дәвам итә. Музыка җитәкчесе Галимуллина А.Р. һәм  уртанчылар төркеме тәрбиячесе Шакурова Р.М. уртанчылар төркеме  балалары белән урамга чыгып, аларга музыкаль, хәрәкәтле, халык уеннарын уйнаттылар, биеттеләр, музыка астында таудан шудырдылар. Балаларга бик кызык һәм күңелле булды.