Зурлар төркемендә "Җәй турында" рәсем эшчәнлегендә балалар гуашьлар белән рәсем ясау үзенчәлекләрен искә төшерделәр.

Бүген бакчабызда Рамиль Хәмзә улы җитәкчелегендә Түбән Кама шәһәреннән килгән делегацияне кабул иттек. Алар Мөслимнең төзекләндерү, социаль объектларының торышы белән танышырга киләләр. Шулай ук бакчабыз белән дә танышырга керәләр. Без үз чиратыбызда кунакларны якты йөз белән каршы алдык.

Бүген безнең бакчабызда "Белем бәйрәме" булып узды. Балалар биеделәр, жырладылар, конкурсларда катнаштылар. Балалар янына кунакка Маша белән Аю да килде. Алар балаларга буләкләр алып килделәр, уеннар уйнаттылар. Бәйрәм бик матур һәм куңелле узды.

Мәктәпкә әзерлек төркеме балалары белән чәчәк орлыклары җыйдык. Киләсе язда әлеге орлыкларны чәчеп тагын бакчабызның ихатасын ямьләндерербез дип уйлыйбыз.

Татарстан республикасының туган көне белән һәммәгезне чын күңелдән котлыйбыз. Киләсе көннәргә ышаныч белән карап, бар көчегезне һәм тырышлыкны туган ягыбыз өчен биреп эшләвегезне телибез. Нык сәламәтлек һәм зур бәхетләр сезгә! Мәңге яшә, газиз Ватаныбыз, Халкым тели изге теләкләр! Гомерлеккә якын туган булып Яши бездә төрле милләтләр. Күп гасырлар кичкән чал тарихлы Данлы илем, үзең бер дастан! Синдә генә безнең язмышыбыз, Республикам минем, Татарстан! 

Бүген бакчабыз балалары китапханәгә сәяхәткә бардылар. Китапханәнең балалар бүлеге җитәкчесе Зилә Мөдәрис кызының мавыктыргыч сөйләүләрен тыңладылар.

Мәктәпкә әзерлек төркеме балалары юл йөрү кагыйдәләрен өйрәнү буенча белемнәрен ныгыту максатыннан әңгәмәдә катнаштылар, сорауларга җавап бирделәр, соңыннан рәсем буядылар.

Бүген яшь тәрбиячебез Гөлзада Гавис кызы "Карлыгач" балалар бакчасында узган август конференциясенең секция утырышында катнашты.  Әлеге семинар "Мәктәпкәчә белем бирүне цифрлаштыру. Россия халыкларының мәдәни мирасы елында этномәдәни проектларны гамәлгә ашыру" темасы астында узды.

Бүген ЮХИДИ хезмәткәре Ситдыйкова Алсу Рәзин кызы җитәкчелегендә мәктәпкә әзерлек төркеме балалары "Атлаучы автобус" акциясе үткәрделәр. Акция барышында балалар юл йөрү кагыйдәләре буенча белемнәрен ныгыттылар, машина йөртүчеләргә һәм җәяүлеләргә юл хәрәкәте кагыйдәләрен белү кирәклеге турында аңладылар. Шулай ук машина йөртүчеләргә алдан әзерләнгән бүләкләр тапшырылды.

Бүген зурлар төркеме балалары Россия Федерациясенең Дәүләт флагы көнен билгеләп үтте. Әңгәмә барышында балалар Дәүләт флагының бик тә зур әһәмияткә ия булуын, аны безне берләштерүен, көч бирүен белделәр.