Кояшлы, матур көнне лагерь күп вакытын  кызыклы, төрле уеннар белән  саф һавада үткәрә.

Бүген, 01.06.2016 көнне, мәктәбебез  "Сәләт" лагере күңелле генә ачылып китте. Лагерьда 85 бала ял итә. 

Бүген безнең укучыларыбыз балаларны яклау көненә багышланган  район күләмендә уздырылган велопробегта катнаштылар. 

Укучыларның дәрестән тыш вакытларын, каникулларын хәвеф-хәтәрсез уздыру – укытучыларның һәм ата-аналарның бурычы. Бүгенге алга киткән җәмгыять шартларында гаилә, мәктәп, хокук саклау органнары бердәм булса гына балаларыбызны ялгышулардан саклап кала алабыз. Мәктәп укучыларын җәйге каникулларга җибәрер алдыннан, тормыш куркынычсызлыгы кагыйдәләрен өйрәнү буенча класс сәгатьләре уздырылды. Анда пожар куркынычсызлыгы, юлда йөрү кагыйдәләре, өйдә үзең генә булганда, чит кешеләр белән очрашканда үзеңне ничек тотарга кирәклеге турында аңлатылды.

Бүген 5 сыйныф укучылары В.П.Энгальгард исемендәге астрономик обсерваториягә барып кайттылар.

Бүген  мәктәптә педсовет утырылышы булып узды. Анда "Соңгы кыңгырау",  икенче сыйныфка күчерү турында сәйләшү алып барылды.

20 нче майда мәктәптә уку буенча артта калучы һәм хокук бозучы укучылары профилактика Советына чакырдылар. Анда мәктәпнең администрациясе,  педагогик составы, ата – аналар  һәм мәктәп инспекторы катнашты. Советта күтәрелгән мәсьәләләр бик озак каралды, чөнки мәктәпнең  балаларга ярдәм итәргә теләкләре зур. Һәм балаларга җәй көне дә тәртипне бозмаска дип кисәтү ясалды.

20 нче май көнне мәктәбебезнең 1 сыйныф укучыларын Татарстан Варислар берлегенең карлыгачлар сафына кабул итү тантанасы булып үтте. Укучылар карлыгач законнарын төгәл үтәргә, тырышып укырга, эшләргә, өлкәннәрне хөрмәт итәргә тантаналы төстә ант иттеләр.