Асфальтта рәсем ясау- мавыктыргыч шөгыль генә түгел, ә әйләнә-тирә дөньяны танып белү, иҗат, фантазия, игътибар, вак моторика күнегүләре, иҗади сәләтләрне үстерү, ә иң мөһиме, яхшы кәеф тә. Асфальтта рәсем ясап, балалар карандаш һәм пумала белән кәгазьдә ясаганга караганда бөтенләй башка хисләр кичерәләр. Ахыр чиктә, асфальтта нинди рәсем ясау мөһим түгел, рәсем ясау процессы үзе мөһим, ул балаларга зур ләззәт бирә. 

Балаларның халык йолалары, бәйрәмнәре турында белемнәрен киңәйтү, милли уеннарга карата хөрмәт һәм мәхәббәт хисләре уяту максатыннан зурлар төркемендә "Чума үрдәк, чума каз" уенын уйнадык.

Икенче кечкенәләр төркеме балалары бүген попугай белән таныштылар. Балалар әлеге экзотик кошның туган ягы белән таныштылар, попугайларның туклануы, тормыш рәвеше турында мәгълүматлар алдылар.

Попугайлар –тутый кошлар,
Матур һәм күңелле кош,
Салават күперендә күк
Бар бит анда барлык төс.

Икенче кечкенәләр төркемендә көнбагыш чәчәге турында әңгәмә үткәрдек, аның турында шигырь ятладык һәм дөрес итеп буярга өйрәндек.

Мәктәпкә әзерлек төркеме балалары бүген кечкенә фермерлар булып уйнадылар. Төзелеш материалларыннан төрле уеннар уйнадылар.

Бүген икенче кечкенәләр төркеме балалары Пушкин паркына сәяхәткә бардылар. Күңелле итеп ял иттеләр.

Бүген бакчабыз балалары фонтан ачу чарасында катнаштылар. Капиталь төзекләндерүдән соң фонтанны тантаналы рәвештә эшләтеп җибәрделәр.Кечкенәләр аны бигрәк тә яратты, фонтан кушылгая алар ихластан сөенделәр.

Бүген бакчабыз балалары мәчеткә сәяхәткә бардылар. Сәяхәтнең максаты: балаларда мәчет һәм ислам дине турында кызыксыну уяту, үзебезнең динебезгә, милләтебезгә, башка диннәр традицияләренә хөрмәт тәрбияләү. Мәчеттә үз-үзеңне тоту культурасының нигезен формалаштыру. 

Икенче кечкенәләр төркеме балалары өстәл уеннары белән уйнарга яраталар. Өстәл уеннары белемнәрне үстерергә,фикерләргә, хәтерне яхшыртырга, уйларга өйрәтә. Шулай ук,  балалар уен барышында  нәтиҗәләр һәм карарлар кабул итәргә, бер-берсе белән аралашырга өйрәнәләр.

Уртанчылар төркемендә ком белән тәҗрибәләр үткәрдек.Тәҗрибәләр үткәрү балаларның мөстәкыйль фикер йөртә белү, уйлау, хәтердә калдыру сәләтен, игьтибарын, тирә-юньне кузаллауларын киңәйтүгә, ярдәмчеллек, бер-берсенә карата уңай мөнәсәбәтләр тәрбияләүгә ярдәм итә.