Парк һәм скверлар көне уңаеннан педагог-оештыручы Багманова Р.Н 5,6 сыйныф укучылары белән кызыклы әңгәмә оештырды. Укучылар үзләрен кызыксындырган сораулар буенча фикер алыштылар.

Бүген мәктәбебездә "Финанс грамоталылыгы көне" Бөтенроссия акциясе кысаларында "Росгосстрах" компаниясе агенты Яруллина Чулпан Вагизовна белән очрашу узды. Чулпан Вагизовна югары класс укучыларына иминиятләштерү компаниясенең эш юнәлешләре ; үзеңне, йорт-җиреңне, милкеңне иминиятләштерүнең зарурлыгы турында сөйләде.

ген  дигән темага бердәм дәрес узды.  Әлеге  дәреснең  төп максаты – җәмгыятебездә милләтара һәм конфессияара татулыкны ныгыту, террорлык һәм экстремистлык чагылышларына юл куймау. Укучыларга моның өчен үзара аңлашып яшәү, бер-береңә карата түземле булу, башка милләт һәм дин вәкилләренә, аларның традицияләренә хөрмәт белән карау мөһим икәнлеге аңлатылды. 8-11 классларда әлеге дәресне Исмагилова Ч.Р., калган классларда класс җитәкчеләре уздырды.

Бүген мәктәбебездә зур бәйрәм-Белем бәйрәме. Капиталь төзекләндерү узган, укыту-тәрбия эше өчен барлык уңай шартлар тудырылган мәктәбебез 1нче сыйныфка 7 укучы кабул итеп алды. Яңа уку елында  һәркемгә саулык-сәламәтлек, уңышлар телибез!

Яңа 2015-2016нчы уку елында беренче дәресләр  Тынычлык дәресе һәм  Бөтенроссия ГТО  дәресе буларак узды.

“Үз мәктәбеңә булыш ” (“Помоги своей школе”) акциясе яңа уку елында да дәвам итәчәк.  Мәктәп тормышына битараф булмаган, аңа ярдәм итәргә теләгән якташларыбызны, үзебезнең мәктәпне тәмамлаган эшмәкәрләрне әлеге акциядә катнашырга чакырабыз.

29 август көнне укучыларыбыз "Яшел Россия"  экологик өмәсендә катнаштылар. Бөек Җиңүнең 70 еллыгы уңаеннан мәктәп территориясенә утыртылган агачларның төпләрен йомшарттылар, су сиптеләр, чүп үләннәреннән арындырдылар.

Гадәттән тыш хәлләрне кисәтү, янгын, техника куркынычсызлыгын тәэмин итү, гомумән, барлык куркынычсызлык техникасы кагыйдәләрен искә төшерү, аларны үтәүне булдыру максатыннан, 17 августтан 17 сентябрьгә кадәр балалар куркынычсызлыгы айлыгы үтә.

0,8 га җир биләгән мәктәп яны  тәҗрибә участогыннан һәр елны мул уңыш җыеп алына. Бу  җәйдә дә бакчабызда төрле яшелчәләр гөрләп үсте. Суган уңышы җыеп та алынды.

Мәктәп яны бакчасында җәйге практика дәвам итә. Бу көннәрдә мул яңгыры белән укучыларыбызга табигать тә бик булышты. Тырыш хезмәт нәтиҗәсе булып  чәчәклек бөтен бакчага ямь бирә. Мондый матурлыкка һәркем соклана.