Мәктәпкә әзерлек төркеме балалары юл йөрү кагыйдәләрен өйрәнү буенча белемнәрен ныгыту максатыннан әңгәмәдә катнаштылар, сорауларга җавап бирделәр, соңыннан рәсем буядылар.

Бүген яшь тәрбиячебез Гөлзада Гавис кызы "Карлыгач" балалар бакчасында узган август конференциясенең секция утырышында катнашты.  Әлеге семинар "Мәктәпкәчә белем бирүне цифрлаштыру. Россия халыкларының мәдәни мирасы елында этномәдәни проектларны гамәлгә ашыру" темасы астында узды.

Бүген ЮХИДИ хезмәткәре Ситдыйкова Алсу Рәзин кызы җитәкчелегендә мәктәпкә әзерлек төркеме балалары "Атлаучы автобус" акциясе үткәрделәр. Акция барышында балалар юл йөрү кагыйдәләре буенча белемнәрен ныгыттылар, машина йөртүчеләргә һәм җәяүлеләргә юл хәрәкәте кагыйдәләрен белү кирәклеге турында аңладылар. Шулай ук машина йөртүчеләргә алдан әзерләнгән бүләкләр тапшырылды.

Бүген зурлар төркеме балалары Россия Федерациясенең Дәүләт флагы көнен билгеләп үтте. Әңгәмә барышында балалар Дәүләт флагының бик тә зур әһәмияткә ия булуын, аны безне берләштерүен, көч бирүен белделәр.

Иртәнге гимнастика баланың иртәнге йокысыннан торганнан соң сулыш, кан йөрешен, нерв системасының тонусын нормалләштерә, ашказанындагы һәм организмдагы матдәләр алмашын үзләштертә. Көндәлек гимнастика, икенче төрле әйкәндә, зарядка, баланың физик һәм уйлау-фикерләү сәләтен үстерә, шулай үк ата-анасыннан соң кәефсез калган баланың кәефен күтәрә, шулай ук шук булган балаларны дисциплинага өйрәтә, оялчан баланы активрак булырга ярдәм итә.

Икенче кечкенәләр төркеме балалары электрның кайда яшәве һәм  ничек ярдәм итүе турында белделәр, һәр йортта ничек барлыкка килүе турында күзаллауларын киңәйттеләр. Электр лампочкасы һәм аның төзелеше белән таныштылар.

Мәктәпкә әзерлек төркемендә балалар "Шофер" сюжетлы-рольле уенын уйнадылар. Уенның максаты: балаларны машина йөртүче һөнәре белән таныштыру,аның эшенең кирәклеген, әһәмиятен аңлату. Аңа кирәкле эш кораллары: машина һәм аның идарә итә торган өлешләре белән дөрөс эш итә белүне үстерү. 

Икенче кечкенәләр төркемдә тематик көн кысаларында «Дустыңа елмаю бүләк ит» акциясе оештырылды. Елмаю - ул бүләк, аны сатып алып булмый, аның каравы бүләк итәргә була. Елмаюлардан бар дөнья ямьлерәк һәм җылыракка әйләнә. Балалар үз куллары белән ясаган елмаюларны бер-берсенә бүләк иттеләр.

Саф хавада балалар комда уйнарга яраталар. Комлыктагы уеннар логик фикерләүне үстерә, үҗәтлек һәм нәтиҗәгә ирешү омтылышына нигез сала. Комлыкта уйнаган вакытта сабый казынып кына калмый, ул бөтен игътибарын шуңа юнәлтә, мавыгып, ул хәтта үз-үзе белән сөйләшә. Комлыкта уеннар фантазияне дә үстерә.

Җәйге ял һәм сәламәтләндерү чорында балалар күбрәк ирекле уеннар уйныйлар. "Әлли-бәлли" җыры астында бала йоклату.