Урамда яз җилләре исә, яз исе сизелә. Яз битләребезгә дә, хисләребезгә дә үзенең җылысын өрә. Яз үзенең сихри көчләре белән кешеләр күңеленә үк үтеп керә: җан, рухка ниндидер көтелмәгән куаныч иңәр төсле, бәхет-шатлыкка юл ачылыр сыман… Яз ул өметләр һәм аңлаешсыз ниләрдер көтү вакыты, омтылулар, ашкынулар вакыты… Язлар матур, дибез. Бәлки яз хатын-кызлар бәйрәме белән башланганга шулай матурдыр? Ә бәлки хатын-кызлар бәйрәмен үткәрү өчен нәкъ менә шундый матур яз көнен сайлау кирәктер? 

Бүген без  кызларыбызның тапкырлыкларын, уңганлыкларын һәм осталыкларын сынадык. "Ягез эле, кызлар!" бәйгесендә өч команда катнашты. Ә егетләребез аларны үзләренең матур җырлары, шигырьләре белән котладылар.

Биргән Ходай сезгә нечкә күңел,
Зирәк акыл, мулдан тапкырлык
Ир-ат җилкәләре сыгылырлык,
Авырлыкны җиңәр батырлык

Бәйрәмегез белән, гүзәл затлар,
Бәхет кояшыгыз сүнмәсен 

Җаннарыгыз тыныч булсын иде,

Кайгы-хәсрәт сезгә тимәсен!