12 нче май - Халыкара шәфкать туташлары көне. Бу көндә без, тормышларын шәфкать туташы һөнәре белән бәйләгән барлык кешеләргә хөрмәтебезне белдерәбез. Шул максаттан без бүген Кушлавыч авылы фельдшер - акушерлык пунктына юл тоттык. Фельдшерыбыз Хәкимҗанова Рәсимә Рөстәм кызын һөнәри бәйрәме белән тәбрик иттек. Аңа сәламәтлек, эшендә һәм тормышында зур уңышлар теләдек. Ул укучыларга үзенең хезмәте, башкарган эшләре турында сөйләде. Укучыларыбыз үзләрен кызыксындырган сорауларга җаваплар алдылар.

Укучыларны мәктәптә, җәмәгать урыннарында үзеңне дөрес тоту, куркыныч хәлләргә юлыккан очракта саклану чараларын аңлату, саклыкка өндәү максатыннан мәктәп күләмендә тәрбия сәгате уздырылды. Укучыларга терроризм буенча тулы белешмә бирелде, төрле куркыныч ситуацияләрдә үзләрен ничек тотарга кирәклеге аңлатылды, бай эчтәлекле презентация күрсәтелде. Укучыларга алдан терроризмга багышланган рәсемнәр ясарга кушылган иде. Әюпов Рәзилнең рәсеме иң үзенчәлекле рәсем дип табылды.

Ватан сугышыннан соң шактый гомер үтсә дә, аның яралары әле дә сиздереп тора. Илебез азатлыгы, бәйсезлеге өчен көрәшкән, дошманны тез чүктергән Ветераннарыбызга – дан һәм хөрмәт. Аларны онытырга хакыбыз юк. 

Мәктәпнең "Яшь талантлар" театры республиканың "Юные герои Великой Победы" конкурсының мәктәп этабында Муса Җәлилнең "Кызыл Ромашка" әсәрен сәхнәләштерде.

Безнең мәктәбебез дә Җиңүнең 77 еллыгына багышланган «Җиңү тәрәзәләре» Бөтенроссия акциясенә кушылды. Укучыларыбыз әлеге чарада бик актив катнаштылар. Тәрәзәләребез Мәңгелек ут, йолдызлар, Георгий тасмалары, котлау язулары, салют, чәчәкләр һәм ак торна рәсемнәренә күмелде.

Бүген мәктәбебез укучылары белән гадәттән тыш хәлләр вакытында үз-үзеңне тоту кагыйдәләре турында әңгәмә үткәрдек. Әңгәмә балаларның куркынычсызлык кагыйдәләре турындагы белемнәрен тагын да арттырды.

Георгиевская ленточка получила свое название от ордена Святого Георгия. Этот орден был учрежден в России в 1769 году. Он назван по имени святого Георгия, покровителя русского воинства. Святой Георгий-великомученик. Он был замучен и убит врагами христианства - язычниками. За мужество и за духовную победу над мучителями, которые не смогли заставить его отказаться от христианства, а также за чудодейственную помощь людям в опасности святого Георгия называют еще Победоносцем. Святой Георгий изображается сидящим на белом коне и поражающим копьем змея. Это изображение основано на предании и относится к посмертным чудесам святого великомученика Георгия.
Георгиевская лента – память о людях, сражавшихся за нашу жизнь! Поэтому недопустимо неуважительное отношение к этой ленте. Не используйте ее как
украшение, не повязывайте на неподобающие предметы, животных, не рвите и не загрязняйте ее. Относитесь к «Георгиевской ленточке» бережно!
Мы сегодня с учениками познакомились с историей георгиевской ленты, воспитывали бережное отношение к традициям своего народа, способствовали пробуждению чувства гордости за воинские подвиги предков.

“Агачларны сындырма – кулың корыр”, – дигән сүзләргә никадәр мәгънә салынган. Тирә - юнебезгә яшеллек бирүче, сулар һавабызны чистартучы урманнарны саклау, агачлар утырту барыбызның да уртак бурычы. Һәркем үзе яшәгән җирне матурларга, сакларга тиеш.Үсентеләр бала кебек сизгер. Аны изге теләк белән, ихлас күңелдән утыртсак – һичшиксез үсеп китәчәк!  

 30 нчы апрель Татарстанда урман утырту көне буларак билгеләп үтелә. Матур традициягә әйләнгән әлеге чарада безнең мәктәп  ел саен актив катнашып килә. Укучылар һәм хезмәт укытучысы Минһаҗев А.Ә., биология укытучысы Бикчәнтәев Р.Ә. бу эшкә күңел биреп, тырышып эшләделәр. Хәзер агачларны кадерләп, саклап үстерергә генә кирәк.

#МаршПарков-2022 #СадПамяти

Мәктәпнең "Яшь талантлар" театры республиканың "Юные герои Великой Победы" конкурсының мәктәп этабында Фатих Кәримнең "Кыңгыраулы яшел гармун" әсәрен сәхнәләштерде.

23 апрельдән 30 апрельгә кадәр Бөтендөнья сәламәтлек саклау оешмасы инициативасы буенча Европа илләрендә иммунизация атнасы уза. Анда Татарстан Республикасы да катнаша. Бу чараның төп максаты - җәмәгатьчелекнең игътибарын профилактик прививкаларның мөһимлегенә җәлеп итү, иммунлаштыруның өстенлекләрен аңлату.
Бүген тәрбия сәгатендә укучыларга прививкалар, аларның әһәмияте турында сөйләдек. В гепатиты, туберкулез , бума ютәл, полиомиелит, дифтерия, йогышлы тартышу авыруы, кызамык, эпидемик паротит, кызылча, грипп турында тулы белешмә бирдек. Иммунизация ярдәмендә дөньяда йогышлы авырулардан үлүнең ел саен 3 млн.га кадәр очрагын булдырмый калу турында сөйләдек. Шуңа күрә укучыларыбызга прививкаларны вакытында ясатырга, курыкмаска кирәклеген аңлаттык.