Муниципальное бюджетное общеобразовательное учреждение «Большекибячинская средняя общеобразовательная школа Сабинского муниципального района Республики Татарстан" /Муниципаль бюджет гомумбелем учреждениесе «Татарстан Республикасы Саба муниципаль районы Олы Кибәче урта гомумбелем бирү мәктәбе»
Визитная карточка
Адрес: | 422065, Республика Татарстан, Сабинский район, с.Большие Кибячи, ул.Ф.Энгельса, д.75 |
Телефон: | +7(843)-624-26-67 |
E-Mail: | kibichisaba@yandex.ru |
Министерство: | Министерство образования и науки Республики Татарстан |
Короткое название: | МБОУ "Большекибячинская СОШ" |
Руководитель: | Шаймиев Ильнар Ильшатович |
Год основания учреждения: | 1992 |
У нас учатся: | 79 учащихся |
У нас учат: | 21 учитель |
Муниципальное бюджетное общеобразовательное учреждение «Большекибячинская средняя общеобразовательная школа Сабинского муниципального района Республики Татарстан" /Муниципаль бюджет гомумбелем учреждениесе «Татарстан Республикасы Саба муниципаль районы Олы Кибәче урта гомумбелем бирү мәктәбе» - новости
Страницы: << 201 ( 202 ) 203 204 205 206 207 208 209 210 >>
-
Укытучылар көне 05.10.2013
5 октябрь -Укытучылар көне. Укучылар яраткан остазларын бәйрәм белән котлау өчен бу көнне мәктәпкә бик иртә килгәннәр иде. Урамда ук укытучыларга багышланган җырлар яңгырап тора. Кулларына чәчәк букетлары тоткан егетләр , һәрбер укытучыны бәйрәм белән котлап, актлар залына бәйрәм кичәсенә чакыралар. 10 класс һәм аларның җитәкчесе Әнисә Фәнилевна оештырган концертта бер укучы да читтә калмады дисәк тә була. Һәр класс күмәк биюләр, кызыклы мәзәкләр, матур җырлар белән укытучыларга иң изге теләкләрен җиткерде. Бәйрәм белән сезне, УКЫТУЧЫЛАР!!!
-
Өлкәннәрне котладык 03.10.2013
Бүген "Хореография" һәм "Күңелле сәхнә" түгәрәкләренә йөрүче укучылар Төбәк авылы һәм Олы Кибәче авылы клубларында төрле өлкәләрдә хезмәт куеп, лаеклы ялга чыккан өлкәннәрне котлау кичәләрендә катнаштылар. Кунаклар аларның чыгышларын бик ошаттылар, алга таба да уңышлар теләләделәр.
-
Өлкәннәр көне 01.10.2013
Бүген мәктәбебездә Өлкәннәр көне уңаеннан "Яшьлеккә кайту " дип исемләнгән кичә узды. Күп еллар фидакарь хезмәт куеп, бүгенге көндә лаеклы ялда булган укытучылар, техник хезмәткәрләр өчен бик матур концерт программасы күрсәтелде. Укучыларыбызның дәртле биюләрен күреп, матур җырларын тыңлап, кунакларыбыз кабат яшьлекләренә кайткандай булдылар. Бер-берсе белән рәхәтләнеп аралаштылар, хезмәт елларындагы хатирәләрне барладылар. Бәйрәм чәй табыны артында дәвам итте. "Рәхмәт, рәхәтләнеп күңел ачтырдыгыз, тагын шулай очрашырга язсын",-дип таралыштылар өлкәннәребез.
-
Ата-аналарга киңәшләр 28.09.2013
Наркотикларсыз тормыш" айлыгы дәвам итә. Бүген әти-әниләргә "Ата-аналарга 10 киңәш" дигән буклетлар таратылды.
-
Налог белемнәре көне 27.09.2013
Бүген 9-11 класс укучылары катнашында Налог белемнәре көне уңаеннан дәрес узды. Олы Кибәче авыл җирлеге Башкарма комитеты сәркатибе Хөсәенова Р.Р. югары класс укучыларына налоглар, аларның төрләре турында сөйләде. Җыелган налогларның нинди максатларда тотылуы турында мәгълүмат бирелде.
-
"Ватан" халык иҗаты бәйгесе 27.09.2013
27 сентябрь көнне Саба балалар иҗат үзәгендә узган "Ватан" халык иҗаты бәйгесенең хореография номинациясендә "Тамчы" бию коллективы татар халык биюе белән чыгыш ясады. 4 класс укучысы Хамидуллина Ләйлә вокал номинациясендә "Чулпан" исемле татар халык җырын башкарып, 3 урын яулады. Җитәкчеләре-өстәмә белем бирү педагогы Шафикова Г.Р.
-
Тыелган уеннар
26.09.2013
"Наркотикларсыз тормыш" айлыгы кысаларында башлангыч класс укучылары өчен "Белергә хакым бар" интернет-дәресе узды. "Тыелган уеннар" дигән мультфильм аша начар гадәтләрнең кеше организмына никадәр зыян салуы аңлатылды. Укучылар сәламәт яшәү рәвеше алып барырга кирәклеге турында үз фикерләрен җиткерделәр.
-
Үз бәхетеңә киртә куйма! 26.09.2013
26.09.2013 көнне "Наркотикларсыз тормыш" айлыгы кысаларында 9-1 класс укучылары өчен әңгәмә узды. Төбәк авылы фельдшеры Ибушева Н. Х. югары класс укучыларына наркотикларның кеше организмына ничек начар тәэсир итүе, бу яман гадәттән тулысынча котылу бик сирәк очракта гына мөмкин булуы турында сөйләде. Мөстәкыйль тормышка аяк басу алдында торган укучыларга Наилә Хөснулловнаның биргән киңәшләре бик файдалы һәм үтемле булды.
-
Эвакуация 24.09.2013
Бүген мәктәбебездә "Экстремизмга-Юк!" айлыгы планы нигезендә эвакуация уздырылды. Укучыларның төрле гадәттән тыш хәлләр килеп чыккан очракта мәктәптән тизрәк чыгу күнекмәләрен камилләштерү максатыннан узган бу чарада МЧС вәкилләре дә катнашты. Алар укучыларга чишенү бүлмәсендә килеп чыккан янгынны "сүндерү" күренешен күрсәттеләр.
-
Ата-аналар җыелышы 24.09.2013
Мәктәбебездә "Наркотикларсыз тормыш" айлыгы дәвам итә. 24 сентябрь көнне узган ата-аналар җыелышында мәгариф бүлеге начальнигы Шакиров И.Ф., мәгариф бүлеге начальнигының тәрбия эшләре буенча урынбасары Шафикова Г.И., район прокуроры ярдәмчесе Гаффарова Л.Г., Саба үзәк шифаханәсе анестизиологы Мортазин И.Г., участок инспекторы Хасбиев А.Ф., авыл җирлеге башлыгы Гатауллина Ф.Х. катнашты. Ата-аналар мәктәптә булган профилактика чаралары, аларның нәтиҗәлелеге, республика һәм район буенча статистик мәгълүматлар белән таныштырылды.