Бөек Җиңүнең 80 еллыгы уңаеннан тыл ветераннарыбызга юбилей медальләре тапшырылды. Фәүзия апа белән Асия апа бүгенгесе көндә исән сау гомер итәләр. Аларга сәламәтлек телибез.

Табигатьне саклау - һәркемнең изге бурычы. Табигатькә, аның байлыкларына сакчыл караш кече яшьтән үк башланырга тиеш. Мәктәбебездә бу эш даими алып барыла. Класс сәгатьләре, төрле класстан тыш чаралар, проект эшләре даими рәвештә экологик тәрбия бирүгә хезмәт итәләр.
Бүген мәктәпкә Татарстан Республикасының Биологик ресурслар буенча дәүләт комитеты «Ашыт» дәүләт табигый тыюлыгы белгече Әхмәтҗанов Рәшит Зиннур улы , Абдрахманова Гөлнара Ильяс кызы, Татарстан Республикасы экология һәм табигый ресурслар министрлыгының Төньяк территориаль идарәсе белгече Хурамшина Талия Тәлгать кызы килделәр. Мәктәбебезгә алар еш киләләр. Район экологлары белән уртак чаралар уздыру – мәктәпнең күпъеллык матур традицияләренең берсе булып тора .
Укучылар алар уздырган конкурсларда катнашып, призлы урыннар алалар.
Бүгенге чара Бөтендөнья су- сазлык биләмәләре көненә багышланган иде.

Тозлы камыр кулланып эшләү алымнары белән таныштыру, укучыларның логик фикерләүләрен, чагыштырып карау күнекмәләрен үстерү, мөстәкыйль һәм иҗади эшләү күнекмәләре булдыру, тырышлык, пөхтәлек тәрбияләү максатыннан татар халкының милли ризыкларын ясадык. Укучылар бик теләп эшләделәр. Ахырдан үзләре ясаган ризыклар турында сөйләделәр.

2 нче февраль, совет гаскәрләрнең Сталинград сугышында бөек җиңүе белән истәлекле дата. Шул хөрмәттән һәм дә Бөек Җиңүгә 80 ел тулу уңаеннан, мәктәбебездә зур чаралар узуы дәвам итә.
Сталинград сугышында бөек җиңү-икенче бөтендөнья сугышы барышында борылыш мизгеле булды, сугыш курсы Җиңүгә борылды!
Соңгы дөньякүләм вакыйгалар барышында һәр укучы моның ничек булганын, Җиңүнең нинди бәягә яуланганын белергә һәм истә тотарга тиеш, чөнки Россиянең теләсә кайсы гаиләсендә үзенең хәрби тарихы, үз геройлары, үз югалтулары бар.
Сталинград сугышы кешелек тарихында иң канкойгыч һәм иң каты сугыш булды. СССР ягыннан югалтулар 1 млн кешедән бераз артыграк, ә дошман ягыннан-1,5 млн нан артык кеше тәшкил иткән. Бу бик зур югалтулар. Сталинград сугышы 200 көн дәвам итә. Сталинград территориясендә барган сугышлар нәтиҗәсендә шәһәр тулысынча җимерелә. Сугыштан соң шәһәрне бәлки яңадан торгызмаска дыр дигән фикерләр дә булган, шулай да совет халкының хезмәт сөючәнлеге нәтиҗәсендә шәһәрне торгыздылар.

Балаларның артык кызыксынучан, тыелган нәрсәне татып яисә эшләп карыйсы килү теләге бик көчле булуы без – өлкәннәр өчен яңалык түгел. Шырпы алып, ут сызып уйнап, учак ягып җибәрү алар өчен иң зур шатлык. Тик, бер рәхәтнең, бер михнәте, дигәндәй, уеннан уймак ясамау, балаларга нәрсә ярый, нәрсә ярамаганлыгын аңлату - өлкәннәрнең иң зур бурычларының берсе.
Бүгенге “Ут – дус та, дошман да” дип исемләнгән чара нәкъ тә шуңа багышланган иде. Укучыларның белемнәрен гомумиләштереп, викторина үткәрелде һәм янгын куркынычсызлыгы турында рәсемнәр ясарга кушылды.

Укучылар белән "Юлларда бозлавык, сак булыгыз!” дигән темага әңгәмә үткәрдек. Бозлавык булганда нинди кагыйдәләрне белергә тиешлеге искә төшерелде. Юлларда бозлавык булганда аеруча сак булырга кирәк. Чөнки бозлавык вакытында машиналар да кисәк кенә туктап кала алмыйлар. Шугалакта шуганда бер-береңне этмәскә, юлга якын урыннарда уйнамаска, һәрвакытта тыныч, сак йөрергә кирәклеген аңлаттык.

Кәче мәктәбе базасында укучылар "Точка Роста" буенча ачык дәресләрдә катнаштылар.

Мәктәбебезнең 6 нчы сыйныф укучылары һәм аларнын әти-әниләре “Тату сыйныф серләре” республика конкурсының район этабында катнаштылар.  Алар ин беренче эшне матур итеп гайлә белән ясаган кул эшләреннән, укучыларнын уңыш-казанышларын чагылдырган күргәзмәлек белән таныштырудан башлап җибәрде. Икенче өлеш укучыларнын, әти-әниләрнен “Визит карточкасы”.Әлеге төр конкурста матур биюләр, җырлар белән чыгыш ясап, жюри членнарында бик яхшы тәэсирләр калдырды. Ахыргы этап, еллар буе эшләнгән хезмәтебезне курсэткән «Проект эше» иде. Сыйныф җитәкчесе һәм укучылар белән берлектә нәтиҗәле эшебезне чагылдырган фильм курсәтеп проект эше якланылды.Конкурста катнашкан барлык укучыларыбызга һәм аларның әти – әниләренә зур рәхмәтебезне белдерәбез

18 гыйнвардан илебездә Ленинград блокадасын өзүгә багышланган “Блокадалы карлыгач” патриотик акциясе уза.
“Блокадалы карлыгач” – Бөек Ватан сугышы елларында камалышта булган Ленинград символы. Калайдан ясалган кечкенә карлыгач значогын кешеләр күкрәгендә йөрткәннәр, бу яхшы хәбәр билгесе булган һәм "хат көтәм" дигәнне аңлаткан. Бу шәһәр халкының фашистларның хәтта кош та блокада боҗрасы аша оча алмаячак дигән белдерүләренә җавап булган.
Әлеге акциядә Кушлавыч балалар бакчасына йөрүче балалар белән башлангыч сыйныф укучылары катнашты. Алар Бөек Ватан сугышында һәлак булганнарны искә алып, карлыгачлар сурәтләнгән жетоннар ясадылар.

Бу көннәрдә укучылар белән Ленинград блокадасы, андагы халыкның авыр, фаҗигалы тормышы турында сөйләштек, фильмнар карадык. Бүгенге чарабыз «Блокада икмәге» дип атала. Төп символ — 125 грамм авырлыктагы икмәк кисәге. Ленинград блокадасы вакытында нәкъ менә шундый минималь икмәк бирү нормасы куелган була. Чарада катнашучы укучыларның барысына да бүгенге көн турында бер мизгелгә онытып, ачлык һәм салкынлык кичергән ленинградлыларны искә алырга, аннары үзләрен блокадалы Ленинградта яшәүчеләр итеп, «Блокада икмәген” татып карарга тәкъдим ителде. "Блокада икмәге" кисәге - ул символ, һәм иң мөһиме - Бөек Ватан сугышының героик һәм фаҗигале вакыйгалары, ленинградлыларның батырлыгы һәм ныклыгы турында хәтеребездә саклау.