Икенче кечкенәләр төркеме балалары "Нәураша Нәурандия илендә" балалар санлы лабораториясе белән танышуны дәвам итәләр. "Тавыш" исемле модуль белән уйнадылар. "Без нәрсә ишетәбез?" темасына әңгәмә үткәрделәр.

"Һөнәрле үлмәс, һөнәрсез көн күрмәс" проекты кысаларында мәктәпкә әзерлек төркеме балалары "Минем әти-әниемнең һөнәре" исеме астында әти-әниләренең һөнәрләрен өйрәнү, таныштыру максаты белән, әти-әниләр белән берлектә макетлар ясап алып килделәр.

Мәктәпкә әзерлек төркеме балалары белән прогулкада вакытта Көзге бал бәйрәменә әзерләнү максатыннан көз турындагы җырларны кабатладык.

Хөрмәтле мөгаллимнәребез! Сез – безнең иң кадерлеләребез, үрнәк алырлык кешеләребез, туры юл күрсәтүчеләребез. Сез биргән белемнәр, сезнең үгет-нәсыйхәтегез безгә авыр тормышта да дөрес юлдан тайпылмыйча, гел алга барырга ярдәм итә. Һәрчак укучыларыгызның рәхмәтләренә төренеп, аларның ярдәмен тоеп яшәргә насыйп булсын! Сәламәтлек, ак бәхетләр, яңа куанычлар телибез! Бәйрәмегез белән!

Мәктәпкә әзерлек төркеме балалары кечкенәдән үк хезмәткә өйрәнеп үсә. Әлеге төркем балалары һәркөн деңур торалар. Тәрбияче дежурныйларга үзенең ярдәмчеләре итеп карый, төрле алымнар кулланып, тырышып, теләк белән эшләүләрен күреп хупларга һәм аларның бик кирәк булуын әйтергә, балаларда хезмәткә җаваплылыкны тагын да арттырырга тиеш.

Мәктәпкә әзерлек төркеме балалары бүген "Һөнәрле үлмәс, һөнәрсез көн күрмәс" проекты кысаларында шәфкать туташы һөнәре белән таныштылар. Аның бүлмәсенә экскурсия ясадылар.

Кичке якта  уртанчылар төркеме балалары төркемдәге апаларны тәрбиячеләр көне белән котлап открыткалар ясадылар.

Хөрмәтле остазларыбыз! Ихлас күңелдән һөнәри бәйрәмегез белән котлыйбыз! Авыр хезмәтегездә түземлек, гаиләгездә җан тынычлыгы, тормышыгызда ак бәхетләр һәм сәламәтлек телибез! Барлык балаларыгыз да тәүфыйклы, акыллы булсыннар!

Бүген бакчабызда балалар бакчалары мөдирләре өчен семинар узды. Әлеге семинарда бакчабыз мөдире М.А.Солтанова "Мәктәпкәчә сыйфатлы  белем алу шарты буларак учреждениенең заманча инфраструктурасын булдыру" темасы астында чыгыш ясады, "Smart буенча максатлар кую" дигән тренинг уздырды. Тәрбияче Э.С.Шәйхетдинова "Наураша" цифрлы лабораториясен мәктәпкәчә яшьтәге балалар белән эшләүдә куллану" дигән мастер-класс үткәрде. Килгән кунаклар бик күп тәҗрибә туплап киттеләр.

"Һөнәрле үлмәс, һөнәрсез көн курмәс"проекты кысаларында, мәктәпкә әзерлек төркеме балалары белән "Хезмәткә Дан" аллеясына экскурсиягә бардык.