Бүген, 8 декабрь көнне, мәктәп укучылары Яңа Кенәр авылында урнашкан реабилитацҗон үзәгендә кунакта булдылар. Алар Бөек Ватан сугышы чорында бала булган, "Сугыш чоры балалары" кысаларында уза торган акцияне тормышка ашыру максатыннан, очрашуда катнаштылар. Алар үзәктә ял итүчеләргә Р.Батулланың "Кичер мине, әнкәй" спектаклен тәкъдим иттеләр. Спектакльдә кузгалтылган проблемалар тамашачыларны дулкынландырды. Алар, зур рәхмәтләр әйтеп, безне озатып калдылар.

 5 декабрь көнне информатика һәи ИКТ укытучысы 7-9 класс укучылары өчен "Час кода в России" дәресе оештырды. Бу дәрестә укучылар киләчәктә компьютер, Интернетның әһәмияте, киләчәктә кирәк профессияләр турында сөйләштеләр. Укытучы укучыларны уйланырга этәрде , тормышта үзеңне табарга ярдәм итү буенча киңәшләрен бирде.

       3 декабрь     көнне 1, 4, 5, 7 класс  укучылары  Яңа Кишет  мәктәбенә  Советлар Союзы  герое  Гани    Сафиуллин  музеена   экскурсиягә  бардылар.  Алар   бу  чара  барышында,  күп  мәгълүмат  туплап , геройның  тормыш  юлы, аның  батырлыклары   турында  ишетеп, андагы  экспонатлар  белән  танышып кайттылар.  Бөек Җиңүнең 70 еллыгына карата багышланган бу сәяхәт  укучылар өчен  бай эчтәлекле, тәрбияви чараларның берсе булды. 

       30 ноябрь көнне  Ташкичү  мәдәният  йортында  “Әниләр  көне”нә  багышлап  зур  чара  уздырылды.  Кунакка  килгән  әниләрне ишек  төбендә “SаMоSтоятельные  дети”  төркеме   каршы  алды. Алар  килгән  кунакларны  бәйрәм  белән  котлап    йөрәк – открыткалар  бүләк  иттеләр. Ә тамаша  залында,   Ташкичү  төп гомуми белем  мәктәбенең 7 – 8 класс укучылары  тарафыннан әзерләнелгән  Рабит Батулланың “ Кичер мине  әнкәй ” әсәре   сәхнәләштерелде.  Спектакль барлык  тамашачыларның  да күңеленә  хуш  килде. 

          25 нче  ноябрь көнне  мәктәбебездә  “ Сәламәт  ана – сәламәт  бала” дип аталган  акция  үткәрелде.   Ташкичү төп гомуми белем  мәктәбенең “SаMоSтоятельные  дети” проектында катнашучы укучылар  акция үткәрү  өчен  зур  плакат,   котлау  сүзләре  ясалган йөрәкләр, “ Синең  исерткеч  эчемлекләргә  һәм  начар  гадәтләргә  карашың нинди?”   дигән темага  анкеталар һәм  сары төстәге  тасмалар  әзерләделәр.  

     Традиция буенча мәктәптә 5 нче класс укучылары кошларны өстәмә тукландыру оештыралар. Бу эшне алар класс җитәкчеләре Ф.Ф.Хабибуллина белән башлап җибәрделәр. Башта кошларга җимлек ясадылар, ул җимлекләргә конкурс оештырдылар. Кыш буе кошларга тукланырга урын булды! Шәфкатьле булыгыз, балалар!

              Мәктәптә Бөек җиңүнең 70 еллыгын каршылау буенча эш дәвам итә. Китап күргәзмәсе, “Герой-пионерлар”, “Якташ – геройлар” темаларына стендлар яңартылды. Даими рәвештә беседалар үтә.

        20 нче ноябрь көнне Буа шәһәренең академик Р.З.Сәгъдиев исемендәге урта гомуми белем бирү мәктәбендә нәкъ менә шул исем астында мәктәп укучылары арасында төбәкара фәнни-гамәли конференциянең финал өлеше узды. 

    Ноябренең 2 нче атнасы  мәктәптә “Бозлан саклан” акциясе белән башланып китте. “SаMоSтоятельные дети” проекты активистлары мәктәптә бозда йөрү, бозның куркыныч булуы турында укучыларга беседалар үткәрделәр, сорашу-анкета үткәрделәр. Укучыларны кызыксындырган сорауларга җаваплар бирделәр.

     2014 нче елның 14 ноябрендә мәктәптә ата-аналар җыелешы булып узды. Бу җыелышта 1 нче чирек йомгаклары, ОГЭга әзерлек торышы, җинаятьчелекне булдырмау турында сөйләшү алып барылды.