Мәктәбебездә башлангыч сыйныф укучылары өчен Мәдәният дәресе үткәрелде.Тәрбия зшләре буенча директор урынбасары Измайлова Г.М. укучыларга  мәдәният Министрлыгы һәм мәгариф Министрлыгы тарафыннан тормышка ашырылучы  республикакүләм проект турында сөйләде.Олы Кибәче авылы китапханәчесе Фатихова Г.Р. укучыларны конкурс нигезләмәсе белән таныштырды.Соңыннан барлык башлангыч сыйныф укучыларына "Мәдәни көндәлек" тапшырылды.

6 нчы сыйныф укучылары белән  педагог - оештыручы Багманова Р.Н.  "Хокукларыңны бел,бурычларыңны үтә" темасына оешма җыены үткәрде.Җыен барышында игътибарлылыкка уен уйналды,  Бала хокуклары  турындагы  Конвенция  белән таныштылар.Укучылар үзләренең хокуклары һәм бурычлары турында белемнәрен ныгыттылар.

10 нчы сыйныф укучысы Газизова Илүзә (укытучысы Гафиятова Әнисә Фәнил кызы)  Казан шәһәрендә үткән   "Илһамлы каләм" Бөтенроссия  конкурсында   катнашты. Иҗат белән шөгыльләнергә яратучы Илүзә бу бәйгенең 1нче турына үзенең ике хикәясен тәкъдим иткән  иде. Бәйрәмдә укучылар төрле мастер-классларда катнаштылар, язучылар һәм шагыйрьләр белән очрашып,   иҗат серләренә төшенделәр. Газизова И. , укытучы Гафиятова Ә.Ф. бәйгедә катнашкан өчен Сертификатка ия булдылар.

 11 сыйныф укучысы Һадиев Ирек (укытучысы Сафина Сиринә Зәкиҗан кызы) Казан шәһәрендә үткән "Мәһдиев укулары"  Бөтенроссия фәнни-гамәли конференциясендә катнашып, уңышлы чыгыш   ясап кайтты.

6 нчы сыйныф укучылары класс җитәкчесе Каримова Л.Р. белән авыл китапханәсенә экскурсиягә бардылар."Хәтер көне" уңаеннан  "Казан ханлыгы: 1552" темасына  әңгәмә үткәрелде.Китапханәче Фатихова Г.Р. китаплар күргәзмәсе белән таныштырды.Укучылар "Казан ханлыгы" темасына презентация караганнан соң, викторина сорауларына җавап  бирделәр.

Районыбыз дару үләннәре тапшыру буенча Республика күләмендә  II урынга лаек булды.Мәктәбебез укучылары да дару үләннәре җыюда актив катнашты."Рәхмәт хаты" тапшырылды.

Казан шәһәрендә үткәрелгән "Ярминкә-2015" тә катнаштык.Районыбыз  актив катнашкан өчен "Рәхмәт хаты"на һәм "Иң яхшы бизәү" дә Дипломга лаек булды.Барыбыз өчен дә куанычлы хәбәр.

Хезмәт җимешләребезнең соңгылары, җыелып,  саклауга салынды."Күмәк- күл күчерә",- диләр.Чыннан да, бергәләп эшләве  күңелле дә,тиз дә.Күз ачып йомганчы тәҗрибә участогындагы кишер һәм чөгендер уңышы җыеп алынды. 

Районыбызның мәдәният йортында укытучылар көненә карата бәйрәм-тантана булып узды.Мәктәбебез эшчәнлеге уңай яктан бәяләнде. "Иң яхшы бакча" муниципаль конкурсында "Иң матур матур чәчәклек" номинациясендә III  урынга лаек булдык.Бу -  барыбызның тырыш хезмәт нәтиҗәсе.

Кулларына  чәчәк бәйләмнәре тоткан 10 нчы сыйныф укучылары, укытучыларны бәйрәмнәре белән котлап, каршы алдылар. Бәйрәмчә бизәлгән залда барлык сыйныф укучылары катнашында   оештырылган концерт та  укытучылар хөрмәтенә иде.