"Дуслык"та икенче көнебез "Табигатьтә кунакта" исеме астында үтте. Нысы елгасы буйлап сәяхәткә чыктык, төрле дару үләннәре белән таныштык, кызыклы уеннар уйнадык."Витаминнар иле"ндә төрле дару үләннәре,аларның файдасы турында белдек. Табигый материаллардан эшләнмәләр ясадык.Көнебез сизелми дә үтеп китте. 

Бүген 30 балага исәпләнгән "Дуслык" лагере эшен башлап җибәрде. "Бәхетле балачак" дип исемләнгән 1нче көндә чаралар Балаларны яклау көненә багышланды. "Новаторлар" һәм "Балачак"  отрядлары үз  җырларын, әйтемнәрен  сайладылар, Иртәнге аштан соң "Әйдәгез, таныш булыйк!"   девизы астында һәр бала үзе белән таныштырды. "Көчлеләр, кыюлар, җитезләр" спорт ярышларында   балалар  үз  көчләрен сынадылар. Көнебез  "Бәхетле балачак" темасына асфальтка рәсем  ясау  белән тәмамланды.

  "Җилкән" ял һәм хезмәт лагере эшен башлап җибәрде.Куркынычсызлык техникасы кагыйдәләре белән танышканнан соң балалар мәктәпнең тәҗрибә участогында эшләделәр.Балаларны яклау көне уңаеннан "Бәхетле балачак "темасына әңгәмә үткәрелде. Көндезге аштан соң хәрәкәтле уеннар уйнадылар.

ТЕЛЕФОН ДОВЕРИЯ для детей, подростков и их родителей

8-800-2000-122      

Звонить можно с любого телефона: мобильного или стационарного.

ПОМОЩЬ ПО ТЕЛЕФОНУ ДОВЕРИЯ ОКАЗЫВАЕТСЯ КРУГЛОСУТОЧНО,  АНОНИМНО,    БЕСПЛАТНО!

Мәктәбебездә  3нче ел рәттән фән өлкәсендә югары нәтиҗәләргә ирешкән укучыларга Шафиков Вагыйз исемендәге премия тапшырыла. Әлеге премияне Казан шәһәре Киров районы 32нче мәктәбе директоры, якташыбыз  Хасанова Лилия Хамидулловна  үзенең озак еллар мәгариф өлкәсендә хезмәт иткән фронтовик бабасы хөрмәтенә булдырды. 27нче майда узган тантаналы линейкада Хасанова Лилия Хамидулловна һәм "Болгар" радиосы яңалыклар хезмәте мөхәррире, якташыбыз Шәрәфиева Люция Рафаэлевна катнашып, 11 класс укучылары Сабиров Булат һәм Хадеев Иреккә  Шафиков Вагыйз исемендәге премия тапшырдылар. Кунакларыбыз чыгарылыш класс укучыларына имтиханнарында уңышлар, һәр укучының  үз алдына югыры максатлар куеп , шул максатка ирешүдә тырышлык күрсәтүләрен  теләде. Якташларыбызга  укучылар өчен  белем үрләрен яулауда кызыксындыру чарасы булдырганнары өчен әти-әниләр һәм мәктәп коллекивы исеменнән зур рәхмәт!

   Бүген 4 сыйныф укучылары варислар сафына кабул ителделәр. Алар варислар һәм аларның  законнары белән таныштылар. Соңыннан  күмәкләшеп хәрәкәтле уеннар уйнадылар.

  Районыбызның барлык мәктәпләрендә  чыгарылыш сыйныф укучылары өчен бүген  соңгы кыңгырау чыңы яңгырады. Шул уңайдан бүген мәктәбебездз тантаналы линейка булып үтте. Бәйрәмнең хуҗалары,әлбәттә,11 нче сыйныф укучылары иде. Күңелле дә,шул ук вакытта моңсу да иде бүген көн.Укучыларыбыз алдында зур тормыш капкасы ачылырга тора, ә капкадан чыгып киткәнче,  әле зур сынау-дәүләт имтиханнары тора. Бүген шулай ук укуларын һөнәр училищеларында дәвам итәргә теләгән  9 нчы сыйныф укучылары өчен дә соңгы кыңгырау яңгырады. Укучыларыбызга дәүләт имтиханнарында уңышлар  телибез! Сынатмаслар дип, ышанып калабыз.

Сегодня учащиеся 4 класса выполнили задания ВПР по окружающему  миру. Выполняя задания проверяется степень усвоения материала за начальный класс.Мы желаем им успехов!

Мәктәп-белем учагы. Укучыларның белемнәре район һәм республика фән олимпиадаларында сынала. 18нче май көнне район мәдәният йортында олимпиада җиңүчеләре һәм призерлары хөрмәтләнде. Олы Кибәче урта гомумбелем бирү мәктәбе укучыларны олимпиадаларга әзерләү буенча район күләмендә 1нче урын алды., район һәм республика олимпиадаларында яхшы күррсәткечләргә ирешкән өчен Грамота белән бүләкләнде. Республика олимпиадаларында 7 призлы урын яулаган укучыларыбыз Шакирова Гөлназ (укытучылары Ибушева Ф.Н., Сафина С.З., Измайлова Г.М.), Газизова Илүзә (укытучысы-Гафиятова Ә.Ф.), Давлиев Ильяс, Хадеев Ирек (укытучы-Мубаракзянов Р.Р.), район олимпиадалары җиңүчеләре Гафиятова И., Шарипова Э., Каримова Р., Сабиров Б. Грамоталар һәм  премия белән бүләкләнделәр.