Бүген мәктәбебез укучылары Саба телерадиокомпаниясендә чыгыш ясап кайттылар. Чыгарылышта мәктәп яңалыклары, укучыларыбыз иҗаты белән таныштырылды. Шулай ук күп еллар мәктәбебездә оештырылган "Зифа"кызлар вокаль ансамбле башкаруында, 2 сыйныфукучысы Мөхәммәтова Зәлинә башкаруында җырлар яңгырады. 

Бүген мәктәбебезнең 11 сыйныф укучысы Гыйлемханов Салават Чаллы шәһәрендә Бөтен россиякүләм  үткәрелгән "Пушкин укулары" конкурсында чыгыш ясап, 1 урынга лаек булды. Укытучысы:. Хисәметдинова Э. Н.  Җиңүләрегез белән котлыйбыз, алга таба да иҗади уңышлар телибез.

Районыбызда бүген Ә. Кәримуллин исемендәге V республикакүләм фәнни-гамәли конференция үткәрелде. Чарада 10 сыйныф укучысы Мөхәммәтова Зилә, 11 сыйныф укучысы Вафина Илзирә катнашты. Кызлар икесе дә уңышлы чыгыш ясадылар, Зилә "призер" исеменә лаек булды. 

Район күләмендә "Аҗаган-2019" хәрби-спорт уенында катнашып, Олы Шыңар урта мәктәбе командасы гомуми зачетта 4 урынны яулады Шәхси беренчелектә: ату буенча Мөхәммәтгалиев Азат һәм Гыйльметдинова Әдилә 2 нче, автомат сүтеп-җыю буенча Ногманова Диләрә 2нче урынны алдылар. Строй күнегүләрен үтәүдә безнең команда 1 нче урынга чыкты.Җиңүчеләргә мәгариф идарәсе дипломнары тапшырылды.

Бүген мәктәбебездә ата-аналар җыелышы булып узды. Җыелышта Саба районы эчке эшләр бүлеге полиция өлкән участок уполномоченные Р.А.Садриев, Саба районы ЮХДИ оешмасының профилактика бүлеге җитәкчесе Г.Н.Ягафарова һәм Шыңар авылы фельдшеры Э.Р.Ахунҗанова чыгышлары тыңланды. Алга таба укыту эшләре буенча директор урынбасары Л.М.Сафина 3 чирек нәтиҗәләренә анализ ясап китте. Математика фәне укытучысы З.М.Гараева әти-әниләргә Хан академиясе турында тулырак мәгълүмат бирде. 

   2019 ел Татарстанда эшче һөнәрләр елы. Шул уңайдан "Хуҗабикә" түгәрәгенә йөрүче укучылар әти-әниләр өчен үзләре эшләгән эшләрдән күргәзмә оештырдылар. Гомуми өлеш тәмамлангач  җыелыш классларда дәвам итте.

В школе идет неделя русского языка и литературы. Сегодня юноши и девушки 10 класса участвовали в лингвистической игре "Грамматическое лото". Эта игра помогает развивать навыки коллективной работы, активизировать мыслительную деятельность; развивать внимание, память, сообразительность. Учащиеся показали неплохие результаты. Отгаданные задания помогли участникам игры составить высказывания: " Дивишься драгоценности русского языка: что ни звук, то и подарок". " Слово - выражение мысли и может служить соединению и разделению людей".

Кояш нурларына, тамчылар чыңына төренеп март ае да килеп җитте. Табигатьнең язгы үзгәреш кичергән бер мәлендә без гүзәл затларыбызның иң күркәм бәйрәмен - 8 март Халыкара хатын - кызлар көнен укучылар катнашында "Чәчәкләр -тормыш яме" исемле концертта билгеләп үттек. Балалар берсеннән-берсе матур җыр-биюләр, шигъри тәлгәшләр, кызыклы күренешләр әзерләделәр. Бәйрәмгә килгән һәр кеше күтәренке кәеф, шат күңел белән кайтып китте.

Бүген мәктәбебездә 8-11 сыйныфлар арасында "Аҗаган" хәрби - спорт уены үткәрелде. Укучылар мылтыктан ату, турникта тартылу, идәннән этелү, мылтык сүтеп җыю буенча көч сынаштылар. Гомуми нәтиҗәләр буенча 10-11 сыйныф командасы 1 урынны яулады. 2 урында - 9 сыйныф, 3 урында - 8 сыйныф укучылары.

Хәрби - патриотик һәм физкультура - спорт айлыгы кысаларында 26 февраль көнне мәктәбебездә 5-7 сыйныфлар арасында "Аҗаган" хәрби - спорт уены үткәрелде. Укучылар турникта тартылу, идәннән этелү, спорт әзерлеге һәм төрле эстафеталар буенча көч сынаштылар. Гомуми нәтиҗәләр буенча 7 сыйныф командасы 1 урынны яулады. 2 урында - 5 сыйныф, 3 урында - 6 сыйныф укучылары.

Мәктәбебездә Халыкара туган тел көне уңаеннан чаралар дәвам итә. Бүген 5 - 6нчы  сыйныфлар арасында "Тел -  белемнең  ачкычы, акылның баскычы" дип исемләнгән грамматик КВН булып узды. "Йолдызлар" һәм "Кояшкай" командалары үзара көч сынаштылар. КВН дуслык җиңүе белән тәмамланды.