Буген, безнең мәктәптә,  башлангыч сыйныф  укытучылары  өчен "Федераль дәүләт белем бирү стандартлары шартларында укытучыларның шәхси һәм һөнәри үсешен камилләштерү"  темасына багышланган семинар булып узды. 

Бүген мәктәбебездә "Фәнгә беренче адым" исемле фәнни - тикшеренү конференциясе  узды. 

Кешене яхшылык эшләргә иртәрәк, балачактан үк өйрәтергә кирәк. Без мәктәпнең укучыларның кем буласын белмибез, ләкин ышанып әйтә алабыз, алар һәрвакыт яхшылык  эшләрләр. Чөнки мәктәптә тимурчылык эшендә катнашып үсәләр. 5 нче б сыйныф укучылары сыйныф җитәкчесе, мәктәп директоры Фатыхова Л.Р. белән педагог - пенсионер Рахматуллина Г.Г га тимурчылык ярдәме күрсәтергә бардылар.

Балалар китабы атналыгы уңаеннан 1 нче В сыйныфында кече яшь балалары өчен китапханә дәресе үтте.Укучылар китап төзелеше белән танышып киттеләр. Юбиляр язучыларның китаплары белән таныштылар, үзләре белгән шигырьләрен яттан сөйләделәр. Китапханәче  Лилия Фатхуллина 1 нче сыйныф укучыларын китапханәгә кунакка чакырды.

Мәктәптә волонтерлар  кәрү ходына "Кәеф агачы " ясадылар, балалар шуңа  кәеф смайллары ябыштырдылар һәм плакатлар белән фотога төштеләр.

Безнең "Сәләт" балалар бакчасы мәктәпкә әзерлек төркемендә "Нәүрүз" бәйрәме булып узды.

Бәйрәм 1 нче сыйныф укучыларын, мәктәп хезмәткәрләрен бәйрәм белән котлау, бүләк җыю, бәйрәмгә чакыру белән башланып китте.Гармун тавышы, балаларның шат йөзе, котлаулары күңелләрне җилкендереп җибәрә, ирексездән биесе килә башлый.

Күркәм бәйрәмебез бәйрәмчә бизәлгән тамашачылар залында дәвам итте. Күңелле бию,җыр, шигырьләр, уеннар белән үрелеп барды. Бәйрәмнең төп кунаклары Нәүрүзбикә белән Кыш бабай көч сынаштылар. Бәйрәм ахырында балалар карга боткасы, коймак белән чәй эчтеләр, Нәүрүзбикәне яз хакимлек итүе белән котлап, уңышлар теләп озатып калдылар.  

Бүген безнең мәктәп базасында  "Искиткеч айдаман" конкурсының район этабы узды.

30 нчы март көнне Габдулла Кариев исемендәге театр артистлары башкаруында  "Супер Светофор" дип аталган  юл йөрү кагыйдәләренә багышланган балалар  өчен  спектакль булды. Спектакльне зур кызыксыну белән балалар бакчасында  тәрбияләнүчеләр һәм мәктәпнең 1 нче сыйныф укучылары карады.Ике як та канәгатьләнү алып таралыштылар.

 Миннулина Азалия 5 сыйныф укучысы бөтенроссия "Пушкин укулары" дигән ачык иҗат бәйгесендә катнашты һәм җиңүче булып кайтты. Укытучысы Габдельбарова Д.М. Котлыйбыз аларны!!!

Бөек шагыйребез Габдулла Тукайның 130 ел булу уңаеннан безнең балалар бакчасында  тәрбияләнүчеләр өчен Г.Тукай әсәрләре буенча конкурс булачак. Конкурс 22 нче марттан 1 апрельгә кадәр дәвам итәчәк. Конкурска  нәтиҗә  9 нчы апрельдә ясалачак. Актив катнашучы  балалар  бүләкләнәчәк.