12 март көнне Казан шәһәренең Фатиха Аитова исемендәге татар телендә белем бирүче 12нче номерлы гимназиясендә, Туфан Миңнуллин истәлегенә багышланган II республика конференциясенең "Драматургия, Театр яктылыкка, нурга илтә!.." номинациясендә проза жанрындагы әсәрдән өзекне сәхнәләштерү буенча ТР муниципаль районнары белем бирү оешмаларының сайлап алу туры узды. Безнең мәктәп укучылары Н.Фәттахның "Кырык дүртнең май аенда" әсәре белән әлеге турда уңышлы чыгыш ясадылар. Яшь театр сөючеләрнең чыгышларын Г.Камал, К.Тинчурин исемендәге Татар дәүләт театрлары артистлары бәяләде. Укучыларга шаһәдәтнамәләр, истәлекле бүләкләр тапшырылды. Г.Камал театры Р.Зәйдулланың "Арбалы хатыннар" спектакленә чакыру билетлары да таратты.

Бу чараны яхшы әзерләгән 12нче номерле гимназия администрациясенә һәм укытучыларына җылы мөнәсәбәтләре өчен зур рәхмәтләребезне белдерәбез. Бәйрәм ахырыннан гимназиядә эшләп килүче Т.Миңнуллинга багышланган мемориаль музейда һәм милли музейда булдык...

11-12 март көннәрендә районыбызда Арча педагогик көллияте һәм кайбер мәктәпләр базаларында Арча һәм күрше 5 район укытучыларының зональ уку-семинары уза. УТЭ буенча директор урынбасары И.И.Әюпов та әлеге курларны тыңлый. ИРО җитәкчелегендәге әлеге курслар ФГОС буенча эшләү тәртибен, эш алымнарын үзләштерү өчен әзерләнгән...

    Кушлавыч авыл клубы базасында "Халыкара хатын-кызлар көне" уңаеннан "Пар канатта гына яшәү көче" дип исемләнгән әдәби-музыкаль кичә оештырылган иде. Әлеге чараны әзерләү һәм үткәрүдә мәктәбебез активы да зур көч куйды. Әлеге кичәдә авылның үрнәк гаиләләре чакырулы иде. Дәртле җыр-биюләр, бәйрәм котлаулары белән үрелеп барган бу очрашуга алар якты бер нур өстәде. Яшь буынга үз киңәшләрен җиткереп күңелле хатирәләре белән дә бүлештеләр. Һәр катнашучыга Җирле үзидарәнең истәлек бүләкләре дә тапшырылды...

8 март "Халыкара хатын-кызлар көне" уңаеннан мәктәбебездә әлеге матур бәйрәмнең килеп чыгу тарихын өйрәнү буенча класс сәгатьләре узды. Укучыларыбыз әлеге традициянең Клара Цеткин исеменә һәм шул вакыттагы тарихи вакыйгаларга барып тоташуын ачыкладылар, Рәсәйдә әлеге бәйрәмнең беренче тапкыр 1913нче елда Санкт-Петербург каласында билгеләнүен һәм башка күп кызыклы мәгълүматлар  да белделәр. Хәзер бүләк әзерләүгә дә кызыклы үзенчәлекләрне белеп тотынырга була!..

Шул ук вакытта кызу темплар белән мәктәптә әниләрне, апа, әбиләрне чакырып уздырылачак бәйрәм чарасына да әзерлек бара. Аннан репортажны шулай ук тәкъдим итәрбез.

Иртәгә 9 класс укучыларыбыз район күләмендә математика фәненән имтихан эшләп карыйлар. Укучыларыбызга уңышлар теләп калабыз. Әзерлек эше тулы көченә бара.

...Кайбер яшүсмерләр наркотикларны 15-16  яшькә кадәр үк кулланып каравы сер түгел. Ни аяныч, наркотиклар бүгенге  кайбер яшьләр тормышының бер өлешенә әверелгән. Әлеге афәт белән көрәшү мәктәпләрдә дә еш оештырыла. Бу класс сәгатьләрендә, мероприятиеләрдә күренә. 1 нче март -  наркоманиягә каршы көрәш көне. Шул уңайдан мәктәбебездә “Наркомания - ак үлем” дип исемләнгән класс сәгатьләре үткәрелде. Укучылар наркотик кулланган спортсменнарның аянычлы язмышлары белән таныштылар. Бу афәтнең киләчәккә никадәр куркыныч булуы турында күп мәгълүмат алмашынды...
 

    Бөек Җиңүнең 70 еллыгын үткәрү планы нигезендә мәктәбебездә "Хәтер уты" дип исемләнгән кыска метражлы укучылар фильмнары кинофестивале үтте. Бу чараны әзерләүгә укучылар да, укытучылар да бик зур көч куйдылар. Бөек Ватан сугышы белән бәйле һәр тематика рөхсәт ителгәнгә фильмнар арасында күптөрлелек күзәтелүе чараны яңа мәгълүматлар алу өчен бик файдалы итте. Һәркем үз фильмын әзерләүгә күп көч керткән, архив чыганаклары да, интернет мәгълүматлары да, үз төбәк һәм авыл ядъкәрләре дә кулланылган булуы сөендерде. Жюри тарафыннан бәяләнгәндә музыкаль-техник бизәлешкә, дикторлык осталыгына, мәгълүмат байлыгына аеруча нык игътибар бирелде. Бу чарада "Иң яхшы программ әзерлек", "Тарихи ядъкәр", "Иң эчтәлекле фильм", "Иң дулкынландыргыч фильм" номинацияләрендә җиңүче фильмнар билгеләнде...

    Инде җиңүчеләрне тәкъдир итү кинофестиваленә әзерләнәбез. Аңа тыл ветераннары (кызганычка каршы сугыш ветераннарыбыз калмады), әтиләре сугышта үлеп калганнар да (кайберләре фильмнар геройлары) чакырылачак...