Мәктәбебездә бүген Корбан ашы булып узды. Укучылар авылыбыз имам хатыйбы Илдус хәзрәтнең вәгазен тыңладылар һәм корбан ашыннан авыз иттеләр.

Бүген мәктәбез укучылары белән Габдрахманов Р.В., Садриев Р.А., Исхакова А.Р, Ягафарова Г.Н. "Терроризм, экстремизм", "Юл йөрү һәм куркынычсызлык кагыйдәләрен саклау"  темаларына әңгәмә үткәрделәр.

    1 сентябрь таңы безне кабат бергә җыйды. Бүген һәр бала көтеп алган яңа уку елы башланды. Мәктәп укучыларның шат авазына күмелде. Бәйрәмдә кулларына чәчәк бәйләмнәре тоткан укучылар, әти-әниләр,укытучылар, килгән кунаклар катнашты. Мәктәбебез бусагасын тәүге тапкыр 6 укучы атлап керделәр.  Яңа уку елы барыбызга да уңышлар, яңа җиңүләр алып килсен. Хәерле сәгатьтә! 

"Дуслык" лагерендә бүген 10нчы көн! Көнебез гадәттәгечә линейка һәм физзарядкадан башланып китте. Аннан соң "Россия көне"нә багышланган викторина үткәрелде. Балалар ике командага бүленеп көч сынаштылар. Төрле биремнәр чиштеләр, сорауларга җаваплар эзләделәр.  Олы Шыңар авылы чишмәсенә барып ял итеп кайттылар. Көндезге аштан соң күңелле спорт ярышлары үткәрелде. 

Җәйге яллар дәвам итә. Көн саен яңа чара,үзенчәлекле эш төре.  Бүген көн мәдәният хезмәткәрләре белән очрашудан башланды. Күмәк җыр-биюләр, төрле күңелле уеннар. Очрашудан соң бергәләп табигать кочагында "Җәй бәйрәме" үткәрдек.

  Көннең икенче яртысында өстәл уеннары уйнадык. "Минем җәйге ялым" темасына рәсем конкурсы да үткәрелде. 

"Дуслык" лагерында бүген 8нче  көн. Иртәнеге аштан соң ГТОга багышланган рәсем конкурсы оештырылды. Һәр отряд мәктәп каршындагы асфальтка спорт темасына рәсемнәр ясады. "Кояшкай" отряды футбол уйнаучы малай, ә икенче отряд бөтен төр спорт уеннарын чагылдырган рәсем ясадылар. 

   Икенче аштан соң мәктәп яны стадионында күңелле стартлар гөрләде. Һәр команда тырышып, зур көч куеп сынашты. Физик тәрбия укытучысы И.Ф. Мөхәммәтгалиев укучыларга берсеннән-берсе кызыклы уеннар уештырды. 

Бүген "Дуслык" лагерендә ГТО атналыгы башланып китте.Иртәнге физзарядкадан соң физик тәрбия укытучысы И.Ф. Мөхәммәтгалиев балаларга ГТО буенча мәгълүмат бирде. Видеоролликлар күрсәтелде. Шулай ук, Россия Гадәттән тыш министрлыгы Баш идарәсенең Татарстан Республикасы Саба һәм Теләче районнары буенча районара  күзәтчелек һәм профилактика бүлеге начальнигы - эчке эшләр подполковнигы А.Р.Галимуллин  катнашында эвакуация үткәрелде. 

Көннең икенче яртысында стадионда хәрәкәтле уеннар оештырылды.  

Бүген көнебез кызыклы вакыйгаларга бай булды. Иртәнге аштан соң солдат әниләре белән очрашу булды. Очрашуга мәктәбебезне тәмамлап, бүгенгесе көндә армия сафларында хезмәт итүче Шайдуллин Алмазның әнисе килде. Ул укучыларга солдат тормышы,батырлык, сабырлык турында сөйләп китте. 

Аннан соң авылыбыз китапханәчесе Садыйкова Ф.Ф. рус поэзиясе кояшы А.С.Пушкинның тууына 220 ел тулу уңаеннан уен-викторина үткәрде. Шулай ук укучылар тыл ветераннарына багышланган  газет чыгардылар.  

Бүген балалар "Солдатка бүләк" темасына апплекацияләр, открыткалар ясадылар. Бадминтон, теннис уеннарында үзләренең көчләрен сынап карадылар.

"Дуслык" лагере үз эшен дәвам итә, һәм бүген безнең 4 нче көн! Укучылар бүген отряд почмаклары, эмблемалар ясадылар, речевкалар өйрәнделәр.

 "ТАССР барлыкка килүгә 100 ел" дигән темага әңгәмә үткәрелде. ТАССРның барлыкка килүе турындагы мәгълүматны балалар кызыксыну белән тыңладылар, үзләренең сорауларына җаваплар алдылар.