Бүген, 19 октябрь көнне, сәгать 13.00дә бөтен дөнья "Татарча диктант" акциясе уздырылды. 

Уртанчы сыйныф укучылары көз бәйрәменә ныклап әзерләнгәннәр. Алар төрле  уеннарда катнаштылар, кызыклы күренешләр, концерт номерлары әзерләгәннәр.

Югары сыйныф укучылары да көз бәйрәмен үз иттеләр. Бик теләп төрле бәйгеләрдә катнаштылар. Укучыларның берсеннән - берсе матур чыгышлары бәйрәмгә тагын да ямь өстәде.

Бүген башлангыч сыйныф укучылары өчен "Алтын көз" бәйрәме үткәрелде. Укучылар җырлап - биеп, уеннар уйнап күңел ачтылар.

19 нчы октябрь сәг.13.00 да Олы Шыңар урта гомуми белем бирү мәктәбендә татарча диктант язарга рәхим итегез!

Бүген мәктәбебездә озак еллар дәвамында балаларга математика фәненнән белем бирүче, ихтирамга лаек укытучыбыз Гаптерафиков Хәмит Гәптерәшит улының гомер бәйрәме - 60 яшьлек юбилей кичәсе булып үтте. Юбилярны бейрәме белән мәгариф идәрәсенең профсоюз берләшмәсе җитәкчесе Шамсевалиева Айгөл Марат кызы, Олы Шыңар авыл җирлеге башлыгы Гарипов Алмаз Габдулхак улы, "Туган як" җәмгыяте һәм мәктәп коллективы, укучылар, лаеклы ялда булган укытучылар котлап, үзләренең матур теләкләрен җиткерделәр. Укучыларның концерт номерлары бәйрәмгә тагын да ямь өстәде.

Һәр җирдә бер хикмәт көтә,

Бүген гади көн түгел.

Бүген - Укытучылар көне, 

Шуңа шатлана күңел.

   Хөрмәтле Укытучыларыбыз! Сезне һөнәри бәйрәмегез белән чын күңелдән котлыйбыз. Авыр, әмма җаваплы һәм мактаулы  эшегездә зур уңышлар, саулык-сәламәтлек, бәхет, шатлык, озын гомер  телибез. Бәйрәмегез белән Сезне!

Илебез буенча 1 октябрьдә "Өлкәннәр көне" билгеләп үтелә. Әлеге бәйрәмдә өлкәннәрне котлау мәктәбебезнең традициясенә әйләнеп бара. Хөрмәтле өлкәннәребез! Сезгә ныклы сәламәтлек, чиксез шатлык, балаларыгызның кадер - хөрмәтендә, оныкларыгызның игелеген күреп яшәвегезне теләп калабыз.

Бүген мәктәбебездә чыгарылыш сыйныф укучыларының әти-әниләре өчен җыелыш үткәрелде. Укытучылар  ЕГЭ, ОГЭның тәртибе, булган үзгәрешләр белән таныштырдылар. Әти-әниләр узләрен  кызыксындырган сорауларга җаваплар алдылар.

Мәктәбебезнең 10нчы сыйныф укучысы Галимова Нәзирә (укытучысы Мөхетдинова Алия Рафаэлевна) Арча шәһәрендә үткәрелгән "Абилимпикс" һөнәри осталык буенча Милли чемпионатның төбәк этабында укучылар арасында 1 урын алып кайтты. Бүгенге көндә ул  20-22 ноябрь көннәрендә Мәскәү шәһәрендә үтәчәк  Аблимпикс чемпионатының  "Вязание крючком" номинациясе буенча Татарстан данын яклап чыгыш ясарга әзерләнә. Афәрин, Нәзирә! Сиңа алга таба да  уңышлар теләп калабыз!