Уен ярдәмендә балаларда  зирәклек, оешканлык, коллективта үзеңне тота белү, җитезлек кебек матур сыйфатлар тәрбияләнә. Уен - ул бала эшчәнлегенең, тормышының аерылгысыз өлеше. Уеннар, бер яктан, физик тәрбия чарасы булса, икенчедән, күп кенә уеннар эстетик тойгылар тәрбияләүгә зур ярдәм итә. Физик активлык, балаларда җитезлек, өлгерлек, кыюлык сыйфатлары тәрбияләү белән беррәттән, нәниләрнең игътибарын арттыруга, хәтерләрен үстерүгә дә булышлык итә. Уен вакытында баланың күңеле күтәренке, көр була, һәм бу халәт аның нерв системасына да уңай йогынты ясый.

Балаларга җансыз табигатьне реаль аңларга өйрәтү. Ел вакытларын искә төшерү, кыш турындагы белемнәрен ныгыту. Табигатькә сакчыл караш тәрбияләү,  кошларга ярдәм итү теләге булдыру. Җитезлекне камилләштерү, игътибарлылык тәрбияләү, сигнал буенча хәрәкәт итәргә өйрәтүне дәвам итү.

 Әлеге чаралар балаларны мөстәкыйль рәвештә үз сәламәтлекләрен кайгыртырга өйрәтүне, үз-үзләренә ярдәм күрсәтү күнекмәләрен ныгытуны күз аллый.

Балаларның сөйләмен үстерү өстендә эш, мәкальләрнең эчтәлекләрен аңларга чакыру.

Физик күнегүләр һәм үз-үзләренә массаж ясауга кызыксыну тудыру.

Бүген бакчабызда "Давай дружить,дорога!" дип исемләнгән конкурс үтте. Әлеге чараның бурычлары: 

җәяүлеләр өчен булган кагыйдәләрне искә төшерү һәм ныгыту;

– юл билгеләрен төрләре буенча танып белүне ныгыту һәм камилләштерү;

– балаларда игътибарлылык, күзәтүчәнлелек тәрбияләү;

– урамда, борылышларда, машина хәрәкәте урыннарында үз-үзеңне дөрес тоту күнекмәләрен ныгыту;

– фикеләү сәләтен үстерү;

– светофорның әһәмиятен искә төшерү.

Бүген зурлар төркемендә әниләр көненә багышланган матур бәйрәм үтте. Әлеге чараның бурычлары: газиз аналарга мәхәббәт, игътибарлы мөнәсәбәт, шәфкатьлелек тәрбияләү һәм аларның олы зат булуына төшендерү. Балаларның фикер йөртү сәләтләрен, сәнгатьле сөйләм күнекмәләрен үстерү. Әниләрне бакчага җәлеп итү. Балаларны ата – аналар белән берлектә тәрбияләү бәйләнешен ныгыту.

18 ноябрьдә ТР Мөслим муниципаль районы мәгариф хезмәткәрләре арасында "Хезмәткә һәм оборонага әзер" (ГТО) Бөтенроссия физкультура-спорт комплексының җәйге фестиваленең муниципаль этабы узды. "Кояшкай" балалар бакчасы коллективы фестивальдә актив катнашты һәм югары спорт нәтиҗәләренә иреште: Айсылу Сабирова һәм Рафина Габдухакова - яшь категорияләрендә көмеш призерлар, Индира Хәбирова һәм Айгөл Гаттарова бронза медальләргә ия булдылар. "Кояшкай" мәктәпкәчә белем бирү учреждениеләр арасында гомуми команда зачетында 1 нче урынны алды (885 балл). Җиңү белән котлыйбыз!!! Афәрин, кызлар!!! Без сезнең белән горурланабыз!!!

"Мәктәпкәчә яшьтәге балалар белән профориентация эшен оештыру буенча иң яхшы устерелешле тирәлек" дип исемләнгән муниципаль конкурста тәрбияче Резеда Мөхәмәтова "Мәктәпкәчә яшьтәге балаларга әти-әниләр белән берлектә профориентация эшен оештыру буенча иң яхшы проект "номинациясендә җиңуче булды, һәм Мәгариф идарәсенең Грамотасы белэн буләкләнде.

Танып-белү өлкәсе буенча уртанчылар төркемендә "Минем туган илем-Рәсәй" темасына эшчәнлек узды. Күпмилләтле республикабыз турында балаларның белемнәрен тирәнәйтү һәм киңәйтү. Татар халкының көнкүреше,гадәтләре,бәйрәмнәре,милли киемнәре белән таныштыру. Татарстан символикаларын карау. Татар халкына хөрмәт һәм аның культурасына кызыксынучанлык тәрбияләү. Хәтерләрен һәм күзаллауларын камилләштерү. Анализ һәм нәтиҗә ясарга өйрәтү. Сорауларга тулы җавап бирүне,диалогик сөйләмнәрен камилләштерү. Трафаретлар кулланып предметларны бизәүне камилләштерү. Пөхтәлек тәрбияләү.

Икенче кечкенәләр төркеме балалары геометрик фигуралар белән таныштылар. Балаларны предметлы тирәлек белән таныштыру, йортны нәрсәләрдән төзергә мөмкин булуын  ачыклау, элементар математик күзаллауларын формалаштыру буенча предметның киңлеген чагыштыру, геометрик фигуралар турында белемнәрен системалаштыру буенча эш башкарылды.