В рамках методического месячника в 3 классе  проведен открытый урок на тему "Повторение по теме "Склонение существительных". Урок провела учитель начальных классов Багманова Р.Н.

2 класста технологиядән "Халык костюмнары" темасына ачык дәрес узды. Дәрестә укучылар тукыма төрләре, үзенчәлекләре белән таныштылар, милли костюмнар үрнәкләрен чагыштырдылар, "Рус чибәре" дигән композиция ясадылар. Дәресне укытучы Газизова Г.Р. уздырды.

Укучыларның профессиональ осталыгын арттыру, алдынгы тәҗрибә белән уртаклашу максатыннан мәктәбебездә методик айлык башланды 24 февраль көнне 2 класста "Җәнлекләрнең һәм кошларның кышкы тормышы" темасына ачык дәрес узды. Дәресне Шайхеразиева Ф.В. үткәрде.

Ватанны саклаучылар көне уңаеннан уздырылган "Аҗаган" хәрби-спорт уеныныда егетләр ВВС һәм ВДВ командаларына бүленеп , төрле спорт ярышларында үзләренең көчләрен һәм җитезлекләрен сынадылар.  РФ Гимны астында Россия Флагын күтәрү  тантанасы белән башланып киткән бәйрәм турникта тартылу, гер күтәрү, ОЗК кию, төз ату, АК сүтеп-җыю,  идәннән этелү, кул көрәше, аркан тарту кебек ярышлар белән дәвам итте.  Кызлар егетләргә бик матур җырлар һәм биюләр бүләк иттеләр. Киеренке ярышлардан соң көчләрнең тигез булуы ачыкланды. 10ар очко җыеп, 2 команда да җиңүче исеменә лаек булды. 

Бүген мәктәбебездә Туган тел көне уңаеннан чаралар үткәрелде. Башлангыч класс укучылары арасында "И туган тел, и матур тел!"  дип исемләнгән шигырь бәйрәме, 5-8 классларда "Газизләрдән газиз телебез" темасына КВН узды. Әлеге чараларда туган телебезгә мәхәббәт кенә тәрбияләнеп калмады, укучыларның татар телен  ни дәрәҗәдә белүләре ачыкланды, үз  ана телебезне тирәнтен өйрәнергә кирәклеге искәртелде.

21 февральдә 5,8,10 класс  укучылары белән "Ил яклар ир булып үсегез!" темасына   узган класс сәгатендә хәрби-интернационалист Бикмиев Фәһим Тимергалиевич катнашты. Ул укучыларны спорт белән шөгыльләнергә, үзләрендә максатчанлык, кушылган эшеңне җиренә җиткереп үти белү, кешеләрне хөрмәтләү кебек сыйфатлар тәрбияләргә  чакырды. Әңгәмә барышында укучыларның кызыксынган сорауларына җавап бирде. Класс сәгатен класс җитәкчесе Гафиятова Ә.Ф. уздырды.

21 февральдә  6 класста  Совет солдатларын Әфганстан җиреннән чыгаруга 25 ел булу уңаеннан "Әфган кызалаклары" темасына  класс сәгате  уздырылды. "Зар елады ана" җырын бергәләп башкару белән башланып киткән әңгәмә барышында укучыларга  бу сугышның никадәр аналар йөрәгенә тирән яра салганы, күпме егетләрнең чит ил туфрагында ятып калганлыгы турында тагын бер кат искә төшерелде. Хәрби-интернационалист Каримов Рафил үзенең армия хезмәте  , 25 ел узса да, андагы хезмәттәшләре белән хәзер дә аралашып торуы турында сөйләде, укучыларны тырышып укырга, матур-тыныч көннәрнең кадерен белергә чакырды. Әңгәмәне класс җитәкчесе Әнисә Габделгазизовна алып барды.

20 февральдә 10 класс укучылары белән "Казан химиклар мәктәбе" дигән темага телдән журнал үткәрелде. 19 гасыр урталарында Казанда туган фәнни мәктәп, аның  бөтен дөньяга  танылган галимнәре турында мәгълүматны укучылар бик кызыксынып тыңладылар. Дәресне химия-биология укытучысы Ибушева Ф.Н. уздырды.

Бүген мәктәбебездә патриотик җырлар бәйгесе узды. Патриотик рухтагы җырларны искә төшерү, башкару осталыгын камилләштерү, бердәмлек, туган илгә мәхәббәт тәрбияләү максаты белән үткәрелгән әлеге чарада барлык класслар да катнашты.  "Катюша", "Орленок", "Три танкиста", "Солдатлар","Солдатушки-браво-ребятушки", "Шли солдаты на войну", "День Победы", "Священная война" җырлары яңгырады. Бәйге барышында башкару осталыгы, музыкаль бизәлеш, укучыларның сәхнәдә үз-үзләрен тотулары, киемнәр бәяләнде. Нәтиҗәдә башлангыч класслар арасында 1 урында-4 класс, 5-8 класслар арасында 1 урында 6 класс, 9-11 класслар арасында җиңүче дип 9 класс танылды. Бөек Ватан сугышы елларында солдатларны Җиңүгә рухландырган бу җырлар беркайчан да онытылмасын иде.

17 февраль көнне узган атналык линейкада алдагы атнага йомгак ясалды, җиңүче оешмага вымпел тапшырылды. "Дулкыннар" конкурсында 3 урын алган Шакирова Гөлназга, Хөсәенов Рәсимгә Грамоталар, актив катнашкан өчен Галиахметова Зәринәгә Рәхмәт хаты тапшырылды.  Татар әдәбияты буенча олимпиаданың республика турында призер булган Сабирова Гөлназ, бик аздан гына призерлар исемлегеннән калган (0,5 балл) Юзеева Сиринә  Грамоталар  белән бүләкләнде. Зур тырышлык куйган бу 2 укучыга, аларны әзерләгән укытучы Әнисә Фәнилевнага рәхмәт белдерелде.