Туган телләр һәм халыклар бердәмлеге елы кысаларында мәктәбебездә "Туган телдә иң матур сүз" акциясе үткәрелде. Укучылар, сыйныф җитәкчеләре белән бергәләп, тормышыбызда төп рольне уйнаган төшенчәләр турында әңгәмә корды, һәр укучы күңеленә иң якын сүзне тактага язып элде. Иң матур сүзләрнең "гаилә", “Ватан” төшенчәсе белән бәйле булуы аеруча сөендерә.

Мәктәбебез укучылары кулланылыштан чыккан батарейлар җыю буенча акция оештырдылар. Ул “Батарей тапшыр да, керпене коткар“ дип атала. Моның өчен мәктәптә контейнер куелган. Батарейларны теләгән һәркем алып килә ала.Бу чарада башлангыч класс укучылары бик актив катнаша.

Бөтенроссия күләм үзтеләгең белән катнашып, ел саен үткәрелә торган “Осенняя неделя добра” акциясендә мәктәбебезнең бер елны да читтә калганы юк. Бу елның экологик көзге мәрхәмәтлелек атнасында да бик теләп катнаштык. Мәктәбебез укучылары белән чүпләрне аерып җыю һәм кулланылыштан калган әйберләрдән көндәлек кирәк-яраклар ясау өйрәнелде.

Безнең мәктәбебез дә республика күләмендә уздырылган дару үләннәре җыеп тапшыру буенча проектка кушылды. Иң беренче эш итеп укучыларыбыз белән дару үләннәре турындагы белемнәребезне баеттык, аларны җыю һәм киптерү кагыйдәләре белән таныштык. Бу эшне укучыларыбыз бик теләп башкардылар.

Бүген башлангыч сыйныф укучылары өчен “Балалар өчен журналлар һәм газеталар” дигән исемдә библиографик дәрес үткәрелде. Дәресебезнең максаты: балаларны периодик басмалар белән таныштыру, аларга кызыксыну уяту иде. Бу дәрестә балалар өчен чыга торган газета һәм журналлар тарихы белән, журналларга язылу тәртибе белән таныштырылды, балалар өчен чыга торган газета-журналларга күзәтү уздырылды. Газетада мәкаләләрнең ничек пәйда булуы, аларны кемнәр язуы аңлатылды.

Бүген мәктәбебездә Бердәм “ЮХИДИ дәресе” үтте. Балаларны юл йөрү кагыйдәләре белән таныштыруны дәвам иттек, урамда дөрес йөрергә өйрәнү, җәяүлеләр өчен булган кагыйдәләрне, транспорт төрләре турындагы белемнәрен ныгыттык.

3 нче сентябрь - терроризмга каршы көрәш көне дип билгеләп үтелә. Укучыларны террор төшенчәсе белән таныштыруны дәвам итеп, үзеңне саклау чараларын аңлату, саклыкка өндәү максатыннан "Терроризмга - юк!" темасы буенча мәктәп күләмендә тәрбия сәгате уздырылды. Укучыларга терроризм буенча тулы белешмә бирелде, төрле куркыныч ситуацияләрдә үзләрен ничек тотарга кирәклеге аңлатылды, бай эчтәлекле презентация күрсәтелде. Беребез дә куркыныч хәлләрдә калмасак иде.

Хөрмәтле укытучылар, кадерле укучылар, әти-әниләр! Барыгызны да чын күңелдән 1 сентябрь - Белем бәйрәме белән котлыйм. Эшегездә һәм укуыгызда зур уңышлар, яңадан-яңа үрләр, ныклы сәламәтлек телим. Белем дигән могҗизалы илнең ишекләре сезнең өчен киң ачылсын, яңа уку елы күңелегездә матур хатирә булып уелып калсын! Хәерле имин сәгатьләрдә!

Август аеның соңгы шимбәсендә мәктәп ярминкәләре  һәм чәчәк күргәзмәсе гөрләп утте. Бездә чәчәк күргәзмәсендә актив катнаштык.

1 сыйныфка кабул итү.

1 нче сыйныфка кабул итү буенча игълан!

  2021 нче елда балаларын беренче класска бирәчәк әти-әниләр! Муниципаль бюджет гомуми белем бирү учреждениесе “Кушлавыч төп гомуми белем мәктәбе” 1 нче сыйныфка кабул итү кампаниясен 2021 нче елның 1 нче апреленнән башлый. Гариза бирү срогы һәм тәртибе РФ Мәгариф министрлыгының 458 нче номерлы «Об утверждении Порядка приема на обучение по образовательным программам начального общего, основного общего и среднего общего образования» (датасы - 02.09.2020) приказы нигезендә башкарыла.

     Гаризалар түбәндәге срокларда кабул ителә:

- беркетелгән территориядән яшәүче, шулай ук аерым өстенлекләре булган балалар 1 нче сыйныфка 1 нче апрельдән 30 нчы июньгә кадәр кабул ителәчәк;

- беркетелгән территориядә яшәмәгән балалар 1 нче сыйныфка 6 нчы июльдән 5 нче сентябрьгә кадәр кабул ителәчәк.

               Прием в 1 класс!

    Уважаемые родители и законные представители будущих первоклассников!

Приёмная кампания в МБОУ  "Кошлаучская ООШ " по зачислению в 1 класс стартует 1 апреля 2021 года

Сроки подачи заявлений от родителей определены приказом Минпросвещения РФ от 02.09.2020 №458 «Об утверждении Порядка приема на обучение по образовательным программам начального общего, основного общего и среднего общего образования».

  Заявления принимаются в следующие сроки:

· для детей, проживающих на закрепленной за школой территории, а также для имеющих преимущественное право зачисления в первый класс – с 1 апреля по 30 июня 2021 года;

· для детей, не проживающих на закрепленной за школой территории (зачисляются на свободные места) – с 6 июля по 5 сентября 2021 года.