2015 ел - Парклар елы.  ямьле язлар җитәр, карлар эрер. Елдагыча агачар утыртырбыз, булганнарын сакларбыз. Ә элегә парклар турында сөйләшәбез.

   27 март көнне авыл китапханәсендә 7-9 класс укучылары өчен "2015 ел - парклар елы" дигән кичә оештырылды. Кичәне авыл китапханәсе мөдире В.Мостафина әзерләде.  Эчтәлекле чыгыш әзерләгән иде ул. Класс җитәкчеләре Г.Д.Касимова, А.Т.Ахмадуллина Парклар елы уңаеннан үзләренең информацияләре белән таныштырдылар. Кичәнең Резолюциясе итеп, мәктәп янында элеккеге склад урынында сквер ясарга дигән карар кабул ителде. 

   Кичә дискотека белән тәмамланды.

    Арча укучылар сараенда 25март көнне укучылар Думасының чираттагы җыены булды. Дума депутатлары бүгенге көндәге иң актуаль мәсьәләләр буенча фикер алышулар үткәргәннәр, төрле авыр ситуацияләрдә  калган кешеләргә ничек  ярдәм итеп булу юлларын караганнар. Җыен  эшлекле уен формасында алып  барылган.

          25 март көнне, Арча укучылар сараенда, “Нур” телестудиясенә һәм “ Тукай якташлары” түгәрәгенә йөрүче укучылар тележурналист Данил Гыйниятов белән  очраштылар. Очрашу  барышында  укучылар  үзләрен кызыксындырган сорауларны бирделәр һәм журналистика буенча төпле киңәшләр тыңладылар. Очрашу бик эшлекле характерда үтте.  Данил Гыйниятовның гади һәм ачык  күңелле  булуы укучыларга аеруча ошаган.

   20 март көнне мәктәптә "Рәхим ит, Нәүрүз!" дип аталган тамаша оештырылды. Тамашаны педагог-организатор Г.З.Касыймова оештырды. Театральләшкән тамашада "Нәүрүз" бәйрәменең килеп чыгышы, у бәйрәмдә була торган йолалар белән таныштык. Кыш һәм Яз "тарткалашканы", Язның Кышны җиңүен 7 класс укучысы Р.Гильметдинова һәм 8 класс укучысы Д.Зайнуллин бик оста күрсәттеләр. Бәйрәм "карга боткасы" ашау, төрле уеннар уйнау белән тәмамланды. 

22тмарт көнне бер төркем укучылар Яңа Кырлай авылында булып узган "Нәүрүз" бәйрәмендә булып кайттылар. Милли традицияләрнең безнең як тарихы белән бәйле театрлашкан тамаша караганнар. Төрле уеннарда катнашканнар, музейда булганнар.  Мөселманнар бәйрәменең русча булуы гына укучыларда ике төрле фикер калдырган.

   Районда "Бөек Җиңүнең 70 еллыгына - 70 оя" акциясе игълан ителгән иде. Мәктәп укучылары бу акциягә бик теләп кушылдылар.  Ташкичү, Мәмсә, Симетбаш мәктәпләреннән 86 кош оясы ясады. Шул оялар арасыннан 3 класс укучысы Хакимзянова Рәшидәнең оясы иң оригиналь дип табылды һәм район конкурсына җибәрелде. Бу ояны ясауда Рәшидәгә әтисе Рөстәм булышкан.

   20 март көнен мәктәп укучылары түземсезлек белән көтеп алды. Чөнки бу көнне безгә "Ялкын" журналы хезмәткәрләре килергә тиеш иде. Ниһаять, кунаклар килеп җитте! Башта очрашу үткәрдек. Аннан соң шигырь, хикәя язу, рэп, фотосүрәт төшерү сәнгате буенча мастер-класс оештырылды. Укучылар бик канәгать калды.

                 Әлифба, Әлифба!

              Беренче битеңне 

             Ачкан көн хәтердә.....

    Ә бүген Әлифбаның соңгы битен ачтык. Күп нәрсәләргә өйрәттен син безне, Әлифба! Башта куркып кына ачкан идек. Бүген зур текстлар укырга, аңларга өйрәндек. Табышмакларга җаваплар табабыз, мәкальләр, әкиятләр укый беләбез.  Безнең алда зур бурычлар - зур томнар уку! 

   Бүген 6 класс укучылары өчен авыл китапханәсе  белән берлектә сугыш чоры баласы Мөнирә апа Габидуллина белән очрашу үткәрелде. Мөнирә апа сугыш чорында күргән авырлыклар, хәзерге тормышның матурлыгы турында сөйләде.        Мөнирә апаның балачагы, яшьлеге сугыш чорына, сугыштан соңгы авыр елларга туры килгән.

    -Бервакытта да хезмәттән курыкмадым. Шуңа күрә хезмәтемне бәяли дә белделәр!-дип сөйләде ул балаларга. Ялгыз яшәсә дә, инде яше 80 нән артып китсә дә, сыер тота. Хайваннарны бик яратуы турында да әйтеп үтте.Тынычлыкның кадерен белергә, укучыларга тырышып укырга кирәклек турында белдерде.

   Бүген Крымның Россиягә яңадан кушылуына 1 ел. 2014 нче елның 18 мартында булып узган Референдумда Крымда яшәүче халыклар Россиягә кушылырга теләкләрен белдерделәр. Шушы уңайдан мәктәптә класс сәгатьләре булып узды. Класс җитәкчеләре Крым ярымутравы, табигате, халкы турында кызыклы материаллар бирделәр. Өйгә кайткач, телевидение тапшыруларында булган яңалыклар, халыкларның бәйрәм итү тантаналарын анализларга тәкъдим ителде.