Дустың бар икән – таянычың бар дигән сүз. Зур хәзинәләрең, байлыкларың булып та, чын дустың булмаса, яшәүнең яме булмый. Сезнең дусларыгыз гомерлек булсын, аларның кадерен белегез!!! Башлангыч сыйныфларда "Кеше дуслык белән көчле"дигән темага  сыйныф сәгатьләре узды.

Бүген балалар өчен, Арча муниципаль районы башлыгы елкасы үтте. Кечкенәләр өчен фоеда бик матур тамаша белән башланып  китте бәйрәм. Кар Патшабикәсе hәм Эльфлар балаларны биеттелләр дә, җырлаттылар да. Ахырдан залда К. Тинчурин театры артистлары "Али Баба hәм өч карак" дип исемләнгән әкият-тамаша тәкьдим  иттеләр.

      Бүген мәктәптә чыршы бәйрәмнәре башланды. Башлангыч класс укучылары чыршы тирәсендә уйнадылар, җырладылар, Кыш бабайга һөнәрләрен күрсәттеләр. Быелгы Чыршы бәйрәменең үзенчәлеге шунда - бәйрәм әти-әниләрсез, читтән кунакларсыз уза.

Укучыларыбыз яңа ел чыршысын бизәү өчен уз куллары белән, күңел җылыларын биреп бик матур гирлянда эшләделәр.

"Яңа ел тәрәзәләре" Бөтендөнья акциясе 18 декабрьдән 31 декабрьгә кадәр онлайн-флешмоб формасында уза. Кушылыгыз!!!

Бөтенроссия әниләр көненә багышланган "Минем яраткан әнием" балалар рәсемнәре район конкурсы нәтиҗәләре билгеле булды. Мәктәбебез укучылары да әлеге бәйгедә актив катнашты hәм зур уңышларга иреште.

Бүген. РФ Конституциясе кйнендә, барлык класслар өчен әңгәмә үткәрелде. класс сәгатьләрендә Конституция турында сөйләделәр, кайчан закон кабул ителде, ул нәрсәләрне гарантияли. Әңгәмә ахырында укучылар барысы бергә РФ гимны башкардылар.

 Бүген укытучыларыбыз ветеран укытучылар белән бергә Татарстанның Балтач районы Чепья авылында урнашкан "Халыклар дуслыгы" музеена экскурсиягә бардылар.  Әлеге музей Татарстанда гына түгел, Россия күләмендә дә абруйлы ядкарханәләрдән санала.

Гарифҗан Галиев җитәкләгән "Халыклар дуслыгы" музеендагы экспонатлар белән танышырга бүген инде дөньяның төрле илләреннән-төбәкләреннән киләләр. 26 чит илдән кунаклар кабул иткән алар. Биредә 22 меңнән артык экспонат исәпләнә. 38 телдә язылган истәлеклэр китабы гына да 13 томнан тора! Музейда 10 зал бар, шуның бер залы Бөек Ватан сугышына багышлана. Заманында Гарифҗан абый үзендә сугыштан алып кайткан 133 ядкәр дә биредә урын алган.

Укытучыларыбыз сәяхәттән бик канәгать булып кайттыллар

И туган тел, и матур тел, әткәм-әнкәмнең теле! Дөньяда күп нәрсә белдем син туган тел аркылы. Иң элек бу тел белән әнкәм бишектә көйләгән, Аннары төннәр буе әбкәм хикәят сөйләгән. Бу шигырь юллары яшенә дә, картына да таныш. Әйе, бу - безнең бөек шагыйребез Габдулла Тукайның "И туган тел" шигыре....

И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.

Кичә без, укучылар һәм укытучылар, Кырлайга экскурсиягә бардык. Анда Тукай музеенда булдык. Музейда аның тормышы, иҗаты, мәхәббәт тарихы белән таныштык. Ул тоткан китаплар, үзе язган язмалар, газеталар белән таныштык. Сөекле шагыйребез йөргән сукмаклардан атлап, ул яшәгән нигезне күрү бәхетенә ирештек.

Укучылар Габдулла Тукай турында бик күп мәгълүмат белде. Кызганычка каршы, кечкенә Апушны ятимлек ачысы читләтеп үтмәгән. Ул бик яшьләй ятим калган. Сөекле шагыйребез дә якты дөнья белән бик яшьли саубуллашкан. Егерме алты ел гына гомер кичерүенә карамастан, ул татар халкының Бөек шагыйренә әверелә. Аның иҗаты - мәңгелек! Кырлайга бару безнең күбебезнең хыялы иде. Һәм бу хыял, ниһаять, тормышка ашты. Кырлай авылына сәяхәт итеп, Тукай эзләре буенча йөрдек. Музейның эчке һәм тышкы күренешенә, андагы скульптураларга сокландык.

Сөекле шагыйребез турында булган белемнәребезне тагын да камилләштердек. Музейга баруыбыз барыбыз өчен дә файдалы һәм нәтиҗәле булды.