Алдагы атна азагында Мамадыш районында Республика мәгариф хезмәткәрләренең җәйге спорт төрләре буенча спартакиадасы булып узды. Әлеге чарада районыбыз җыелма командасы да чыгыш ясады. Гомуми исәптә безнекеләр алдынгы рәтләрдә... Район мәгариф бүлеге җитәкчебез Дәүләтбаев Зөлфәт Миннефарович...

"Белем җәүһәрләре - 2015" VI Дөньякүләм татар интернет-проектлары бәйгесенең финалистларын бүләкләү тантанасыннан Гран-при, "Җәүһәрләрнең җәүһәре" исеменә лаек булып кайттык. Әлеге бүләкне "Белем җәүһәре" исемен яулап, шушы исемгә кимендә 3 ел тап төшермичә, сайтларын ныгыта, яхшырта барган татнетчыларга тапшыралар. Безнең районнан шулай ук...

Муниципаль район тарих укытучыларының фәнни-гамәли киңәшмәсе узды. Түгәрәк өстәлгә һәр зонадан берәр укытучы чакырылган иде. Очрашу ФГОС шартларында тарих фәнен укыту тематикасы буенча үткәрелде. Түгәрәк өстәл артында УУГ, укыту технологияләре, дәрестән тыш эшчәнлек, укучыларның белемнәрен бәяләү турында яңалыклар, проблемаларны уртага салып киңәшләштек...

Мәктәп укучыларыбыз Кушлавыч авыл клубында Туфан Миңнуллин истәлегенә багышланган декада кысаларында бик матур кичәдә катнаштылар. Аның тормыш юлы, иҗаты буенча тулы экскурс үтеп, викториналарда катнашып, драма әсәрләренең видиофрагментларын карап ял иттеләр. Чараны Кушлавыч авыл клубы, Тукаевларның Кушлавычтагы музей-йорты, Кушлавыч авыл китапханәсе хезмәткәрләре оештырды...

Район төркеме составында Киров өлкәсе Нократ Аланы шәһәрендә эшлекле очрашуда катнаштык. "Нократ Аланы күппрофильле лицее" базасында «Вятка Future» регионара күчмә волонтёрлар мәктәбендә булдык. Очрашу кысаларында Рәсәй һәм Киров өлкәсе волонтёрлар хәрәкәте үсеше белән таныштык. Укучылар социаль проект эшләре, волонтёрлык технологиясе һәм dancelife проектларында бик теләп катнаштылар...

    Хөрмәтле коллегалар! Барыбызны да һөнәри бәйрәмебез, "Укытучылар көне" белән чын күңелдән котлыйбыз! Табигатьнең дә шушы көнне болытсыз аяз матур көн бүләк итүе (кемнәрдә ничектер, Кушлавычта аяз бүген) бәйрәмебезгә ямь өстәде.... Укытучы хезмәте - сабырлык, тырышлык, белем таләп итә торган һөнәр. Сабый бала тормыш ваклыклары арасында югалмасын      дип, юл өйрәтеп, хәреф танытучы иң беренче кеше – укытучы. Нәни баланың күңеле уңдырышлы җир-ана кебек, ә укытучы аңа белем орлыклары сала. Бу орлыклардан исә игелек, мәрхәмәт, шәфкать, тәүфыйк кебек сыйфатлар үсеп чыга, ныгый. Әйтерсең лә, укытучы үзенең җанын-тәнен телем-телем кисәкләргә бүлеп балаларга өләшә...

Сезнең тормыш юлы матур тарих,

    Күпләр өчен үрнәк булырлык.

    Рәхмәт, дибез, сезгә чын йөрәктән,

    Сезнең гомер — безнең горурлык.

    Өлкәннәр!.. Олы кешеләр!.. Күпме мәгънә табып була бу сүзләрдән. Элек-электән үк олы кешеләр тормышның, яшәешнең нигезен  тәшкил иткәннәр: намуслы балалар үстерү, аларның бәхете өчен көрәшү, туган илне дошманнардан азат итү, киләчәгебез якты һәм тыныч булсын өчен, табыннарыбыз мул, көннәребез уң булсын өчен башкарган барлык әшләр дә алар кулы аша үткән.

Хөрмәтле өлкәннәребез! Сезне бәйрәмегез уңаеннан кайнар котлыйбыз. Сезгә саулык, сәламәтлек, шатлык-куанычлар, олыгайган көнегездә тыныч тормыш телибез.

Узган шимбәдә Казан шәһәрендә авыл хуҗалыгы товарлары ярминкәсендә катнаштык. Сатып алучыларга мәктәп яны тәҗрибә участогында үстерелгән яшелчә, җиләк-җимеш, төрле кайнатмалар, кул эшләнмәләре һ.б. тәкъдим иттек. Татарстан Республикасы Премьер-министр урынбасары - авыл хуҗалыгы һәм азык-төлек министры Марат Әхмәтов та әзерлек дәрәҗәбезгә уңай бәя бирде. Сатып алучылардан да җылы рәхмәт сүзләре ишеттек...

    Районыбызда "Кырлай" җирлегендә зур сабантуй бәйрәме узды. Былтыр беренче тапкыр ат чабышлары итеп башланып киткән әлеге чара быел чын сабантуйга әверелеп куйды һәм ГТО нормативларын да тапшырырга була иде. Бу бәйрәмдә безнең мәктәп укучылар командасы да катнашты. Укучыларыбыз ГТО нормаларын уңышлы үтәп кайтты. Шулай ук бәйрәм чарасын да бик ошатканнар. Сабантуйның милли уеннары белән генә түгел, 80 һәм 40 км.га ат чабышлары белән дә үзенчәлекле булды шул бу чара...

Матур роза чәчәген кемнәр генә яратмый икән? Шул сәбәптән әлеге чәчәкне кәгазьдән ясау ысулы белән уртаклашырга булдык. Бераз катлаулырак кебек булса да ясасагыз тырышлыкларыгыз бушка китмәс, яндагы рәсемдәге кебек роза чәчәге килеп чыгачак...