Электронное образование Республики Татарстан

Внеурочное занятие «Разговоры о важном», посвященное Дню знаний.

Хөрмәтле укытучылар, кадерле остазларыбыз, укучылар һәм әти-әниләр! Сезне чын күңелдән 1нче сентябрь – Белем бәйрәме белән котлыйбыз! Белем бәйрәме кеше тормышындагы иң зур бәйрәмнәрнең берсе, һәм ул аны гомере буе матур хәтирә булып озата бара. Күңелләрдә сөенеч, йөзләрдә шатлыклы елмаю балкый. Мәктәбебездә дә Белем бәйрәме бик матур узды.  Мәктәп директоры Г.Р.Сабирзянова, Ташкичү авылы җирлеге башлыгы, Арча районы Советы депутаты Р.Х.Хабибуллин, мәктәбебездә озак еллар мәктәп директоры булып эшләгән, ветеран укытучыбыз Р.И. Насибуллина, авылыбызның имам-хатыйбы Р.Т.Галәветдинов , әти-әниләр укучыларны бәйрәм белән котлап, матур теләкләрен җиткерделәр. Хөрмәтле дуслар! Әйдәгез, яңа уку елына зур өметләр, якты хисләр белән аяк басыйк. Мәктәбебез һәрвакыт белем учагы, җылылык һәм дуслык урыны булып калсын.

Бүген безнең мәктәп коллективы шулай ук Арча шәһәрендәге ярминкәдә дә катнашты. Ярминкәбез үзенчәлекле, матур булып аерылып торды, чөнки ул «Халыклар бердәмлеге елы»на багышланган иде: туган ягыбызда яшәүче төрле милләт вәкилләренең бердәм булып, бер‑берсенә ярдәм итеп яшәүләрен күрсәтеп торды. Үзебезнең хезмәт җимешләребезне нәкъ менә шушы ярминкәдә тәкъдим иттек. Бу матурлыкны тутырган һәрбер кешегә бик зур рәхмәт!