Бүген мәктәптә "Космоска юл" дип аталган класстан тыш чара үткәрелде. Чараны физика укытучысы М.М.Гайфуллин оештырды. Ул космос, аны өйрәнү һәм әһәмияте турында сөйләде. Ул презентацияләр ярдәмендә укучыларның белемнәрен аттыру өстендә эш алып барды.

      Бүген мәктәптә ата-аналарның читаттагы җыелышы булды. Ул "Хезмәт тәрбиясе - көн кадагындагы мәсьәлә" дигән тема астында узды. Хезмәт итү, бүгенге көн хезмәт базарына кирәкле профессияләр, мәктәптә хезмәт тәрбиясе куелышы турында сөйләшенде.

    Җыелышка Я.Кенәр авылы пожар часте җитәкчесе Х.Х.Ахметов та чакырылган иде. Ул язгы чорда янгын куркынычсызлыгы турында сөйләде.

   Мәктәптә космонавтика көненә карата әзерлек эшләре бара. Башлангыч класс укучылары тырышып-тырышып космик корабль макетлары ясый, рәсем конкурсы өчен рәсемнәр ясый. 8 класс укучылары Ю.Гагарин, С.Королев, Циалковский биографияләрен өйрәнә, беренче спутниклар очышы турында материаллар туплый. Китапханәдә китап күргәзмәсе эшли. 10 апрель көнне укучыларга космоска чыгу турында документаль кино күрсәтеләчәк.

   9 класс укучыларын дәүләт имтиханнарына системалы әзерләү буенча эш дәвам итә. 7 апрель көнне математикадан сынап карау имтиханнары оештырылды. 6  апрель көнне Яңа Кенәр мәктәбендә узган сынап карау имтиханнары нәтиҗәләре анализланды, укучылар белән һәрбер эш җентекләп карап чыгылды, аңлатылды.

   тагын җиргэ язлар килде. Кар китүгә, эшләр чыга. Быел яз иртә килә дисәләр дә, эле җирдә карлар ята. Шулай да дәрестән соң мәктәп тирәсен кардан чистарту буенча эш алып барабыз. Март аенда ук канаулар казыдык. Шимбә көнне кар тарату буенча өмә үткәрелде. Бүген запас ишекләр тирәсен яңадан кардан арчыдык.

В соответствии с приказом МО и Н РТ №1518/15 от 13.03.2015 г. «О проведении единого республиканского тестирования по предмету «Татарский язык» для обучающихся 9 классов общеобразовательных организаций Республики Татарстан, изучавших татарский язык как родной или государственный, в 2015 году,  2 апреля обучающиеся  9 класса приняли участие в тестировании по татарскому языку.

   Язгы каникуллар узып та китте. План нигезендә мәктәптә дәүләт имтиханнарына әзерлек тә, Парклар елы уңаеннан ачык чара да, спорт ярышлары да уздырдык. Буш вакытта һәрбер класс укучысы каен бөресе дә җыйды. Норма итеп башлангыч классларга 5 шырпы тартмасы, 5-9 классларга 10 шырпы тартмасы каен бөресе җыю бурычы куелды.1 класс укучысы Саттаров Салават әти-әнисе белән бергә 58 шырпы тартмасы , 8 класс укучысы Хайретдинов Рамил 55 шырпы тартмасы каен бөресе җыйган. Бу бөреләрдән шифалы дарулар ясалыр. Бөре җыю эле дә дәвам итә.

   Мәктәп укучылары район, республика күләмендә уза торган акция, конкурсларда теләп катнашалар. Рәсем буенча Бөек Җиңүнең 70 еллыгына багышлап оештырган "Җиңү юллары буйлап" дип аталган рәсем конкурсында катнашып, 5 класс укучысы Галяутдинова Ралина махсус бүләк иясе булды. Котлыйбыз, Ралинә!

 Балалар бакчасында тәрбияче Валиева Марина рус теле фәне буенча ачык шөгыль күрсәтте. Шөгыльдә балаларның белемнәре ныгытылды, яңа күнекмәләр бирелде. Тәрбияче балаларны кызыксындыру өчен төрле эш алымнары кулланды. Балалар бик актив катнаштылар. 

    Каникул чорында да 9 класс укучылары ОГЭга әзерләнүләрен дәвам итәләр. График нигезендә, укучылар математика, русский язык, татар теле, биология, химия фәннәреннән каникул чорында консультаөияләргә йөрделәр. Укытучылар укучыларга индивидуаль, группаларда эшләргә мөмкинлекләр бирделәр. Укучылар укытучылардан кызыксынган сорауларына җаваплар алдылар, белемнәрен ныгыттылар.