Бүген мәктәбебездә 9 май - җиңү көненә багышланган рәсем һәм кул эшләнмәләреннән күргәзмә оештырылды.

5нче А сыйныфы беркетелгән ветеран белән тыгыз элемтәдә тора. Балалар Венера Хади кызына көнкүреш эшләрдә булышсалар, ветеран да укучыларга ярдәмгә ашыкты. Ул үзенең китапханәсен укучыларга бүләк итте. Шулай ук макалатура җыюда да үзенең өлешен кертте. 

28 апрель көнне Арча стадионында җиңел атлетика буенча беренчел профосоюз оешмалар арасында ярышлар узды. 40 яшьтән соң 400 метрга йөгереп физкультура  укытучысы Рифат Сунгатович беренче урын алды.  40 яшькә хәтле 800 метрга йөгереп инглиз укытучысы Гиззатова Э.Р. өченче урын алды. Киләсе ярышларда да уңышлар телибез!

Бүген укучылар һәм укытучылар  мәктәп территориясендә  һәм мәктәп яны  участогында өмә ясадылар

  27нче апрельдә мәктәп укучылары арасында Г.Тукайның юбилеена багышланган шигырь бәйгесе уздырылды. Укучылар яраткан шагыйребезнең әсәрләрен сәхнәләштереп, шигырьләрен сәнгетьле итеп яттан сөйләделәр. Бу бәйгедә балалар бакчасында тәрбияләнүче балалар да актив катнашты. Бу чара белән Тукай атналыгы тәмамлана. Алда җиңүче һәм  актив укучыларны котлау, дипломнар белән бүләкләү көтә.

Бүген мәктәптә Экологик культура һәм тирә якны саклау елы кысаларында  һәм Җир Хартиясе тормышка ашырыла башлавына 15 ел тулу уңаеннан сыйныф җитәкчеләре «Җир хартиясе-2016» көненә багышланган  «Җир – уртак йортыбыз» дип исемләнгән әңгәмәләр уздырдылар. Ә мәктәп волонтерлары җитәкчесе белән берлектә мәктәп каршы участогында агачлар утырттылар. 

Бүген, "Сәләт" 3 нче номерлы мәктәп - балалар бакчасында "Ачык ишекләр көне" булды. Тәрбиячеләр һәм балалар катнашындагы чараларны әти-әниләр кызыксынып карадылар. Гарәп теле түгәрәге буенча; чиста сөйләм күнекмәләрен үстерү, ныгыту һәм камилләштерү буенча; танып-белү үсеше буенча зурлар һәм кечкенәләр төркемнәрендә "Математика иленә сәяхәт"шөгыле булып узды. Бу чараларда балалар белемнәрен күрсәттеләр һәм бик теләп катнаштылар. Әти-әниләр өчен дә бу чаралар кызыклы булды. 

Бүген 5 нче А һәм 5 нче Б сыйныф укучылары Г.Тукай иҗатына багышлап үткәрелгән КВНда үзләренең көчләрен, белемнәрен сынадылар. Ике команда арасында дуслык җиңде! КВН барышында олуг шагыйребезнең көйгә салынган җырлары тыңланылды һәм традицияне бозмыйча кичә "Туган тел" җыры белән тәмамланды.

Сәгъдиева Алсу Әмирҗан кызы 5 нче "А" сыйныфында (рус төркеме) Г. Тукай "Су анасы" әкият - поэимасының тәрбияви әһәмияте" темасы буенча, Юсупова Гөлназ Фәгаль кызы 5 нче "Б" сыйныфының татар төркемендә "Г.Тукай әсәрләре аша архаизмнар, сүз ясалышын кабатлау" (интеграль дәрес) темасы буенча ачык дәресләр күрсәттеләр. 4 - 5 нче сыйныфлар арасында Г.Тукайның тормыш юлы иҗатына багышланган фәнни - тикшерү эшләре алып барылды. Бүген презентация ярдәмендә, укучылар үз эшләрен якладылар.