Сөекле  шагыйребез Габдулла Тукай  халык күңеленә гаҗәеп бай, тирән мәгънәле иҗаты белән мәңгелеккә кереп калган. Үзенең кыска гына гомере эчендә  гасырлар буе саклана алырлык,    буыннан-буынга күчеп сөйләнерлек әсәрләр иҗат итә алган шәхес ул.

      Бүгенге  тәрбия  дәресендә  6 нчы сыйныф  укучылары Тукай эзләре буйлап  виртуаль   сәяхәттә  булдылар.  Габдулла   Тукайның  Казанда,  Кушлавычта,  Кырлайда  урнашкан  музейларына   күзәтү  шагыйрьнең   тормышы  һәм  иҗаты  турында  укучыларның  белемнәрен  арттырды,  кызыксынуларын  үстерде.               

И, Әлифбам, син тәүге фәннәрнең тәүге баскычы,

Син кадерле, син туган телемнең алтын ачкычы.

Кабатланмас балачак иленең иң зур бәйрәмнәренең берсе – Әлифба бәйрәме. Һәркемнең дә белем дөньясына беренче адымы Әлифбадан башлана. Димәк, Әлифба китабы озын гомерле, тирән мәгънәле, бәһасез байлык ул.

Класстан тыш чарада укучылар туган телебез,Әлифба турында шигырьләр сөйләделәр,җырлар җырладылар,биеделәр,башваткычлар чиштеләр,уеннар уйнадылар.

Бүген бездә зур тантана

Моңсу да ул, ямьле дә,

Әлифбабыз китә бездән-

Бу көн калыр хәтердә!

Галәм бик тә киң, зур вә серле, Тукай әйткәндәй, күктә ни булмас дисең син, очсыз-кырыйсыз күк бит ул… Кешелекнең әле дә космосны ягъни галәмне өйрәнүдән туктаганы юк. 12 апрель Космонавтика көне уңаеннан укучыларда тирэ-юньне, табигатьне анларга һәм сакларга сәләтле социаль актив, ижади шәхес тәрбияләү, кояш системасы, планеталар турында элементар белешмәләр бирү,алар турында күбрәк беләсе килү теләге , космонавт хезмәтенә кызыксыну уяту максатыннан чара уздырылды. Галәм, космонавтлар, планеталарга кагылышлы сораулардан торган “Чиксез галәм киңлекләре” дип аталган викторина укучыларны җанландырды. Чараның икенче өлешендә укучылар “космик конструктор” ролендә булып үзләренең ракеталарын иҗат иттеләр.

В рамках Всероссийской эстафеты здоровья,  приуроченной к Всемирному Дню здоровья, в школе прошел флешмоб "Утренняя подзарядка". Все обучающиеся 1-9 классов дружно, позитивно  участвовали в утренней зарядке. Зарядились положительными эмоциямии хорошим настроением на весь день! #эстафетаздоровья.

                       Арча ягы шагыйрь- язучыларга гына түгел, музейларга да бай төбәк.  Яңа Кырлайда, Кушлавычта  Габдулла Тукай музее, Арчада әдәбият һәм сәнгать музее, дөньяда бердәнбер “Әлифба” музее эшли.Килгән туристларга да,  Арча халкына да бик зур рухи байлык бирә алар.Халкыбызның Туган төбәгенә,Тукайга булган мәхәббәтен һәм хөрмәтен киләчәк буыннарга да тапшыру өчен кирәк бу музейлар.Бугенге тәрбия сәгатендә 8 класс укучылары Тукай музейлары белән таныштылар.

     Әкият – халык авыз иҗатының борынгы, киң таралган һәм мавыктыргыч җанрларның берсе. Әкиятләрдә халыкның күп гасырлык тормыш тәҗрибәсеннән туган зирәклеге, тапкырлыгы, яхшылык һәм явызлык, киләчәккә өмет һәм хыяллары чагылган. Әкият кешеләрне игелекле, тугры һәм мәрхәмәтле булырга өйрәтә, явызлыкны гаепли, гаделлекне хаклыкны яклый. Туган тел һәм халыклар бердәмлеге елы кысаларында 7 класс укучылары төрле милләт халыкларының әкиятләрен сәхнәләштереп курсәттеләр.

  Кешелек дөньясы һәрвакыт матурлыкка омтылып яшәгән. Гүзәллек белән янәшә үзең дә шәфкатьлерәк, мәрхәмәтлерәк булырга тырышасың. Матурлык безне кара уйлардан коткара, явызлыктан саклый. Безнең әби-бабаларыбыз элек-электән матурлыкка омтылганнар. Күңел матурлыгы элек –электән җыр-моң, күңелле уеннар аша буыннан-буынга күчкән.Халкыбызның  күңел  җәүһәрләрен  барлау  һәм  өйрәнү, укучыларны татар халкының көнкүреш һәм гореф – гадәтләре, йолалары, уеннары белән  таныштыру, укучыларның зәвыгын үстерү, халкыбызның рухи байлыгына ихтирам тәрбияләү максатыннан үткәрелде  6 класста “Уйныйк эле бергәләп” дип аталган тәрбия сәгате. Укучылар “Йөзек салыш”, “Капкалы”, “Сигезле” уеннарын уйнадылар. Җиңелгән укучыларга җәзалар бирелде. Кыскасы, тәрбия сәгатендә укучылар рәхәтләнеп күңел ачтылар.

Апрель ае – бөек шагыйребезнең туган ае, шигърият ае. Зәңгәр күк йөзендә кояш балкыган чакта шаулап-гөрләп апрель ае килгәндә, безнең яраткан шагыйребез Г.Тукай туган. Тукай иҗаты – күпкырлы, халыкчан тамырлы, легендар рухлы, тирән моңлы һәм тылсымлы бер шигъри дөнья ул.

   “Апрель булып, илгә Тукай килә”  дип исемләнгән тәрбия  дәресендә укучылар шагыйрьнеӊ сабый чагы истәлекләрен  искә төшерделәр, балалар өчен язган шигырьләрен яттан һәм сәхнәләштереп сөйләделәр,  Тукай әкиятләре буенча мультфильмнар  карадылар.  Тукай иҗаты – мәңгелек иҗат. Габдулла Тукай безнең арабызда булмаса да, аның үлемсез әсәрләре  йөрәгебездә мәңгелек урын алды.

     Китап – безнең тормышта иң мөһим, иң кирәкле әйберләрнең берсе. Ул киңәшче дә, ярдәмче дәуйландыручы да, дөреслеккә юл күрсәтүче дә.
     Китап – ул кеше уйлап чыгара алган сирәк могҗизаларның берсе, халкыбызның күңел байлыгы, рухи хәзинәсе. Аларда халыкның ерак гасырлардан килгән тарихы, җыр-моңнары, акыллы киңәш-фикерләре сакланган һәм буыннан-буынга, чордан-чорга күчеп безнең көннәргә килеп җиткән. Класстан тыш чарада Печмәнтау башлангыч мәктәбе укучылары китап турында мәкальләр әйттеләр, шигырьләр укыдылар, табышмакларга җавап бирделәр,китап турында күп кенә кызыклы мәгълүматләр белән таныштылар