18 мартта Россия Федерациясендә Кырымның Россия белән кушылу көне билгеләп үтелә. Кырым Республикасы территориясендә бу көн 2015 елның 3 мартында кабул ителгән республика законы нигезендә бәйрәм һәм ял көне булып санала. Нәкъ менә шул көнне 2014 елда Кырым рәсми рәвештә Россия Федерациясе составына керде. Бу территорияләрнең Россия составына керүе 2014 елның 18 мартында Мәскәүдә Зур Кремль сараеның Георгий залында Россия һәм Кырым республикасы башлыклары тарафыннан имзаланган дәүләтара килешү нигезендә теркәлгән.
2021 елның 18 нче мартында сәг. 12.00 дә (Мәскәү вакыты белән) «Ачык ишекләр" Бөтенроссия проекты кысаларында, Кырымның Россия белән кушылуы көненә багышланган Бөтенроссия ачык онлайн-дәресен үткәрү планлаштырылды. Без бүген укучылар белән шушы чараның трансляциясен карадык.

Бүген бездә кунакта "Ватаным Татарстан" газетасы журналистлары булды. Алар музейда Габдулла Тукай тормышы белән кызыксындылар. Укучыларыбыз аларга Тукай шигырьләрен сөйләделәр. Очрашу бик җанлы һәм кызыклы үтте.

“Өч наданга алмашынмас бер язу белгән кеше,
Мәгърифәт эстәр, иренмәс һич кеше булган кеше”. ( Габдулла Тукай)
Һәр телнең язу тарихының гаять дәвамлы, үткән озын юлы бар. Татар культурасының иң катлаулы һәм иң бәхәсле өлкәсе - язу тарихы, хәреф алыштыру һәм имля төзәтү тарихы дисәк тә ялгыш булмас. ... Язу тарихының гаять дәвамлы, үткән озын юлы бар. Язу барлыкка килгәнче үк әле, аерым әйберләр информация белдерү, хәбәр итү чарасы булып йөргәннәр. Мондый язуны «әйбер язуы» дип атыйлар. Соңыннан шул ук максатларда рәсемнәрне файдаланганнар. ... Татар халкында язу тарихы. Казан татарларының борынгы бабалары болгарлар Идел буе һәм Кама буйларына VII йөздә килеп утыралар. Аларның бу чорга хәтле ук инде язулары булган дип уйларга тарихи җирлек бар. Бүген сыйныф сәгатьләрендә әнә шул хакта сөйләштек. Шулай ук матур язу үрнәкләре буенча күргәзмә оештырылды.

И туган тел, и матур тел,
әткәм-әнкәмнең теле!
Дөньяда күп нәрсә белдем
син туган тел аркылы.
Бүген “Иң татлы тел – туган тел” дигән темага тәрбия сәгате үтте. Туган тел төшенчәсенә зур мәгънә салынган. Ул – Ватан, туган җир, ата-ана сүзләре белән бергә торган бөек, изге һәм кадерле сүз. Туган телне тугач та ишетә һәм өйрәнә башлыйсың, шуңа күрә аны туган тел дип атыйлар да. Кеше беренче чиратта үз телен әйбәт белергә тиеш, ә аннан инде бүтәннәрен. Хәзерге вакытта туган телне онытучылар, бозучылар да күп. Мондый кешеләр безнең телебезне ямьсезлиләр, чит тел сүзләре кушып сөйләшәләр. Бу бик начар хәл. “Инсафлының теле саф”, - диләр бит. Бүгенге тәрбия сәгатендә шулар турында сүз барды. Соңыннан, “Туган тел” җырын тыңладык.

Уеннар – халык иҗаты җимеше ул. Аларны да халык уйлап чагарган. Нинди генә уенны алма, аның эчтәлегендә кешеләрнең әүвәлге чорлардагы шөгыльләре, тормыш-көнкүреше чагылыш таба.
Халкыбызның милли мирасы булган халык уеннарын яшь буынга тапшыру максатыннан, бүген мәктәбебездә «Ачык авыз” исемле халык уенын бик яратып уйнадык. Халкыбызның гореф-гадәтләре, йолалары, тормыш-көнкүреше чагылыш тапкан бу уеннар балаларда өлгерлек, тапкырлык, күмәклек, ярдәмләшү, шулай ук кешелеклелек, шәфкатьлелек, сабырлык кебек күркәм сыйфатлар тәрбияли. Халык уеннары – җитезлеккә, көчкә,