Электронное образование Республики Татарстан

16 апрельдә безнең мәктәптә Бөек Ватан сугышында Җиңүнең 80 еллыгына багышланган “Хәтер исән“ дип аталган матур очрашу узды. Анда район башкарма комитеты җитәкчесе урынбасары Эльвира Шамилевна Вафина, район Иҗтимагый советы рәисе Надия Равилевна Мифтахетдинова, ветераннар, кунаклар катнашты. Билгеле булганча, Бөек Ватан сугышы елларында әлеге мәктәп нигезендәге бинада эвакогоспиталь урнашкан була. Анда сугышта яраланган совет сугышчыларын, соңрак әсир төшкән дошман солдатларын дәвалыйлар. Очрашу истәлекләр, балалар чыгышлары белән аралашып барды.

Арчадагы әдәбият hәм сәнгать музее бинасының 140 еллык тарихы бар. Озайтылган көн төркеменә йөрүче балалар нәкъ тә шул музейга кунакка барды. Аларны ишек төбеннән үк музей директоры Дамир Зиннәтулла улы каршы алды. Ул укучыларга бу музей турында бик кызыклы мәгълүмат бирде. Балалар гына түгел, тәрбиячеләр дә кызыксынып тыңлады. Бүген татар халкының бөек шагыйре Габдулла Тукайның бу дөнья белән хушлашкан көне . Бу очрашу шул уңайдан оештырылган иде.

12 апрельдә Космонавтика көне билгеләп үтелә. 1 Б сыйныфы укучылары өчен педагог-оештыручы Р.Т. Шакирова һәм тәрбия эшләре буенча директор киңәшчесе Э. Р. Фатыйхова тарафыннан «Планеталар парады» исеме астында сыйныф сәгате үткәрелде. Укучылар йолдызлар, планеталар һәм космик ачышлар дөньясына чумдылар, ә аннары пластилиннан Кояш системасының үз модельләрен булдырдылар.Чара 12 апрельнең ни өчен космонавтика көне буларак билгеләп үтелүе турында сөйләүдән башланды. Балалар бу көнне 1961 елда Совет космонавты Юрий Гагаринның кешелек тарихында беренче тапкыр «Восток-1» кораблендә космоска очуын белделәр. Әңгәмәдән соң иҗат итү вакыты җитте. Оештыручылар җитәкчелегендә балалар үзләренең Кояш системасын пластилиннан ясый башладылар. Балаларның һәркайсы, төсләрен һәм зурлыкларын саклап, бик тырышып планеталар ясады: Меркурий, Венера, Җир, Марс, Юпитер, Сатурн, Уран һәм Нептун. Мондый тематик чаралар укучыларда патриотизм һәм үз илең өчен горурлык хисе формалаштыра.