Азык-төлек пленкасында рәсем ясау бик мавыктыргыч техника. Балаларның фикерләү сәләтен, эстетик зәвыгын үстерергә, төрле төсләрне кушарга өйрәтүдә ярдәм итә. Бу рәсем техникасын җәй көне саф һавада урамда кулланырга мөмкин,  балалар өчен әлеге ысул тагын да кызыклырак була, үз-үзеңне күрсәтү өчен тулы ирек бирә.

Кереш белән уйнау балаларның вак кул моторикасын үстерү үзенчәлекләрен ачыкларга ярдәм итә. Кул хәрәкәтләренең төгәллеген һәм координациясен, ритмчылыкны үстерергә, киң күзаллауларны формалаштыруга һәм камилләштерүгә, балаларның фантазиясен үстерергә ярдәм итә.

Мәктәпкә әзерлек төркеме балалары яшелчә бакчасында даими эш башкаралар: түтәлләрне чүптән арындыралар, су сибәләр, яшелчәләрнең үсүен күзәтеп торалар. Бүген исә алар редиска утырттылар..

Икенче кечкенәләр төркемендә "Чәчәкле алан" хәрәкәтле уенын уйнадык. Хәрәкәтле уеннар балаларның уйлау сәләтен үстерергә, аларда игътибарлылык, тапкырлык сыйфатлары тәрбияләргә ярдәм итә.

Уртанчылар төркеме балалары уенчыкны сурәтләп сөйләргә өйрәнәләр. Эш барышында күзаллау ярдәмендә яраткан уенчыгыңны рәсемли белергә өйрәтү.Рәсемләү алымнарын ныныту, уенчыкларга сак караш тәрбияләү.

 Балалар арасында иң яратып уйнала торган уеннар - хәрәкәтле һәм музыкаль халык уеннары. Халкыбызның гореф- гадәтләре, йолалары, тормыш – көнкүреш чагылыш тапкан бу уеннар балаларда өлгерлек, тапкырлык, ярдәмләшү, шулай ук кешелеклелек, шәфкатълелек, сабырлык, сәнгатьле башкару кебек күркәм сыйфатлар тәрбияли. Музыкаль уеннар ярдәмендә бала тырыш, сәләтле, көчле нык ихтыярлы булып үсә. Кечкенә вакытта алынган хәрәкәтле музыкаль  уен күнекмәләре балаларга әйләнә- тирә мөхит белән тирәнрәк танышырга ярдәм итә. Халык уенары – җитезлеккә, көчкә, зирәклеккә сынау ул.

Балалар бакчасында сәламәтлек саклау технологияләрен куллану балаларның сәламәтлеген ныгыта, физик үсешенә югары тәэсир итә. Сәламәт бала гына барлык эшчәнлектә актив катнаша, шат, оптимист рухта, дуслары һәм тәрбиячеләр белән һәрвакыт аралашучан була.

Икенче кечкенәләр төркемендә төрле форма һәм үлчәмдәге кәгазь детальләрдән кечкенә фигуралар ясау күнекмәсен формалаштыру, кайчы ярдәмендә турыга кисү техникасын үзләштерүне дәвам итү. Кләй һәм кайчы белән эшләү күнекмәләрен ныгыту. Балаларның иҗади фикерләүләрен, иҗади сәләтләрен үстерү.

Гаилә һәм мәхәббәт көне уңаеннан " Әниләр һәм без " исем астында уртанчылар төркемендә спорт уеннары оештырылды.

Рәсем ясау яшәеш башында күрү сәләтен арттыра. Бала «вертикаль» һәм «горизонталь»  төшенчәләрен өйрәнә. Аннан соң форманы, материалның ниндилеген, акрынлап әйләнә-тирәне өйрәнә башлый. Өйрәнгәнен, белгәнен сүз белән әйтә алмаганны бала рәсем аша «әйтеп бирә». Рәсем ясау күрү сәләтен, хәрәкәтләнүне генә арттырып кына калмыйча яшәеш, дөнья турындагы күзаллауларын арттыра.