Лагерьда көнебез "Ветеран янәшәдә" темасы астында узды. Иртәнге аштан соң балалар бакчада җиләк түтәлләреннән чүп үләннәрен утадылар, яшелчәләргә су сиптеләр. дару үләннәре җыйдылар. "Җиңү открыткасы" акциясен дәвам итеп,  Төбәк авылында яшәүче Бөек Ватан сугышы ветераннары Альмиев  Хаҗиәхмәт һәм Абуллин Мөбарәк абыйлар белән очраштык, аларга үз кулларыбыз белән эшләнгән  открыткалар тапшырдык. Көндезге аштан соң "Наркотикларсыз тормыш" акциясө булып узды.

"Дуслык" лагеренда 17 нче көнебезне башлап җибәрдек.Көн иртәнге гимнастика белән башланды. "Шариклар һәм бантиклар көне" дип аталган  бу көн гаҗәеп күңелле узды. "Иң  күп  бантиклы бала" бәйгесенә отрядлар бик тырышып әзерләнде.Бәйгенең җиңүчеләре дә билгеләнде. Шарлардан сувенир ясау бәйгесе булды, балалар үзләренең иң матур теләкләрен шар формасындагы төсле кәгазьләргә яздылар. Тагын бер көнебез төгәлләнде.

"Дуслык" лагеренда "Наркотикларсыз тормыш"  акциясе  кысаларында "Мин тормышны сайлыйм" дип исемләнгән плакатлар бәйгесе узды. Бәйгенең җиңүчеләре булып Мухаметова Алия, Мухаметова Альбина, Нургалиева Илүзә һәм Габдрахманов Фәнгиз танылды. Алар үз эшләрендә яман гадәтләрсез тормышның гына ямьле булуын чагылдыра, яшьләрне тормышның кадерен белергә  өнди.

      "Дуслык"та 16 нчы көнебез " Без-эзтабарлар" исеме астында узды.Иртәнге аштан соң отрядларда авылларыбыз туграларын иҗат итү белән мәшгуль булдылар,аннан соң Шаһи тавына.  Имән чишмәләренә сәяхәткә бардык. Чишмәләребезнең юкка чыкмавына күңел сөенә.Чишмә янында рәхәтләнеп хәрәкәтле уеннар уйнадык. Сизелми дә көндезге аш вакыты җиткән. Көндезге аштан соң "Көчсез буын" уены  уйнадык. "Дуслык"та тагын бер көнебез үтте.

Бу көнебез "Җиңү батырлары" исеме астында узды. Иртәнге гимнастика һәм беренче иртәнге аштан соң балалар мәктәп  теплицасында эшләделәр : су сиптеләр , кыяр җыйдылар. Патриотик тәрбия атналыгы кысаларында "Җиңү открыткасы" темасына акция үткәрелде. Укучылар квиллинг технологиясе кулланып  открытка ясадылар.Көндезге аштан соң "Юлларда имин бул!"темасына әңгәмә үткәрелде,хәрәкәтле уеннар уйналды. 

"Дуслык" та 15нче көнебез "Урман көне" буларак үтте. Иртәнге аштан соң мәктәп тирәсендәге агачлар  белән таныштык. Отрядлар арасында "Агачларны таныйсыңмы?" дигән бәйге булып үтте. "Иң матур агач", "Иң матур күбәләк" рәсемнәр конкурсы узды һәм җиңүчеләр билгеләнде. Көндезге аштан соң "Нарат" боз сараена  бардык.Анда рәхәтләнеп  тимераякта шудык. Лесхоз бистәсендә урнашкан селекция үзәгендә дә булдык.Андагы үсемлекләрне күреп хәйран калдык. Көнебез бик күңелле үтте.

15 нче көнебез флешмоб белән башланып китте. Иртәнге тәмле аштан соң мәктәп яны тәҗрибә участогында яшелчәләргә,чәчәк түтәлләренә су сибелде.Ниһаять көтеп алынган "Нарат" боз сараена экскурсия көне килеп җитте. Эссе җәйдән,гүя салкын кышка- Боз патшалыгына эләктек.Рәхәтләнеп тимераякта шудык, селекция үзәгендә дә булдык.Мондагы матурлыкка хәйран калдык. Көн үткәне сизелмәде дә.

     Ял һәм хезмәт лагере "Җилкән"дә 14нче көнебез "Һәйкәлләргә шефлык көне". Һәрвакыттагыча иртәнге  гимнастика белән башланган көн тәҗрибә  участогында эш белән дәвам итте.Олы Кибәче авылында урнашкан һәйкәлләр  янына барып, аның тирәлеген тәртипкә китердек."Һәйкәлләрне тыңлыйк тын гына" дигән чара үткәрдек. Көндезге аштан соң хәрәкәтле уеннар уйнадык.

       "Дуслык" лагеренда 14 нче көнебез «Сабам минем туган ягым» көне районыбыз Саба турында әңгәмәдән башланды. Анда туып үскән күренекле шәхесләр белән таныштык . «Сабам минем туган ягым» җырын өйрәндек.Отрядлар арасында  җырлар җырлау буенча ярыш оештырылды. «Новаторы» отряды җиңү яулады.                                                                                                                                                                                                                       Көнебезне “Фәнил” мәчетенә сәяхәт белән дәвам иттек.Авылыбызның абыстае Тәнзилә апа  балаларга үгет –нәсихәт бирде.

"Җилкән"дә 13 нче көнебез көндәгечә иртәнге гимнастика белән башланды. Иртәнге аштан соң тәҗрибә участогында эшләдек.Бакча җиләге ,чәчәк түтәлләрендәге чүп үләннәре уталды, яшелчәләргә су сибелде. Балалар Башарова И.Р. белән Олы Кибәче авыл китапханәсенә экскурсиягә бардылар.Китапханә мөдире Фатихова Г.Р.китап укуга кызыксыну уяту ,укучыларның китапханәгә йөрүен тагын да активлаштыру максатында укучылар өчен яңа китапларга күзәтү уздырды. Һәр китап хакында кыскача  мәгълүмат бирде. Китап укучылар үзләренә ошаган киапларны өйдә уку өчен алдылар.