Бүген ясле төркеме балаларына  курчак “Алия” кунакка килде. Ул балаларга килгәндә  бер бияләе тошеп калуын, кулы туңуын әйтте. Балалар  тәрбияче апалары Алсу Габделхәмитовна белән“Алиянең” кулын җылытыр өчен бармак уены уйнадылар.”Парын тап!” дидактик уенын уйнаганда зур һәм кечкенә сүзләрен, төсләрне кабатладылар.

29.01.16

Бүген безнең бакчабызда, йомгаклау чарасы булып“Кем өлгер, кем уңган, кем хезмәт сөя?” исеме астында уен-ярышлар үтте.Ярышларны тәрбиячеләр Гараева Әлфия Мубаракшовна, Фәния Фаттаховна, Гүзәлия Шамиловналар оештырдылар. Балалар 2 командага бүленеп ярыштылар, үзләренең көчләрен һәръяклап  сынадылар – төзүчеләр булып “йорт” төзеделәр, пешекчеләр булып –“аш”, “компот” пешерделәр, тәрбияче булып “бала” киендерделәр, табышмакларга җаваплар әйттеләр. Ике команда да бертигез ярышып, нәтиҗәдә дуслык җиңде.

   Бүген безнең бакчабызның тәрбиячесе Богавеева Гүзәлия Шамиловна “Яшел ут” конкурсы кысаларында “Балачак” балалар бакчасы балалары белән эшчәнлек күрсәтте. Тәрбияче ,балалар һәм ярдәм сорап килгән Карлсон “Юл йөрү кагыйдәләре иленә” поездга утырып сәяхәт кылдылар. “Юл йөрү билгеләре”, “Транспорт төрләре”, “Юлдагы кагыйдәләр”, “Уен” тукталышларында үз белемнәрен күрсәттеләр, уйнадылар. Балалар сәяхәтне бик ошаттылар, тагын барырга теләк белдерделәр. Карлсон балаларга үзенә ярдәм иткәннәре өчен бүләкләр тапшырды.Гүзәлия Шамиловнага конкурсның алдагы турларында уңышлар телибез!

Бүген безнең бакчабызда чираттагы педкиңәшмә үтте.Балалар белән эшләүдә ана һәм рус телләрендә УМК, ИКТ һәм башка яңа технологияләрне нәтиҗәле файдалану турында чыгышлар тыңланылды, презентацияләр каралды. Сәләтле балалар белән эшләүнең үзенчәлекләре турында фикер алышынды. Уртанчылар төркемендә үткән тематик тикшерүгә анализ ясалды. Февраль аена эш планы белән таныштырылды.

Бу атнада балаларны өлкәннәр хезмәте белән таныштыру, аларның күзаллауларын киңәйтү максатында төрле юнәлешләрдә эшчәнлекләр бара. Бүген зурлар төркемендә тәрбияче Ганиева Фәния Фаттаховна балаларны төзүче һөнәре белән якыннан таныштырды,  һөнәр ияләренә хөрмәт тәрбияләде. Әңгәмәдән соң балалар презентация карадылар, проблемалы ситуацияләр чиштеләр, эшчәнлек ахырында төсле кәгазьләрдән кран, төзелүче йорт өлешләре кисеп, композиция төзеп ябыштырдылар. Балалар эшчәнлектә бик актив булдылар, төзүче һөнәренә карата үзләренең фикерләрен җиткерделәр.

“Кыңгырау” бакчасының беренче һәм икенче кечкенәләр төркеме балалары татар халык уеннарын яратып уйныйлар. Уеннар балаларда дуслык, иптәшлек,гаделлек, зирәклек, җитезлек кебек сыйфатлар тәрбияли, үз халкының гореф-гадәтләренә кызыксыну һәм мәхәббәт уята. Тәрбиячеләре Хайриева Гөләрия Таһировна җитәкчелегендә балалар “Зәлидә”, “Утыр,утыр, Мәликә”, “Түбәтәй”, “Күрсәт әле, Габдулла!” уеннарында бик теләп һәм кызыксынып катнашалар.

Мәктәпкә әзерлек төркеме тәрбиячесе Габбасова Ләйсән Равилевна балаларны өлкәннәр хезмәте белән таныштыруны дәвам итеп, пешекче һөнәре, пешекченең эш кораллары, вазифалары турында сөйләде.

 Балаларга хезмәтнең тормышта кеше өчен әһәмиятле булуына төшендерде, һәртөрле файдалы эшнең мактауга лаек икәнен аңлатты.Балалар бик теләп “Пешекчеләр” сюжетлы-рольле уенын уйнадылар.

  Балаларның өлкәннәр хезмәте, аларның һөнәрләре турында белемнәрен киңәйтү, алар хезмәтенең мөһимлеген аңлату,төрле һөнәр ияләренә карата кызыксынучанлыкларын үстерү,балаларда һөнәр осталарының матур эшләренә соклану, аларның хезмәтенә хөрмәт, горурлык хисләре тәрбияләү максатыннан, бу атнада “Хезмәт төбе – хәзинә!” темасына эшчәнлекләр башланып китте.Бу эшчәнлекләр балаларның фикерләү сәләтләрен, бәйләнешле сөйләм телләрен үстерүгә юнәлдерелгән.

Бүген уртанчылар төркеме балалары белән тәрбияче Богавеева Гүзәлия Шамиловна "Синең куркынычсызлыгың синең кулларда" темасына эшчәнлек күрсәтте.Тәрбияченең эшчәнлеге методик яктан дөрес итеп төзелгән, темага туры китерелеп бизәлгән иде. Сөенеч мизгеле булып урманнан килеп адашкан куян Йомшаккай булды. Балалар аңа үзләре белгән кагыйдәләрне өйрәттеләр, интерактив тактада биремнәр эшләделәр, бергәләп аз хәрәкәтле "Игътибарлы бул!", хәрәкәтле "Кем тизрәк үз кыршавын таба?" уеннарын уйнадылар. Тәрбияви һәм үстерешле "Будь заметен на дороге" исемле мультфильм карадылар. Эшчәнлек ахырында Йомшаккай  балаларга медальләр тапшырды.

Бүген безнең балалар бакчасында "Юлларда иминлек кирәк!" темасына йомгаклау чарасы үтте. Зурлар төркеме балалары, тәрбияче Ганиева Фәния Фаттаховна җитәкчелегендә, бик матур күңел ачу әзерләгәннәр иде. Балалар атна дәвамында алган белемнәрен кабатладылар,ныгыттылар, төрле ситуацияләрдән чыгу юлларын бергәләшеп эзләделәр. Юлда йөргәндә кирәкле кагыйдәләрне әйбәт үзләштерүләрен расладылар.

Сак йөрегез зур юлларда,

Юлыкмый хәвефләргә.

Хәерле юл барчагызга

Киләчәк гомерләрдә!