Бүген 8  нче класс укучылары сыйныф җитәкчесе Вильданова Ә.Г. белән Теләче районы Саурыш авылына велосипед белән экскурсиягә бардылар.Бетә баручы авыл белән үзләре яшәгән авылларны чагыштырдылар.Билгеле инде һәр кешегә гөрләп торган авылда яшәве күңелле.Ә табигать бик бай.Буш бакчада үсүче алмагач үзенең сусыл алмалары белән балаларны сыйлады.

Бүген педагог-оештыручы 6 сыйныф укучылары белән түгәрәк өстәл артында сөйләшү оештырды.Укучылар әңгәмә барышында үзләрен кызыксындырган сорауларга җаваплар ,пионерлар-варислар турында мәгълүмат алдылар.

Мәктәп яны тәҗрибә участогында яшелчә үстереп кенә калмыйбыз.Мәктәп ашханәсендә  үзебездә үскән җиләк-җимешләрдән кайнатмаларны    һәркөнне өстәлебездә күрәбез.  Бүген укучыларыбыз бакчада үскән соңгы җиләк-җимешләрдән булган кара миләшне җыеп  алдылар.Кара миләш быел  аеруча мул булды. 

Бүген мәктәбебездә  укучылар,укытучылар һәм техник хезмәткәрләр көче белән  җәй буе тәрбияләп үстергән бәрәңге уңышы җыеп алынды.Бу эштә укучыларның әтиләре дә бик теләп транспорт белән булышты. Уңыш бик мулдан булу барыбызны да сөендерде.

"Көзге игелек атнасы"акциясендә безнең укучыларыбыз да катнашты. Олы Кибәче ,Төбәк авылында урнашкан һәйкәл-обелисклар,мәктәп  тирәләре  чистартылды.

Укучыларга экологик тәрбия бирү, аларда табигатькә сакчыл караш тәрбияләү-мәктәпнең төп бурычларыннан берсе. "Яшә, чишмә!" акциясендә безнең укучылар да теләп катнашты. Авылыбызның бизәге булган "Зөлхиҗҗә чишмәләре", Зиятдин  чишмәсе, Галим чишмәсе территорияләре укучылар көче белән тәртипкә китерелде.

Бүген мәктәбебездә  эвакуация уздырылды.Укучыларның гадәттән тыш хәлләргә әзерлекләре барланды.Эвакуациядә Икшермә янгын сүндерү бүлеге начальнигы Салахиев Ф.Ф катнашты.Барлык укучылар да, тиешле таләпләрне үтәп, мәктәп янына җыелдылар. Гомумән, эвакуация канәгатьләнерлек дип бәяләнде.

"Бурдан кала, уттан калмый" дигән татар халык мәкален һәркем белә. Ләкин бар кеше дә янгын куркынычсызлыгы кагыйдәләрен төгәл үтәми. Әлеге күнекмәләр кече яшьтән үк булдырылырга тиеш. Бүген укучылар Икшермә янгын сүндерү бүлеге начальнигы Салахиев Ф.Ф. белән очраштылар. Ул укучыларны янгын куркынычсызлыгы кагыйдәләрен төгәл үтәргә чакырды.

Парклар һәм скверлар елы  уңаеннан   мәктәбебездә рәсемнәр бәйгесе үткәрелде. Бәйгедә җиңеп чыккан эшләр районга җибәрелде. Бәйгедә 6 нчы сыйныф укучысы Мухаметова Алиянең  һәм 8 сыйныф укучысы Шакирова Гөлназның эшләре I урынга ,үз яшьтәшләре арасында 1 нче сыйныф укучысы Башаров Даниярның эше  II урынга, Газизова Ландышның эше Сертификатка лаек булды. Чын күңелдән котлыйбыз! 

Куркынычсызлык айлыгы дәвам итә. 7 сентябрьдә, янгын куркынычсызлыгын тәэмин итү максатыннан, эвакуация узды. Укучыларга янгын хәвефе булган очракта үтәлергә  тиешле кагыйдәләр  турында аңлатылды.