Бүген мәктәбебездә 7-11 сыйныф укучылары өчен "Кыш бабай могҗизалары" исемле бәйрәм тамашасы үткәрелде. Бәйрәм укучыларның күңелле чыгышлары, җыр-биюләре белән үрелеп барды. Балалар рәхәтләнеп ял иттеләр, күңел ачтылар. 

"Дуслык" лагере үзенең эшен дәвам итә. Бүген иртәнге зарядкадан соң балалар арасында "Алар безгә җиңү китерде" исеме астында рәсем конкурсы үткәрелде. Ә көндезге аштан соң укучылар саф һавада уеннар уйнадылар.

Бүген укучылар көннең беренче яртысында мәдәният хезмәткәрләре белән очрашуда булдылар. Чыршы тирәсендә төрле уеннар уйнадылар, күңел ачтылар. Төшке аштан соң спорт уеннарында үзләренең көчләрен сынап карадылар. 

Бүгенге көнебез гадәттәгечә иртәнге линейка һәм зарядкадан башланып китте. Аннан соң балалар "Хуҗабикә" һәм "Судомоделирование" берләшмәләрендә булдылар. Көннең икенче яртысында шахмат ярышы, төрле уеннар уйнадылар.

Бүген мәктәп яны "Дуслык" лагере үзенең эшен башлап җибәрде. Балалар лагерь кагыйдәләре, инструктажлар белән таныштылар. Юл йөрү кагыйдәләрен искә төшерделәр. Төшке аштан соң футбол, варисбол уеннары уйнадылар.

   Методик берләшмә планы нигезендә мәктәбебездә  5-18 декабрь көннәрендә "Башлангыч сыйныфлар атналыгы" үткәрелде.

   Мондый атналыкларда катнашу укучыларга үзләренең интеллектуаль, физик сәләтләрен күрсәтергә, төрле яклап кызыксынучанлыкларын арттырырга ярдәм итә.

   Атналык барышында мәктәп фойесында укучыларның эшләреннән "Яраткан әкиятем", "Кыш", "Иң матур каллиграфик дөрес язучы" күргәзмәләре оештырылды. Башлангыч сыйныф укытучылары "Күңелле санау", "Кызыклы грамматика", "Укы, уйлан һәм сөйлә!" конкурслары үткәрделәр. "Уйла, яз һәм тикшер" темасына үткәрелгән кроссвордлар, шарадалар, табышмакларны һәм кыш турында китапчык эшләүне балалар бик ошаттылар.

   "Башлангыч сыйныфлар атналыгы" иҗади, эшлекле атмосферада узды.

Мәктәбебездә "Туган як моңнары" дип исемләнгән музыка һәм рәсем укытучыларының район семинары үткәрелде. Гарипов Айдар Моталлап улы Шыңар төбәгенең күренекле шәхесләре турында сөйләде, мәктәп музее белән таныштырды.  Рәсем түгәрәге җитәкчесе Маликова Гөлназ Илшат кызы туган якка багышланган күргәзмә белән таныштырды һәм мастер класс үздырды. Музыка укытучысы Галимов Фәннүр Әхсән улы ачык дәрес һәм шулай ук укытучыларга мастер класс үткәрде. Рәсем укытучысы Хөсәенова Зәмирә Миңнегаян кызы ачык дәрес уздырды. Семинар "Туган як моңнары" дип аталган әдәҗи - музыкаль кичә белән тәмамланды.

3 декабрьдән 9 декабрьгә кадәр мәктәбебездә "Халыкара коррупция белән көрәшү көне" уңаеннан "Һәрвакытта да намуслы булу җиңелме?", "Ришвәтчелек белән ничек көрәшергә"  темаларына сыйныф сәгатьләре үткәрелде. Шулай ук  балалар рәсемнәр ясадылар, газетлар чыгардылар.

Мәктәбебез активистлары 6 декабрьдән 8 декабрьгә кадәр уздырылучы "С.О.К. Стань одной командой" бәйгесендә уңышлы гына катнашып кайттылар. 11 сыйныф укучысы Мөхәммәтова Зилә "Ел ачышы" ("Открытие года") номинациясендә җиңүче булды. Аларга алга таба да уңышлар телибез!

Мәктәбебездә "СТОП ВИЧ/СПИД" акциясе бара.  Акция кысаларында укучыларыбызны авыл фельдшеры Р.А. Мөхәммәтова файдалы мәгълүматлар белән таныштырды. Сәламәт тормыш рәвеше алып баруның әһәмиятен аңлатты.