Бүген Наласа зонасында мәктәп театрлары арасында "Ватанны саклаучылар"га багышланган бәйге узды. Мәктәбебездә эшләп килүче "Мирас" театры (җитәкчесе Әюпова Р.Ф.) Ф.Кәримнең "Кыңгыраулы яшел гармун" дип аталган музыкаль композициясен сәхнәләштерде. Укучылар бик күркәм чыгышлары белән сөендерделәр. Киләчәктә аларга уңышлар телибез!

20 ноябрь ел саен Бөтендөнья бала хокукларын яклау көне буларак билгеләп үтелә. Әлеге көннең үз тарихы бар: ул Бала хокуклары конвенциясе кебек мөһим документ кабул ителү белән бәйле. 1954 елда Берләшкән Милләтләр оешмасының Генераль Ассамблеясы барлык илләргә балаларны яклау, аларның иминлеген тәэмин итүгә багышланган эшчәнлеккә игътибар юнәлтү максатыннан Бөтендөнья балалар көнен билгеләп үтәргә тәкъдим итә. 20 ноябрь датасы юкка гына сайланмый. Нәкъ шул көнне 1959 елда ассамблея бала хокукларын яклау буенча төп документларның берсе - Бала хокуклары декларациясен кабул итә. Ә 1989 елда Бала хокуклары конвенциясе кабул ителә. Соңгысында балаларның хокуклары ата-аналарның хокук һәм бурычлары белән бәйләнә. Шул уңайдан югары сыйныф укучылары белән тәрбия сәгате уздырдык, тулы эчтәлекле презентация карадык. Укучыларны үзләренең хокуклары һәм бурычлары белән таныштырдык.

Ежегодно в третье воскресенье​ ноября​ отмечается​ Всемирный​ день​ памяти​ жертв​ ДТП. Цель акции: привлечь широкую общественность к проблемам обеспечения БДД, снижения смертности и травматизма в результате ДТП, противодействия правонарушениям на дороге, а также почтить память жертв ДТП и выразить соболезнования членам их семей.
​ 20​ ноября 2022 года ​ учащиеся нашей школы приняли​ участие​ в​ акции, приуроченной к этой дате, выйдя на улицу с плакатами, и призывая всех соблюдать правила дорожного движения.

Бүген мәктәбебезгә Арча шәһәреннән балигъ булмаганнар арасында гаилә иминлеге һәм хокук бозулар юнәлеше буенча әйдәп баручы белгеч Хабирова Р.Г һәм участок иеспекторлары җитәкчесе полиция капитаны Минзин И.И, психолог Хөснетдинова Г.Н. килделәр. Алар югары класс укучылары белән бәлигъ булмаган яшүсмерләр арасында хокук бозу , экстремизм, терроризм турында әңгәмә уздырдылар. Юл йөрү кагыйдәләре, урамда үзеңне дөрес тоту, интернет челтәреннән дөрес файдалану турында тулы аңлатма бирделәр. Бу очрашу укучыларга ошады, алар үзләре өчен файдалы мәгълүмат алдылар .

Бүген башлангыч класс укучылары янына 5 нче класс укучылары кунакка керде. Алар юл йөрү билгеләре буенча КВН үткәрделәр. Сорауларын алдан кызыклы да, файдалы да итеп әзерләгәннәр. Укучылар бик теләп сорауларга җавап бирделәр. Әлеге чара балаларга ошады. Алар юл йөрү буенча белемнәрен тагын да баеттылар.

С 9 по 19 ноября в школах проходит «Урок​ цифры» на тему «Как стать IT-предпринимателем».
Сегодня такой урок цифровой грамотности состоялся и в нашей школе. На уроке мы с ребятами старших классов поговорили о преимуществе сети интернет, о том, как каждый ученик может реализовать свои предпринимательские возможности.
Ученики с интересом погрузились в изучение мира цифровых технологий, многие из них уже сейчас понимают значимость полученных знаний в современном мире.

Бүген укучыларыбыз мәктәп китапханәсендә булган “Сабантуй”, “Ялкын”, “Идел” һ.б. журналларының битләре буенча сәяхәт ясадылар. Бу кызыклы һәм мавыктыргыч журналлардагы рубрикалар, мәкаләләр белән якыннан таныштылар. Шулай ук “журналист, “редактор”, “тираж”, “экземпляр” төшенчәләре турында да мәгълүмат алдылар.

Бүгенге "Мөһим сөйләшү" Халыклар бердәмлеге көненә багышланды. Илебез күпмилләтле һәм андагы халыклар бер-берсе белән дус, тату яши. Шатлык, борчуларын бергәләп бүлешәләр. Видеоролик караганда акыл иялэренең, шагыйрьләрнең ил турындагы сүзләрен белдек. 1612нче елны Мәскәүне Польша һәм Литва гаскәрләреннән азат  итү көне 4нче ноябрьгә туры килә. Кузьма Минин, Дмитрий Пожарскийларның җиңүгә зур өлеш кертүләрен искә төшердек. Интерактив уенда белемнәр камилләштерелде.

2004 елдан башлап, 20 октябрьне Халыкара пешекче көне буларак билгеләп үтәләр.
Чын пешекче булыр өчен, зур сәләт, тырышлык кирәк. Бу һөнәрне үз иткәннәрнең күбесе хакында, ул пешекче булып туган, диләр. Профессионал кул астында булган продуктлардан да тәмле ризыклар әзерләп, затлы өстәл корырга сәләтле. Пешекче һөнәренең килеп чыгышы бик борынгыдан килә. Безнең сәламәтлек, сыйфатлы ризыклар белән туклану, кәефебез пешекченең нинди ризык белән сыйлавына бәйле.
Шушы уңайдан, мәктәп укучылары үзләренең яраткан пешекче апалары Лилия Равил кызын һөнәри бәйрәме белән котладылар. Аларга кушылып, пешекчебезне без дә бәйрәм белән котлыйбыз. Аңа сәламәтлек, тынычлык, гаилә иминлеге телибез! Һәр яңа көн кухняда тәмледән тәмле ризыклар иҗат итәргә илһам алып килсен!

Мәктәбебездә “Психология атналыгы” дәвам итә. Балаларда психологик халәт тудыру максатыннан бүген башлангыч класс укучылары белән тренинг уздырдык. Уеннарда һәр бала актив катнашты.
Уеннар, тәрбия чарасы буларак, баланың шәхес булып формалашуына зур йогынты ясый, психик үсешенә ярдәм итә. Алай гына да түгел, алар нәниләрдә дуслык, иптәшлек, гаделлек, зирәклек кебек сыйфатлар да тәрбияли. Уеннар ярдәмендә бала тырыш, көчле, сәләтле, нык ихтыярлы булып үсә, мөстәкыйльлекләре арта, оештыру сәләтләре үсә, күңелләре күтәренке, көр була һәм бу халәт аның нерв системасына уңай йогынты ясый.