19 май көнне Арча шәһәренең  Үзәк стадионда бик зур спорт чарасы узды. Балалар бакчасының өлкән һәм әзерлек төркемнәренең  тәрбияләнүчеләре ГТО нормаларын тапшырдылар.  Безнең балалар да бу чарада актив катнаштылар һәм яхшы нәтиҗәләр күрсәттеләр.

 Бүген безнең ике укучыбыз район күләмендә уздырылган  асфальтта рәсем конкурсында катнаштылар.  Һәм Мөхаммадеева Мәдинә “Татарстан Республикасында   елга су саклау зоналары”  номинациясендә 1 урын, Мөхәммәтҗанова Исламия “Юл йөрү кагыйдәләрен бел” номинациясендә 3 урын яуладылар. 

   Быел безнең мәктәптә барлык балалар да  ике көндәлеккә ия булдылар – аларның берсе уку фәннәре буенча төп көндәлек булса, икенчесе “Сыйныф укучысының мәдәни көндәлеге” иде.    Уку елы дәвамында көндәлектәге мәгълүмат ярдәмендә укучылар Татарстанның мәдәни объектлары белән таныштылар, мәдәният учакларына барып кайткач, хатирәләрен, хис-кичерешләрен көндәлеккә яздылар.

“Сәләт” 3 нче мәктәп – балалар бакчасында нәниләр һәм зурлар төркемендә “Гаилә көне”нә багышланган чара булып узды. Чарага балалар гаилә әгъзаларының сүрәтләрен ясап алып килгәннәр иде. Шулардан “Кемнең рәсеме иң матур?” дигән конкурс уздырылды. Һәр бала үзе тәрбияләнгән гаиләсе  турында сөйләде, тәрбияче апаларның табышмакларына җаваплар тапты, гаилә турында мәкаль – әйтемнәр өйрәнде. Аргач, вак моториканы ныгыту өчен, бармак гимнастикасы уздырылды. Алга куелган максатка ирешелде дип уйлыйбыз, чөнки балалар үз гаиләләрен яраталар, әти – әниләрнең һөнәрләрен беләләр, үзләре турында, киләчәккә хыяллары турында да матур итеп сөйләделәр.

ЮХИДИ    хезмәтенә  80 ел тулу  уңаеннан безнең мәктәптә кул эшләре күргәзмәсе  оештырылды.

Бүген, 13 май көнне, Татар халкының Бөек шагыйре Г.Тукайның туган авылына республика күләм җәяүле поход безнең мәктәбебез базасында сәяхәтен башлап җибәрде.Безнең укучыларыбыз кунаклар  алдында  Г.Тукайның әсәрләре буенча әзерләнгән кечкенә генә чыгыш ясадылар.

Мәктәбебездә  “Арчаның Казансу елгасы буе һәм стадион паркының бүгенгесе һәм киләчәге” дигән проект буенча семинар уздырылды. Семинарга шәһәр активистлары, җирле ширкәтләрнең вәкилләре, спорт һәм иҗат берләшмәләре, шәһәр чараларын оештыручылар, эшмәкәрләр һәм яшь әти—әниләр чакырылган иде.

10 май көнне мәктәбебезнең 4 сыйныф укучыларын Татарстан Варислар берлеге сафларына кабул итү тантанасы булып үтте. Укучылар варислар законнарын төгәл үтәргә, тырышып укырга, эшләргә өлкәннәрне хөрмәт итәргә тантаналы төстә ант иттеләр.